په افغانستان کې د ملګرو ملتونو ځانګړې استازولۍ یا یوناما نن پر خپلې فېسبوکپاڼې لیکلي چې ټاکل شوې د ملګرو ملتونو امنیت شورا نن د افغانستان په اړه د تړلیو دروازو شا ته له سلا مشورو وروسته یوه غونډه جوړه کړي.
د لوګر چارواکي وایي چې دغه ولایت کې د عینکو کان اړوند «امسيسي» چینایي شرکت له لوري د محمداغې ولسوالي پر ۳۰۰ بېوزله او اړمنو کورنیو باندې د خوراکي توکو مرسته ووېشل شوه.
سمنګان کې یوشمېر باغلرونکي وايي چې سږکال یې د زردالو حاصلاتو کې د پام وړ زیاتوالی راغلی، خو د بازار او سړوخونو نشتون له امله اړ دي چې په ټيټه بیه یې وپلوري.
د بدخشان د کوهستان ولسوالي اوسېدونکي وايي، د یفتلبالا او کوهستان ولسوالیو ترمنځ د نښلېدونکي ۱۸ کیلومټره سړک د بیارغونې چارې یې پیل کړي دي.
دغه سړک چې «دربندک» سیمه کې جوړېږي، ۷۰۰زره افغانۍ لګښت پرې راځي چې د سیمې د خلکو له لوري ورکول کېږي.
د میدانوردګ مرکز میدانښار په «کوټه عشرو» سیمه کې د ملي پراختیا شرکت له لوري په ۷۰۰ جریبه ځمکه د لومړي ځل لپاره د ډبرو سکرو د پروسس مرکز جوړېږي.
د ملي پراختیایي شرکت مسوول غیاثالدین شریفي میدانښار کې د یوې غونډې پر مهال ویلي چې د ډبرو سکرو دغه مرکز به پر ۷۰۰ جریبه ځمکه جوړ شي چې د ځينو برخو د جوړیدو عملي سروې یې هم پيل شوې ده.
کابل کې د هېواد په کچه د تازه مېوو او سبزۍ تر ټولو ستر مارکېټ ته د هېواد له ختیځو، شمالي او مرکزي ولایتونو هره شپه سلګونه ټنه تازه مېوې او سبزۍ راوړل کېږي چې کورني سوداګر او کاروباریان یې بیا له دغه ځایه د هېواد نورو ولایتونو او ان بهرنیو هېوادونو ته لېږدوي.
د جبلالسراج د سمنټو کارخونې رییس محمدصابر حمزه سلاموطندار ته ویلي چې د دې کارخونې د تولید ظرفیت په یوه ورځ کې له ۲۰ ټنو څخه ۷۰ ټنو ته لوړ شوی دی.
د هغه په وينا، په دې کارخونه کې شاوخوا ١٦٥ تخنيکي او عادي کارکوونکي په دوو دورو کې کار کوي، خو زیاتوي چې د دې کارخونې ماشینونه اوس زاړه شوي دي.
هلمند کې یوشمېر کروندګر وايي چې سږکال دغه ولایت کې ګڼشمېر کروندګرو پر خپلو ځمکو غنم کري او د وچکالي له امله یې پر خپلو کرل شویو غنمو لوړ لګښتونه کړي، خو اوس یې د پلور ټيټو بیو اندېښمن کړي دي. دوی زیاتوي چې پر خپلو کښتونو یې لوړ لګښتونه کړي دي.
هرات کې د «قصر هرات» سوداګریز مارکېټ کې د اورلګېدنې له کبله ګڼشمېر هټۍوالو ته میلیونونه ډالر زیان اوښتی دی.
د یاد سوداګریز مرکز یوه مسوول صفاتالله مولويزاده سلاموطندار ته ویلي، دغه سوداګریز مرکز کې اورلګېدنه نن شنبه د غبرګولي ۲۷مه د برښنا شارټۍ له امله رامنځته شوې ده.
په هېواد کې د یوشمېر خصوصي بانکونو پېرودونکي وايي چې له خپلو بانکي حسابونو په اوونۍ کې یوازې یو یا دوه ځله تر ۱۰۰ ډالرو پورې رااېستلی شي او اړوند بانکونه له دې زیاتې پیسې نه ورکوي. د میوند خصوصي بانک یوه پېرودونکي ممتاز سلاموطندار ته وویل چې اوونۍ کې یو یا دوه ځله له خپل بانکي حساب څخه تر ۱۰۰ ډالره رااېستلی شي.
د سلاموطندار د موندنو پر بنسټ هېواد کې د مخکیني حکومت پر مهال د ښځو لپاره د رامنځته شویو ۲۷ امن کورونو له ډلې یې اوس یوازې یو فعال دی او پاتې نور یې تړل شوي دي.
سلاموطندار دغه موندنې د مخکیني حکومت پر مهال د امن کورونو یا د ښځو ملاتړو مرکزونو د مخکینیو مسولانو سره د مرکو له لارې ترلاسه کړي دي.
د دایکندي په ځینو ولسواليو کې يوشمېر مالداران وايي چې د نامعلومو ناروغيو د خپرېدو له امله یې لسګونه څاروي لهمنځه تللي دي.
د دایکندي د «سنګتخت» او بندر ولسوالي اوسېدونکي رحمت سلاموطندار ته وویل چې د څارویو ناروغاي ډېره شوې او په وینا یې، درمل هم نهلري چې درملنه یې وکړي.
د شهیدانو او معلولانو وزارت مرستیال عبدالحکیم حقاني وايي چې د هېواد په کچه یې د معلولانو او د شهیدانو کورنیو د غړیو د بایومټریک بهیربیا پیل کړی دی.
د شهیدانو او معلولانو په چارو کې د دولت وزارت مرستیال عبدالحکیم حقاني دغه څرګندونې نن چهارشنبه د غبرګولي ۲۴مه کابل کې یوې غونډې ته د وینا پرمهال وکړې.
هلمند کې د «سباوون» ټلوېزیون مسوولان وايي چې له شاوخوا دوه کلن ځنډ وروسته یې خپل فعالیتونه بېرته پیل کړي دي.
د «سباوون» ټلوېزیون د نشراتو مسوول نبي اکمل وايي چې د اقتصادي ستونزو او جګړې له امله یې تېرو دوو کلونو کې خپل فعالیتونه ځنډولي وو.
د میدانوردګ ولایت مقام له لوري سلاموطندار ته په رالېږل شوې خبرپاڼه کې راغلي چې په دغه لیدنه کې چینایي پانګوالو ویلي چې د یاد ولایت په صنعتي پارک کې به د ۲۵۰زره امریکایي ډالرو په مالي لګښت د لوښو مېنځلو، سیمي جالیو او د ماشومانو لپاره د پمپرو تولید کارخونه جوړه کړي.
د خوړو او درملو ملي ادارې مسوولان وايي چې افغانان د خپلو ناروغیو د درملنې او درملو پېر لپاره هر کال یو میلیارډ ډالر مصرفوي.
د خوړو او درملو ملي ادارې مسوولانو دغه څرګندونې نن سهشنبه د غبرګولي ۲۳مه کابل کې د کورنیو درملو د تولیداتو نندارتون د پرانېستلو پر مهال کړي دي.
