افغانان هر کال د ژمي په را نږدې کېدو سره هڅه کوي چې د خپلو کورونو تودولو لپاره سوندتوکي، په ځانګړې توګه د ډبرو سکاره وپېري. د کابل ښاروالي مسوولانو تازه ویلي چې د ښار په بېلابېلو برخو کې یې په ټیټه بیه د ډبرو سکرو د وېش بهیر پیل کړی دی.
سلاموطندار د هېواد په بېلابېلو ولایتونو کې له ۳۶ قابلهګانو سره د مرکو په ترڅ کې موندلې چې ډېری هغه یې د کاري زمینې کمښت سره مخ دي.
د مرکه شویو ۳۶ قابلهګانو له ډلې یې ۱۸ بېدندې او پاتې ۱۸ یې چې پر دندو دي، د ښځینه ناروغانو د درملنې لپاره کافي امکانات نهلري.
د لوګر پوهنې ریاست چارواکي وایي چې د ماشومانو لپاره د ملګرو ملتونو ملاتړې ادارې «UNICEF» له لوري د دغه ولایت په بېلابېلو سیمو کې د ۱۷ میلیونه افغانیو په لګښت د ۱۳ رغیزو پروژو چارې پیل شوې.
د خوړو نړیوال پروګرام وايي چې له ژمي مخکې د افغانستان لرو پرتو سیمو کې اړمنو ته د خوړو او نورو توکو د رسونې لپاره ۴۰۰میلیونه ډالرو ته اړتیا لري.
د خوړو نړیوال پروګرام نن یکشنبه د نومبر ۱۲مه پر اېکس «ټوېټرپاڼه» لیکلي چې افغانستان کې ژمي ته یوازې څو اوونۍ پاتې او اړتیا ده چې لرو پرتو سیمو ته پر وخت مرستې ورسول شي.
د روغتیا نړیوال سازمان په یوه راپور کې ویلي چې د روان کال پر مهال څلور میلیونه افغان ماشومان او میندې چې څه باندې درې میلیونه یې یوازې ماشومان دي، پر خوارځواکۍ اخته شوي دي.
سلاموطندار د کابل ښار د ماشومانو د روغتیا یا اندراګاندي روغتون کې له یوشمېر هغو میندو سره خبرې کړي چې یا خپله او یا یې هم ماشومان پر خوارځواکۍ اخته شوي دي.
په هرات کې له خونړۍ زلزلې ۳۵ ورځې تېرېږي، خو د دغه ولایت د زندهجان ولسوالي په ځینو سیمو کې یوشمېر زیانمن شوي کسان شکایت کوي چې د حکومت له لوري ورته اړین خدمتونه نهدي برابر شوي. دوی وايي، خیمو ته لاسرسی نه لري او تر پلاسټیکي ټوټو او ترپالونو لاندې شپې او ورځې تېروي.
د بښنې نړیوال سازمان وايي چې پاکستان له دغه هېواده د افغان کډوالو له اېستلو سیاسي ګټهاخلي او ژر تر ژره دې د کډوالو د اېستلو لړۍ ودروي.
دې سازمان په یوې خبرپاڼه کې د افغان کډوالو ساتنې لپاره د مرکزونو پر جوړېدو هم نیوکه کړې او په وینا یې، دې مرکزونو کې د مدافع وکیلانو او د کډوالو د کورنیو غړیو سره د اړیکې نیونې حق ترې اخیستل شوی دی.
زابل کې د یوې موسسې له لوري د دغه ولایت د بېلابېلو سیمو د ۳۳۵ سترګو ناروغانو د وړیا درملنې لړۍ پیل شوه.
دغه لړۍ چې نن شنبه د لړم ۲۰مه پیل شوه او تر یوې میاشت به دوام وکړي. په دې موده کې به د سترګو ۲۰۷۱ ناروغان وکتل شي چې له ډلې به یې ۳۳۵ کسانو ته د سترګو وړیا عملیات هم وشي.
سرپل کې د یوه سوداګر په مالي ملاتړ د دغه ولایت د ۱۰۰ بېوزله جوړو «هلکانو او نجونو» د ډلهییز واده مراسم ترسره شول.
د دغه ډلهییز واده مراسم پرون جمعه د لړم ۱۹مه د سرپل په یوه ورزشي لوبغالي کې جوړ شوي و.
د افغانستان بانک نن (د لړم نولسمه، د جمعې ورځ) په یوه خبرپاڼه کې لیکلي چې د دغه بانک سرپرست هدایتالله بدري له ورسره مل پلاوي سره یوځای له پاکستان څخه د را ستنېدونکو افغان کډوالو د هرکلي او لیدنې په موخه تورخم ته تللی او هلته یې د ننګرهار له ولایتي مسوولانو او د کډوالو د کمېټو له مسوولانو سره لیدلي دي.
د افغانستان لپاره د ملګروملتونو د بشري مرستو همغږې کوونکې اداره «اوچا» وايي، د دغه هېواد د ۴۰۱ ولسوالیو له درېیو دوه برخې یې په چاودېدونکو توکو پوښلې دي.
د دې ادارې له لوري په خپور شوي راپور کې راغلي چې یادو سیمو ته تازه راستانه شوي کډوال د ناچاودو توکو له ګواښ سره مخ دي.
د هېواد د اوسپنې پټلۍ ادارې مسوولان وايي، د دغې ادارې رییس بختالرحمن شرافت بلخ کې د اوزبکستان د اوسپنې پټلۍ له مشر زفر غیاسویچ سره لیدلي دي. په دې لیدنه کې د افغانستان د اوسپنې پټلۍ رییس له غیاسویچ غوښتنه کړې چې د حيرتان – مزارشريف رېل پټلۍ په لنډ وخت کې او په کمه بیه له سره ورغوي.
د غزني محلي مسوولان وايي چې د دغه ولایت په بېلابېلو سیمو کې د ۸۵۰زره امریکايي ډالرو په ارزښت ۱۴ پروژې ګټې اخیستنې ته سپارل شوې دي.
یادې پروژې د «DRC» موسسې په مالي لګښت د غزني په مرکز او شپږو ولسوالیو کې پلې شوې دي.
د پکتيا د ډنډپټان ګمرک کې د ۴۴ میلیونه افغانيو په لګښت د سوداګریزو توکو د ساتنې او تخلیې لپاره د ګُدامونو د جوړېدو چارې پيل شوې.
د دې ګُدامونو د جوړېدو چارې نن پنجشنبه د لړم ۱۸مه په رسمي توګه پیل شوې.
یوشمېر افغان ماشومان چې په تېره یوه اوونۍ کې له خپلو کورنیو سره له پاکستان څخه په زوره را ایستل شوي، شکایت کوي چې د تلپاتې اوسېدو لپاره سرپناه نه لري او زدهکړې یې هم نېمګړې پاتې شوې دي.
د افغانستان د خپرندویو ټولنې مسوولان وايي، د اطلاعاتو او فرهنګ وزارت تېرو دوو کلونو راهیسې د خپرندویو ټولنو او د کتابپلورونکو د فعالیت جواز نه دی تمدید کړی او هغوی په نا قانوني توګه فعالیت کوي.
