د ا.ا حکومت په تازهګۍ سره پرېکړه کړې هغه معلولان او متقاعدین چې د کار کولو وړتیا ولري، په حکومتي ادارو کې به یې پر دندو وګوماري.
خو دغه پرېکړه د معلولانو او متقاعدینو له دوهګوني غبرګون سره مخ شوې ده. یوشمېر متقاعدین له دې پرېکړې د هرکلي ترڅنګ وايي چې ډېری متقاعدین د کار کولو وړتیا لري او په خپلو دندو کې مسلکي دي.
د افغانستان بانک وايي چې راتلونکې شنبه د وري ۲۶مه نېټه به «۱۵» میلیونه امریکايي ډالر د لیلام په توګه بازار ته وړاندې کوي.
د ملګروملتونو دفترونو کې د ښځو کار مخنیوي په غبرګون کې دغه سازمان تازه په یوې ویناپاڼه کې ویلي، ا.ا دوی اړ باسي چې یا افغانستان کې خپلو بشري مرستو ته دوام ورکړي، یا د دغه سازمان د قوانینو او اصولو څخه سرغړونه وکړي. د ملګروملتونو ویناپاڼه کې دغه دوه ټاکنې وحشتناکه بلل شوي او ا.ا یې د پایلو مسوول یاد کړی دی.
د امریکا بهرنیو چارو وزارت یوې خبرپاڼه کې ویلي چې د افغانستان لپاره د امریکا ځانګړي استازي توماس وېست قطر، عربي متحده اماراتو او ترکیې هېوادونو ته سفرونه پیل کړي دي. له دې سره، اسلامي امارت ته نږدې سیاسي فعال محمدبشار بیا وايي، امریکا اسلامي امارت سره د مثبت تعامل لپاره اراده نهلري.
د افغانستان د صنعت او سوداګرۍ ټولنې نن چهارشنبه د وري ۲۳مه د کابل تیمورشاهي سیمه کې په ارزانه بیه د کورنیو تولیداتو او محصولاتو د پلور لپاره د «ارزان بازار» په نوم بازار پرانېست چې لس ورځې به دوام وکړي.
د یادې ټولنې رییس نثاراحمد بهبودي سلاموطندار ته وویل چې دغه بازار یې د اختر شپو او ورځو کې په ارزانه بیه د توکو پېر لپاره خلکو ته جوړ کړی دی.
پکتیا کې بڼوالو او د دغه ریاست مسوولانو د ګڼو ونولرونکو باغونو د جوړولو هڅې پیل کړي چې په دودولو سره یې بڼوال کولای شي، له کمې ځمکې ډېر عاید ترلاسه کړي.
د سټنډرډ ملي ادارې مسوولانو نن کابل کې د یوې خبري ناستې پرمهال وویل چې تېر ۱۴۰۱ کال کې یې هېواد ته د بېلابېلو بېکیفیته توکو د واردولو مخه نیولې ده.
د یادې ادارې سرپرست فیضالله تمیم یادې خبري ناستې ته وویل چې د ستنډرډ ملي ادارې د تېر کال پرمهال د بېکیفیته نفتي موادو ۱۰۰۰ ټانکرونه بېرته مصدرد کړي دي.
د افغانستان بانک وايي چې سبا چهارشنبه د وري ۲۳مه نېټه به «۱۵» میلیونه امریکايي ډالر د لیلام په توګه بازار ته وړاندې کوي.
د افغانستان بانک نن (سهشنبه د ۱۴۰۲ د وري ۲۲مه) پر خپله ټوېټرپاڼه لیکلي چې د «افغانۍ» ارزښت ساتنې او ثبات لپاره به سبا «۱۵» میلیونه امریکايي ډالر لیلام کړي.
د اختر په را نږدېکېدو سره کابل ښار کې د افغاني جامو یوشمېر خیاطان وايي چې له تېرې یوې میاشتې راهیسې یې پېردونکي ۸۰سلنه ډېر شوي دي.
د کابل ښار دغه خیاطان همداراز زیاتوي چې د تېرو کلونو په پرتله سږ کال له افغاني جامو سره د خلکو د لېوالتیا ډېره شوې چې د دوی کار ورسره ښه شوی دی.
د افغانستان د اوسپنې پټلۍ ادارې مسوولان وايي چې د تېر کال پرمهال یې د هېواد د رېل پټلۍ له درېوو لارو څلور میلیارډ، ۶۷۳ میلیونه او ۹۲۹ مټریک ټنه توکي بهر ته لېږدولي چې د ۱۴۰۰ کال په پرتله ۳۶سلنه زیاتوالی ښيي.
کابل کې د یوشمېر مېلمستونونو مالکان وايي چې د پخوا په پرتله یې کاروبار خراب شوی دی. دوی زیاتوي چې د بېوزلي له امله د دوی هوټلونو او مېلمستونونو ته د مسافرو ورتک په نشست حساب دی. په ورته وخت کې یوشمېر مسافر کابل ښار کې د هوټلونو او مېلمستونونو احتمالي فعالیت ځنډېدو څخه اندېښنه ښيي.
د هرات محلي مسوولان وايي چې د ۱۴۰۰ کال په پرتله ۱۴۰۱ کال کې د دغه ولایت د ګمرک عواید د فساد مخنیوي له امله څو برابره زیات شوي دي.
د سوداګرۍ او صنایعو وزارت وايي چې افغانستان په ۱۴۰۱ کال کې نږدې ۳۰ زره ټنه زیره چې ۳۹ میلیونه ډالره کېږي، صادره کړې ده.
د مالیې وزارت د ګمرکونو عمومي رییس عبدالمتین سعید نن په کابل کې یوې خبري غونډې ته وویل چې دغه وزارت په ۱۴۰۱ کال کې ۱۹۳ میلیارډه او ۹۱۲ میلیونه افغانۍ عواید راټول او دا د ۱۴۰۰ کال په پرتله ۳۷ سلنه زیاتوالی ښیي.
د افغانستان شمال او شمال ختیځ د زیاتو اوبو او ښې هوا له امله د مالدارۍ لپاره غوره سیمه ګڼل کېږي، خو د تخار ولایت مالداران په دې وروستیو کې له ننګونو سره مخامخ شوي چې له کبله یې دغه دودیز کسب مخ پر ځوړ روان دی.
کابل ښار کې د ګلانو او نیالګیو یوشمېر پلورونکي وايي چې د تېرو کلونو په پرتله یې سږکال د پېر کچه لوړه شوې ده.
ولي محمد چې له تېرو ۱۸ کلونو راهیسې د کابل ښار په یوه څنډه کې ګلان پلوري، وايي چې روان کال یې د ګلانو او نیالګیو برخه کې ۳۰۰زره افغانۍ پانګونه کړې ده.
د سلاموطندار په اړه
نشراتي سیاست او مسلکي اصول
د خصوصي حریم سیاست
له موږ سره اړیکه
کارموندنه
د معلوماتو او سندونو لېږل
له موږ سره د همکارۍ شرایط
شکایت
راډیويي خپرونې
فلم او تصویر
آر اس اس
په خبرپاڼه کې ګډون
