د خوړو نړیوال پروګرام وايي چې له ژمي مخکې د افغانستان لرو پرتو سیمو کې اړمنو ته د خوړو او نورو توکو د رسونې لپاره ۴۰۰میلیونه ډالرو ته اړتیا لري.
د خوړو نړیوال پروګرام نن یکشنبه د نومبر ۱۲مه پر اېکس «ټوېټرپاڼه» لیکلي چې افغانستان کې ژمي ته یوازې څو اوونۍ پاتې او اړتیا ده چې لرو پرتو سیمو ته پر وخت مرستې ورسول شي.
د خوړو نړیوال پروګرام لیکلي: «افغانستان کې ژمي ته یوازې څو اوونۍ پاتې چې لرو پرتو سیمو ته تللې لارې د واورې اورښت له امله وتړل شي. ۴۰۰ میلیونه ډالر هغه څه دي چې د خوړو رسولو او اغېزمنو ته د رسېدنې لپاره اړینې دي.»
د خوړو نړیوال پروګرام همداراز پر خپله اېکس پاڼه له پاکستان څخه په زور د راستنېدونکو افغان کډوالو دوضعیت په اړه هم اندېښنه ښودلې ده.
د یاد سازمان په وینا، په داسې حال کې چې ۱۵ میلیونه وګړي نهپوهېږي خپله د بل وخت خواړه به له کومه پیدا کوي، له پاکستانه د افغان کډوالو ستون هم په چټکۍ روان دی.
Winter is just weeks away in #Afghanistan, which will cut off entire communities behind mounds of snow and ice.
$۴۰۰M is what it takes to preposition food and reach the most vulnerable people in the country before it is too late. pic.twitter.com/K5hdGzUttn
— World Food Programme in Afghanistan (@WFP_Afghanistan) November 12, 2023
افغانستان کې د خوړو نړیوال پروګرام مرستیال هارالډ منهارډټ په یوې ویډیو کې له خپلو مالي تمویلوونکو د مرستې غوښتنې کړې، څو په وینا یې، بېرته راستنېدونکو سره مرسته وکړي.
سلاموطندار پر ټویټر هم وڅارئ
نوموړی په دې ویډیو کې وايي چې راستنېدونکو افغانان د خوړو نشتون او نامعلومې راتلونکې سره مخ دي.