د ماشومانو لپاره د ملګرو ملتونو ملاتړې ادارې یا (یونېسف) په یوه خپور کړي راپور کې ویلي چې اروپايي ټولنې له افغان ماشومانو څخه د ملاتړ او د پولیو ضد واکسین د تطبیق په موخه ۴۰ میلیونه یورو مرسته کوي. یونېسف ویلي، تېر کال د ۸۸سلنه کورنیو لږ تر لږه یوه کس په ډېرو سختو شرایطو کې له کور د باندې کار کاوه.
د بهرنیو چارو سرپرست وزیر امیر خان متقي په مشرۍ یوه پلاوي په دوحه کې مېشت د افغانستان لپاره تر لسو د زیاتو اروپايي هېوادونوله استازو او سفیرانو سره کتلي دي.
د اسلامي امارت مشر ملا هبتالله اخوندزاده نن د علماوو په ستره غونډه کې چې د سرپرست حکومت له خوا د لویې جرګې په خېمه کې جوړه شوې او درې ورځو لپاره دوام کوي ګډون او وینا وکړ. دا غونډه په غږیزه بڼه په دولتي رسنیو کې خپره شوه.
د نيمروز ولايت يوې ښځينه سوداګرې رېزهګل نظري چې د تېر حکومت له ړنګېدو وروسته يې په دغه ولايت کې د ښکلا يو انلاين پلورنځی جوړ کړی وایي، دغه پلورنځی یې د خپل خاوند په مرسته پرانېستې، څو په اوسنيو شرايطو کې چې ښځې له ګڼو ستونزو سره مخ دي، خدمات وړاندې کړي.
د امریکا بهرنیو چارو وزارت ویلي، د افغانستان لپاره د دغه هېواد ځانګړي استازي توماس وېسټ په مشري پلاوی نن دوحه کې د ا.ا له چارواکو سره ګوري. ټاکل شوې دواړه لوري د ترهګرۍ پر وړاندې پر مبارزې، اقتصادي ثبات، بشريحقونو، له ګواښ سره مخ کسانو په خوندي وتلو، د نجونو ښوونځیو پر پرانېستلو او نورو مسلو خبرې وکړي.
خوست کې د جلغوزیو سوداګر وایي، د اسلامي امارت له واکمنېدو وروسته بهر ته د جلغوزیو صادرات بند شوي چې له امله یې ګدامونو کې جلغوزي خرابې شوي او سوداګرو ته یې میلیونونه افغانۍ زیان رسولی دی.
هېواد کې د ډبرو سکرو یوشمېر کارپوهان او کاروباریان وايي، د ډبرو سکرو کیندنې په نامسلکي توګه ترسره کېږي چې له امله یې د ډبرو سکرو ډېری برخه ضایع کېږي. په همدې حال کې د کانونو او پټرولیم وزارت ویاند عصمتالله برهان د ډبرو سکرو کانونو کې نامسلکي کېندنې او ضایعات ردوي.
د افغانستان په سوېل ختیځ ولایتونو پکتیکا، خوست او پکتیا کې له زلزله ځپلو سره د مرستو په لړ کې امریکا له دغو زلزله ځپلو سره د ۵۵ میلیونه ډالرو په ارزښټ د بېړنۍ بشريمرستې اعلان وکړ.
واشنګټن پوسټ ورځپاڼې د امریکايي چارواکو له قوله راپور ورکړی چې د امریکا متحده ایالاتو د ولسمشر جو بایډن اداره د افغانستان د اسلامي امارت له رهبرۍ سره پر داسې یوې طرحې کار کوي چې افغانستان وکولای شي، د افغانستان بانک کنګل شویو شتمنیو ته لاسرسی پیدا کړي.
په هېواد کې په ناقانونه توګه د ډبرو سکرو استخراج او نورو هېوادونو ته یې په ټیټه بیه د صادراتو په اړه اندېښنې شته، خو د اسلامي امارت مسوولان وایي چې د سکرو بیه یې لوړه کړې ده.
پاکستاني رسنیو راپور ورکړی چې د دغه هېواد لومړي وزیر شهباز شریف امر کړی چې افغانستان څخه دې د سکرو وارداتو په کلدارو وشي.
د رسنیو د راپور پربنسټ، شهباز شریف په یوې ناسته کې ویلي چې په دې کار سره به دغه هېواد د ډبرو سکرو د وارداتو له درکه هر کال ۲.۲ میلیارده ډالر وسپموي او په ارزانه بیه به برښنا تولید کړي.
پېښو ته د رسېدو په چارو کې د دولت وزارت مسوولان وايي چې پکتیکا، خوست او پکتیا ولایتونو کې د شوې زلزلې له امله شاوخوا ۱۰۰۰۰ کورونه ویجاړ شوي دي.
په بشردوستانه چارو کې د ملګرو ملتونو د سرمنشي مرستیال مارتین ګریفیټس ویلي چې دغه سازمان افغانستان کې له زلزله ځپلو سره د ۱۰ میلیونه ډالرو په ارزښت بېړنۍ مالي مرسته کوي.
نوموړي پرون پر خپله ټوېټرپاڼه لیکلي چې دغه ۱۰ میلیونه ډالري مرسته به د ملګرو ملتونو د اضطراري صندوق له لارې افغانستان کې زلزله ځپلو ته ورکړل شي.
پرون سهار یوې زورورې زلزلې د هېواد سوېل ختیځ ولایتونه ولړزول چې له امله یې له ۱۰۰۰ ډېر کسان مړه او ۱۵۰۰ نور ټپیان شوې دي. په دې زلزله کې سلګونه کورونه ویجاړ شوي او خلکو ته درانه مالي زیانونه اوښتي دي.
د اقتصادي چارو کارپوهان په دې باور دي چې افغانستان یو کرنیز هېواد دی او اقتصاد یې هم کرنې پورې تړلی چې د طبیعي پېښو رامنځته کېدل به د هېواد اقتصاد ته نه جبرانېدونکي زیانونه واړوي.
هېواد کې د وزګارتیا او بېوزلۍ د پراخېدو په لړ کې د هلمند درېوو اوسېدونکو په یوه کمسارې اقدام کې د سرپرست حکومت مسوولانو ته د دغه ولایت د وزګاره ځوانانو د غږ رسولو په موخه له هلمند څخه کابل ته پلی مزل پیل کړی دی.
