په داسې حال کې چې د وروستیو ورځو پر مهال کابل ښاریان د برښنا پرچاوۍ له ډېروالي شکایت کوي، د برښنا شرکت مسوولان وايي چې تېر یوه کال کې یې څه باندې ۳۳ میلیارډه افغانۍ عواید ټول کړي دي. د برښنا شرکت د مسوولانو په وینا، دغه عواید یې د برښنا له درکه له خپلو پېرودونکو راټول کړي دي.
سرپل کې یوشمېر ماشومان سهار لمرخاته مهال ښوونځي ته د تګ پر ځای، د خښتو بټیو ته ځي او د یوې مړۍ ډوډۍ موندلو په موخه له سهاره تر ماښامه خښتې وهي. دغه ماشومان چې د زدهکړو له نعمت څخه بېبرخې دي، ماشومانه لوبې یې د درنو کارونو قرباني کړې دي.
د ټولګټو وزارت مسوولانو نن (د زمري دویمه، د دوشنبې ورځ) ملت ته د دولت حساب ورکونې غونډه کې وویل چې اوس د هېواد په کچه د ۷۸۱ کیلومټره واټونو د بیارغونې چارې روانې دي.
هرات کې د اطلاعاتو او فرهنګ وزارت د ځوانانو چارو معین محمدیونس راشد له لوري نن دوشنبه د زمري دویمه هرات کې د ۲۳زره ډالرو په ارزښت د فریلنسینګ یا د «انلاین کاروبار» لومړنی مرکز پرانېستل شو.
د کانونو او پټرولیم وزارت مسوولان وايي چې دا مهال په ټول هېواد کې ۲۰۰ کوچني کانونه فعال دي چې د ۱۰۸ کانونو د استخراج قراردادونه یې تېر کال شوي دي.
د یاد وزارت مسوولانو دغه څرګندونې نن دوشنبه د زمري دویمه «ملت ته د دولت د حساب ورکولو پروګرام» کې کړې دي.
میدانوردګ کې د سېلابونو له امله د قربانیانو شمېر ۳۰ کسانو ته او د ټپیانو شمېر ۱۵ کسانو ته لوړ شوی دی.
د میدانوردګ د طبیعي پېښو پر وړاندې مبارزې ریاست مسوولان وايي چې د روانې اوونۍ د یکشنبې پر شپه د راوتلو سېلابونو له امله د ښځو او ماشومانو په ګډون ۳۰ کسان مړه شوې دي.
هره ورځ زرګونه کورني ګرځندویان د سرپل ولایت د سانچارک ولسوالي له مرکز نه اته کیلومټره لرې په «شبوکند» سیمه کې د «انګشت شاه» مېلهځای ته د چکر لپاره ورځي، خو دغه ګرځندویان یادې سیمې ته د ورغلي واټ د خرابوالي او هلته د لازمو امکاناتو نشتون په اړه شکایت کوي.
د جوزجان اوسېدونکی انصارالحق ځوانانو د کارموندنې په موخه ایران او سعودي عربستان ته د تګ پیسې د بادرنګو د تولید پر درېوو خونو لګولې دي.
هغه د دغه کار موخه پانګونې ته د ځوانانو هڅونې او د نامنظمې کډوالۍ مخنیوي یادوي او وايي، د ټولنې هر غړی خپل مسوولیت لري چې باید سر ته یې ورسوي.
د سوداګرۍ او پانګونې خونې مسوولان وايي چې نن یکشنبه «زمري لومړۍ» کابل کې د امام ابوحنیفه د اووه ورځني نړیوال نندارتون په پای کې یوشمېر سوداګرو د خپلو تولیداتو د پلور لپاره قراردادونه ترلاسه کړي دي.
د افغاني سرې میاشتې ټولنې رییس مطیعالحق خالص د ترکیې په کوربهتوب د قطر، بریټانیا، اسټرالیا، کاناډا، المان، ناروې، فنلنډ او ډنمارک په ګډه غونډه کې له نړیوالې ټولنې غوښتنه وکړه چې افغانانو سره خپلې مرستې روانې وساتي.
د اقتصاد وزارت مسوولان وايي چې د تېر یوه کال پر مهال یې د ۲۱ بهرنیو موسسو په ګډون ۳۷۶ نادولتي موسسو ته د فعالیت جوازونه ورکړي دي.
د یاد وزارت مسوولانو دغه څرګندونې نن یکشنبه د زمري لومړۍ نېټه ملت ته د حکومت د حساب ورکولو پروګرام کې خبریالانو ته کړې دي.
د غزني د عامې روغتیا ریاست مسوولان وايي چې نږدې راتلونکو ورځو کې به دغه ولایت کې د ۱۵ روغتیايي کلینیکونو د رغېدو چارې پیل شي.
درېوو نجونو نن (د چنګاښ ۳۱مه، د شنبې ورځ) «د حریر برنډ» جامې چې ۲۰۰ زره افغانۍ یې لګښت یې پرې کړی، په خپل شخصي لګښت پرانېستی دی. په دغه پلورنځي کې ۱۵ نورو نجونو او ښځو ته چې له زدهکړو بېبرخې شوي، د کار اسانتیاوې هم برابرې شوې دي.
د لوګر د کرنې، اوبولګولو او مالدارۍ ریاست مسوولان وایي چې د افغانستان لپاره د هالنډ کمېټې له لوري په څرخ ولسوالي کې۱۰۰بېوزله مېرمنو باندې چرګې ووېشل شوې.
د میدانذوردګ د طبیعي پېښو پر وړاندې د مبارزې ریاست چارواکي وایي، بېګاه شپه د سختو اورښتونو وروسته په سیداباد او جغتو ولسوالیو کې سېلابونه راوتلي چې خلکو ته یې درانه مالي زیانونه اړولي دي.
یوشمېر متقاعدینو نن شنبه د چنګاښ ۳۱مه کابل کې د مالیې وزارت مخېته اعتراض وکړ او خبرداری یې ورکړ، که حقوق یې ورنهکړل شي، ځان او د کورنۍ غړیو ته به اور ورته کړي.
