روغتیا وزارت استقلال روغتون کې د لېزري جراحۍ څانګه پرانیسته
د اسلامي امارت د عامې روغتیا وزارت استقلال روغتون کې د سل زره امریکايي ډالرو په ارزښت د لېزري جراحۍ «لپراسکوپیک» برخه پرانیستله.
د اسلامي امارت د عامې روغتیا وزارت استقلال روغتون کې د سل زره امریکايي ډالرو په ارزښت د لېزري جراحۍ «لپراسکوپیک» برخه پرانیستله.
د مکروریانو د ساتنې او مراقبت شرکت وايي چې د خلکو اقتصادي ستونزو له امله سږ کال نشي کولای چې د مکروریانو مرکز ګرمۍ فعالې وساتي.
هلمند کې یوه ملي سوداګر محمدعیسی عمري د دې ولایت ۷۰۰ بېسرپرست او یتیمو ماشومان لپاره یو ښوونځی جوړ کړی دی.
محمدعیسي عمري وايي چې په دغه جوړ شوي ښوونځي کې ټول ۷۰۰ ماشومان زدهکړې کوي او ۳۰۰ ماشومانو ته د لیلیې تابیا هم نیول شوې ده.
د پکتیا محلي مسوولان وايي چې د دغه ولایت په مرکز ګردېز ښار کې یوه مېرمن د خپلې کورنۍ لهخوا وژل شوې ده.
د پکتیا د امنیې قومنداني ویاند عبدالباري منیب سلاموطندار ته ویلي چې پرون شنبه د لړم ۲۰مه د مرکز ګردېز ښار د درېیمې امنیتي حوزه په «ملا قدرت درې» کلي کې یوه مېرمن د خپلې کورنۍ د غړیو له لوري په مرموز ډول وژل شوې ده.
د امر بالمعروف او نهې عنالمنکر وزارت پر افغان ښځو د لګېدلیو محدودیتونو په دوام، تازه پرېکړه کړې چې ښځې به پارکونو، کلپونو او حمامونو ته نه ځي.
د ښځو پر وړاندې د اسلامي امارت دې پرېکړې په کور دننه او بهر پراخ غبرګونونه را پارولي دي. د افغانستان لپاره د امریکا شارژدافیرې دغه کار بېځایه بللی او د بښنې سازمان یې پر بیاکتنې ټینګار کړی دی.
نن د نومبر ۱۲مه د سینهبغل ناروغۍ له نړیوالې ورځې سره برابره ده. هېواد کې یوشمېر روغتیایي چارواکي وايي، په تېرو دوو میاشتو کې د سینهبغل ناروغي ډېره شوې او د ژمي په رارسېدو يې د ډېرېدو اټکل کېږي.
د تخار د رستاق ولسوالي د دیوارتنګ سیمې اوسېدونکي وايي چې د څښاک پاکو اوبو ته لاسرسی نهلري. دیوارتنګ د رستاق ولسوالي یوه لرې پرته سیمه ده چې شاوخوا ۳۰ کلي لري.
ملګرو ملتونو پرون جمعه د لړم ۲۰مه ویلي چې افغانستان، منځني ختیځ او اوکراین کې میلیونونه کسان چې د جګړې او زورزیاتي له امله له خپلو مېنو بېځایه شوي، ښايي له سخت ژمي سره مخامخ شي. دغه سازمان ویلي، راروان ژمي کې به ګڼشمېر کورنۍ اړ شي چې د خوړو او د کورونو د ګرمولو څخه یو انتخاب کړي.
کابل کې د چین سفیر وانګ یو ویلي چې هېواد یې د روان میلادي کال د ډسمبر میاشتې له لومړۍ نېټې څخه د افغانستان پر ۹۸سلنه صادراتو ګمرکي تعرفه صفر ته راټیټوي.
د بهرنیو چارو وزارت د ویاند مرستیال ضیااحمد تکل پر خپله ټوېټرپاڼه لیکلي چې د بهرنیو چارو وزارت سرپرست امیرخان متقي کابل کې د پاکستان له سفیر عبیدالرحمن نظاماني سره کتلي دي.
امیرخان متقي په دې کتنه کې د پاکستان سفیر ته ویلي چې افغان کډوالو سره د دغه هېواد د پولیسو ناسم چلن د دواړو هېوادونو په زیان دی.
دولس کلن سپینګل هغه ماشوم دی چې کورنۍ یې کلونه وړاندې په هلمند کې د سختې جګړې له امله کابل ته را کډه او دلته د پنځمې امنیتي حوزې اړوند د قنبر څلورلارې په یوه پنډغالي کې مېشت شوي دي.
سپینګل وايي، که څه هم زدهکړو ته لېواله دی، خو لاسرسی ورته نه لري.
د اسلامي امارت له واکمنېدو راهیسې که څه هم سرپرست حکومت د هېواد د بانکي سېسټم ښهوالي په موخه هڅې کړي، خو لا هم بانکونه له ګڼو ستونزو او ننګونو سره مخ دي.
بریټانیوي رسنیو راپور ورکړی چې افغانستان کې د دغه هېواد د ځوکونو د عملیاتو پر مهال ۶۴ افغان ماشومان وژل شوي دي.
د بيبيسي د انګلیسي څانګې د راپور پر بنسټ د بریټانیا حکومت افغانستان کې د وژل شویو ۶۴ ماشومانو کورنیو ته غرامت ورکړی، خو دغه هېواد د ۱۶ ماشومانو وژنه تایید کړې ده.
پخواني ولسمشر حامد کرزي پر خپلې فېسبوکپاڼې لیکلي چې افغانستان کې د ملګرو ملتونو د ځانګړې استازولې یا یوناما له مشرې روزا اوټونبایوا سره یې د پېژندګلوۍ لیدنه کړې ده.
د افغانستان د خپرونکو یا ناشرانو ټولنه وايي چې د تېرو دوو کلونو په ترڅ کې ۳۰سلنه خپرندویه بنسټونه او کتاب پلورنځي تړل شوي دي.
د خوړو نړیوال پروګرام وايي چې افغانستان کې له اړمنو کسانو سره د مرستې لپاره له اروپايي ټولنې ۵۰ میلیونه یورو ترلاسه کوي.
د خوړو نړیوال پروګرام نن چهارشنبه د لړم ۱۸مه په یوې خبرپاڼه کې ویلي چې افغانان له تېر یوه کال راهیسې له کمسارو اقتصادي ستونزو او د چاپېریال له امله له طبیعي پېښو سره مخ دي او له یوه سخت ژمي سره مخ دي.