سرپل کې د یوه سوداګر په مالي ملاتړ د دغه ولایت د ۱۰۰ بېوزله جوړو «هلکانو او نجونو» د ډلهییز واده مراسم ترسره شول.
د دغه ډلهییز واده مراسم پرون جمعه د لړم ۱۹مه د سرپل په یوه ورزشي لوبغالي کې جوړ شوي و.
د جوړ شوي ډلهییز واده مراسمو ټول لګښت د محمداکبر سلطانزاده په نوم د یوه سوداګر له لوري ورکړل شوې دي.
په دې مراسمو کې هرې واده شوې جوړې باندې یوه غالۍ، د واده جامې او ۲۰زره افغانۍ وېشل شوې دي.
په ورته مهال په یادو مراسمو کې د سرپل محلي مسوولانو سربېره، امنیتي چارواکو، قومي مشرانو، دیني عالمانو، د ناوې او زوم د کورنۍ د غړیو او خپلوانو ترڅنګ سلګونه کسانو ګډون کړی وو.
په دې مراسمو کې د سرپل والي مرستیال محمدنادر حقجو له نورو سوداګرو او شتمنو غوښتنه وکړه چې د ډلهییزو وادونو د دودولو برخه کې د هر ډول مرسته او هڅې وکړي.
بلخوا د دغه ولایت اوسېدونکي وايي چې ورته ډلهییزو وادونه د هغو بېوزله ځوانانو لپاره ګټور تمامېږي چې د واده لګښتونه نهشي پوره کولای.
سلاموطندار پر ټویټر هم وڅارئ
یوشمېر هغه ځوانان چې د بېوزلي له امله کلونه کوژدن پاتې دي، وايي، ډلهییز وادونه دوی ته ستره مرسته ده او په وینا یې، دغه وادونه باید دود شي.