پخواني ولسمشر حامد کرزي ته نږدې سرچینو ځینو رسنیو ته منلې چې کرزي پلان درلود متحده عربی اماراتو ته سفر وکړي او د دغه هېواد د ولسمشر شیخ خلیفه بنزاید ال نهیان په جنازه کې کډون وکړي او د هغه کورنۍ ته د خواخوږۍ مراتب وړاندې کړي، خو ویل کېږي چې د اسلامی امارت چارواکو نوموړي ته له هېواد څخه د وتلواجازه نه ده ورکړې.
نن د مې ۱۵مه د کورنۍ نړیواله ورځ ده. دا ورځ داسې مهال په افغانستان کې لمانځل کېږي چې په هېواد کې د کورنیو وضعیت ورځ تر بلې مخ په خرابېدو دی.
د کابل ښار یوشمېر اوسېدونکي په دغه ښار او یوشمېر ولایتونو کې د برښنا پرچاوۍ څخه د اندېښنې په څرګندولو سره وايي چې د ا.ا سرپرست حکومت د برښنا پایو د امنیت خوندیتوب په برخه کې پاتې راغلی دی.
د نړۍ د اوو سترو اقتصادي هېوادونو د بهرنیو چارو وزیرانو د یوې اعلامیې په خپرولو سره د افغان ښځو او نجونو پر حقونو او ازادیو باندې د اسلامي امارت له زیاتیدونکي محدودیت سره په کلکه مخالفت کړی دی.
د ملګرو ملتونو امنیت شورا پرون شپه د افغانستان د بشري وضعیت او په تېره بیا د افغان ښځو پر وړاندې د اسلامي امارت د محدودیتونو د زیاتېدو په هکله غونډه جوړه کړه. په دې غونډه کې د بشري حقونو وضعیت، د افغان ښځو او نجونو د ازادۍ او پر هغوی د نوي سرپرست حکومت لهخوا د تازه لګول شویو محدودیتونو په اړه بحثونه شوي دي.
افغانستان لپاره د ملګرو ملتونو د سرمنشي ځانګړې استازې ډیبورا لاینز د اسلامي امارت له یوشمېر چارواکو سره په خپله کتنه کې په افغانستان کې د ښځو او نجونو د اساسي حقونو د تضمین غوښتنه کړې.
د میدان وردګو ولایت د عامې روغتیا مسوولان وایي چې د تېرو کلونو په پرتله، د دغه ولایت په مرکز او ولسوالیو کې د زېږون پرمهال د مور او ماشوم د مړینې کچه راټېټه شوې ده.
د اسیا پراختیايي بانک یا «ADB» د اړوند پروژو یوشمېر کارکوونکو نن په کابل کې د یوناما دفتر مخې ته، د خپلو معاشونو د نه ورکړې له امله اعتراض وکړ.
یوشمېر افغان کډوال چې په دې وروستیو کې له ایران څخه بېرته هېواد ته راستانه کړل شوي، شکایت کوي چې هېواد ته د راستنېدو پر مهال د ایران د کډوالو په کمپونو کې د دغه هېواد د ځواکونو لهخوا یرغمل نیول شوي او ورڅخه باج اخیستل شوی دی.
په افغانستان کې د یونسیف یا ماشومانو د ملاتړې ادارې رییس محمد ایویا پکتیا ولایت ته د سفر پرمهال خبریالانو ته ویلي چې یونېسف له نړیوالې ټولنې سره په ګډه هڅه کوي چې په افغانستان کې له شپږم ټولګي پورته د نجونو تړلي ښوونځي بېرته پرانیزي.
ټاکل شوې د ملګرو ملتونو امنیت شورا سبا پنجشنبه د افغانستان په اړه غونډه جوړه کړي. په ملګروملتونو کې د ناروې دایمي استازي پر خپله ټویټرپاڼه لیکلي، دغه غونډه په افغانستان کې پر بشري حقونو او د ښځو او نجونو پر ازادۍ د بندیزونو د زیاتوالي په اړه جوړېږي.
باختر خبري اژانس په ټویټر کې د امربالمعروف او نهې عنالمنکر وزارت د سرپرست محمد خالد حنفي له قوله لیکلي، د نړۍ هېوادونه «زمونږ د خوېندو» د حجاب په اړه د پرېکړې واک نه لري.
شاوخوا پنځه میاشتې وړاندې د کابل ښاروالۍ په کابل ښار کې لاس پلورونکو ته د غرفو اېښودلو پر طرحې کار پیل کړ. د دې طرحې پر بنسټ، لاس پلورونکي اړ دي چې هره میاشت له ۵۰۰ څخه تر ۲۰۰۰ افغانیو پورې فیس ورکړي.
«د افغانستان د مقندره ښځو اصلي غورځنګ» نن د حجاب د جبري کېدو په غبرګون کې لاريون وکړ. لاریونوالو د شعارونو په ورکولو سره د اسلامي امارت وروستي فرمان پر وړاندې خپل مخالفت څرګند کړ.
د اسلامي امارت د لوړو زدهکړو وزارت دولتي پوهنتونونو ته په استولي یوه مکتوب کې غوښتنه کړې چې د استادانو د ترفېع، انتخاب او تبدیلۍ پرمهال اړتیا ده، څو د هغوی د شهرت په اړه دغه وزارت ته معلومات ورکړل شي.
د امریکا د بهرنیو چارو وزارت ویاند نېډ پرایس، پرون یوې خبري غونډې ته ویلي، که اسلامي امارت د ښځو او نجونو د حجاب په اړه په خپله وروستۍ پرېکړه بیاکتنه ونه کړي، د دوی له لوري به له سختو فشارونو سره مخ شي.
