بلخ کې د یوه بنسټ له لوري په وادونو کې د لوړ لګښت او ناوړه دودونو له امله د ۱۲۵ جوړو د ډلهییز واده مراسم ترسره کړل.
د واده دغه ډلهییز مراسم نن پنجشنبه د تلې شپږمه د بلخ مرکز مزارشریف ښار کې د «دارالعلوم حسنیه» بنسټ په مالي لګښت جوړ شوي و.
د بلخ د اطلاعاتو او فرهنګ ریاست مسوولان وايي چې روان کال د دغه ولایت له تاریخي او لرغونو سیمو څخه د لیدنې په موخه د بهرنیو سیلانیانو ورتګ زیات شوی دی.
یوې امریکايي رسنۍ بلومبرګ تازه په یوه راپور کې ویلي چې په ۲۰۲۳ کال کې «افغانۍ» له کولمبیا او سریلانکا وروسته د درېیم باثباته پولي واحد ځای خپل کړی دی.
په دغه راپور کې لیکل شوي چې له افغانستان میلیارډونه ډالره بشري مرستې او له اسیايي ګاونډیانو سره د دغه هېواد د سوداګرۍ پراختیا لامل شوې چې «افغانۍ» په دغو درېوو میاشتو کې د نړیوالې درجهبندۍ سر ته راولي.
د اطلاعاتو او فرهنګ وزارت د نشراتو معیین وايي چې د تېرو دوو کلونو پر مهال ۴۲۰۰ بهرني سیلانیان افغانستان ته راغلي دي.
د پلازمېنې کابل یوشمېر اوسېدونکي په ښار کې د خوراکي توکو، په ځانګړې توګه اوړو د بیې لوړوالي په اړه شکایت کوي او وايي، خپلو کورنیو ته د خوراکي توکو برابرولو وسه یې له لاسه ورکړې ده.
د کابل ښار د تایمني اوسېدونکی حلیم وايي، د خوراکي توکو د بیو په لوړوالي سره په سختۍ د خپلې اتهکسیزې کورنۍ د خوړو اړتیاوې پوره کوي.
پکتیا کې یوشمېر سوداګر وایي چې د دغه ولایت له مرکز ګردېز ښار څخه د ډندپټان ولسوالي ته د ګمرک لېږد له ګڼو ستونزو سره مخ کړي دي.
د سرپل والي دغه ولایت کې د یوې ناستې پر مهال کوچیانو ته د یوه ښارګوټي د جوړېدو او د زدهکړو د زمینې د برابرولو غوښتنه کړې ده.
د کابل-جلالاباد لویه لاره کابل له څلورو ختیځو ولایتونو او همدارنګه افغانستان له پېښور او د پاکستان له کراچۍ بندر سره نښلوي. دا لویه لاره تېره اوونۍ د غره په ښویېدو سره وتړل شوه.
د هېواد په ۳۳ ولایتونو کې نن له پنځو کلونو کم عمره یوولس میلیونه ماشومانو ته د پولیو ضد واکسین کمپاین پیل شو چې څلور ورځې به دوام وکړي.
د افغانستان د اوسپنې پټلۍ ادارې مسوولان وايي، د تېرې شنبې په ورځ یې کابل ته د اوزبکستان او متحده عربي اماراتو له راغلیو پلاویو سره د غونډې پر مهال په افغانستان کې د اوسپنې پټلۍ شبکې پر جوړېدو او پراختیا هوکړه کړې ده.
د اطلاعاتو او فرهنګ وزارت مسوولان وايي، هغه لیکوالان چې اقتصادي ستونزې لري، کتابونه او نور ناچاپ شوي اثار به یې په وړیا توګه چاپ کړي.
د بهرنیو چارو وزارت سرپرست امیرخان متقي د افغانستان لپاره د پاکستان ځانګړي استازي اصفخان دراني سره لیدنه کې ویلي چې د دواړو هېوادونو امنیتي ستونزې دې د یوې ګډې کمېټې له لوري هوارې شي.
پلازمېنه کابل کې یوشمېر کارګر وايي، د بېوزلي او کار نشتون له امله اړ دي چې د خپلې اړتیا وړ خوراکي توکو برابرولو لپاره د کور وسایل وپلوري.
د افغانستان بانک وايي چې نن شنبه د تلې «میزان» لومړۍ نېټه «۱۴» میلیونه امریکايي ډالر د لیلام په توګه بازار ته وړاندې کوي.
د افغانستان بانک پر اېکس شبکه «ټوېټرپاڼه» لیکلي چې د «افغانۍ» ارزښت ساتنې او ثبات لپاره به نن شنبه «۱۴» میلیونه امریکايي ډالر لیلام کړي.
کندوز کې د «راه نوین» په نوم ټولنیزې موسسې په همکاري او د دغه ولایت د کرنې، اوبو لګولو او مالدارۍ ریاست په همغږۍ د کرنیزو محصولاتو نندارتون جوړ شو.
په دغه نندارتون کې چې پرون د (وږي په ۳۰مه، د پنجشنبې ورځ) جوړ شوی، ګډونوالو پهکې د خپلو کرنیزو محصولاتو تر څنګ، لبنیات هم نندارې ته ايښي دي.
د تاجکستان ولسمشر امامعلي رحمان د چهارشنبې په ورځ د ملګرو ملتونو کلنۍ غونډې ته د وینا پر مهال ویلي، له افغانستانه د نشهیي توکو قاچاق په بېسارې توګه زیات شوی دی.
د نوموړي په وینا، د تاجکستان سرحدي ځواکونو په تېرو دوو کلونو کې له افغانستان سره پر پولې له لسو ټنو ډېر نشهیي توکي نیولي دي.
