په افغانستان کې د ملګرو ملتونو د مرستندویه پلاوي يا یوناما او د ملګرو ملتونو د بشري حقونو دفتر په خپل تازه راپور کې ويلي چې د افغانستان قضايي سیسټم افغان مېرمنو او نجونو ته د تاوتریخوالي د جرمونو د عدالت په تاميڼ کې پاتې راغلی دی.
دغه راپور د «د ښځو او نجونو پر وړاندې د تاوتریخوالي جرمونو لپاره د عدالت په لټه کې» تر عنوان لاندې د ۲۰۱۸ کال د سپټمبر د ۲۰۲۰ کال تر فبرورۍ پورې د ښځو او …
د افغانستان بانک د کارکوونکيو پر موټر د چاودنې څرنګوالي په اړه د دغه بانک او د امنیتي بنسټونو د کمکارۍ په تړاو له اعتراضونو وروسته، د ولسمشر لومړي مرستیال امرالله صالح نن پر خپله فېسبوک پاڼه لیکلي، ياده قضيه کې یې یو لړ نښېنښانې ترلاسه کړي دي.
که څه هم امرالله صالح د دغو نښو نښانو په اړه چې کوم موارد په کې شاملېږي، جزییات نه دي ورکړي خو ویلي يې دي، دغه دوسیه کې د پرمختګ په اړه به معلومات خلکو سره شریک کړي.
میدانوردکو کې مسوولان په دې ولايت کې له طالبانو د ۳۹ ملکي وګړيو د خوشې کېدو خبر ورکوي. د ياد ولايت د ولايتي شورا غړی احمد جعفري وايي، ټول هغه ۳۹ ملکي وګړي چې تېره اوونۍ طالبانو تښتولي وو، تېره شپه د قومي مشرانو په منځګړیتوب خوشې شول.
نوموړي وویل، د طالبانو ۶ جنګیالي چې وردکو کې د نامسووله وسلهوالو قومندان عليپور سره وو، د دغو ۳۹ ملکیانو خوشې کولو په بدل کې طالبانو ته سپارل شوي.
د جوزجان ځايي چارواکي مني چې وسلهوال طالبان دغه ولایت کې ماشومانو ته پیسې ورکوي، ترڅو د افغان ځواکونو په لاره کې ماینونه خښ کړي. د دوی په خبره، طالبان ماشومان ته پنځوس افغان ورکوي، ترڅو پلچکونو، امنیتي پوستو او عامه تاسیساتو کې ماینونه خښ کړي.
شېرمحمد د هغه ۱۴ کلن جوزجاني ماشوم مستعار نوم دی چې د طالبانو له خوا په دولتي تاسیساتو کې د ماین اېښودلو لپاره د دغې ډلې له خوا جذب شوی. شېرمحمد وایي، د هر ماین اېښودلو لپاره ۵۰ افغانۍ ترلاسه کوي.
د کډوالو او راستنېدونکيو چارو وزارت مسوولان وايي، د ۱۳۹۹ لمریز کال له پیل راهیسې ۵۲ زره کورنۍ له خپل اصلي ټاټوبي بېځایه شوې دي. دغه مسوولان د وسلهوالو جګړو زیاتېدل او دغه راز طبیعي پېښې د دغو کورنیو د بېځایه کېدو اصلي لاملونه بولي.
د کډوالو او راستنېدونکيو چارو وزارت ویاند رضا باهر سلاموطندار سره خبرو کې وويل، هڅه کېږي چې د بهرنیو بنسټونو او همکارو موسسو په مرسته دغو کورنیو ته بشردوستانه مرستې چمتو شي.
د غزني پوهنتنون يو شمېر ښځينه محصلې چې د دې ولايت له نورو ولسواليو او نورو ولايتونو پر زدهکړو بوختې دي، د ليليې نشت له کبله زدهکړې خوشې کوي.
دغه محصلانې وايي، د ليليې نشت يې ورنه د زدهکړو د دوام فرصت اخيستی دی. دوی وايي، په اوونيو اوونيو اړې شوي، کوڅه په کوڅه وګرځي تر څو اوسېدو لپاره ځای پيدا کړي؛ خو څوک نه حاضرېږي چې کور ورته په کرايې ورکړي.
د ولسمشر دویم مرستیال سرور دانش «د افغانستان د خوړو د خوندیتوب او تغذیې ملي اجنډا درېیمې کلیزې» په مناسبت جوړې شوې نمانځغونډه کې وويل، هېواد د خوړو د خوندیتوب له ناورین سره مخ دی.
د سرور دانش په خبره ۱۳ میلیونه کسان چې د هېواد د نفوس ۴۴سلنه جوړوي، د خوړو مصوونیت نه لري.
د لويې څارنوالۍ مسوولان وايي، د ۱۳۹۹ مالي کال له پيله تر اوسه پورې د ښځو پر وړاندې د تاوتريخوالي ۳ زره پېښې ثبت شوې دي. د دوی په وينا، په وروستيو ۳ کلونو کې ۵۶۹ د جنسي تېري پېښې هم ثبت شوې دي.
په کابل کې د ملګرو ملتونو سیاسي استازولۍ یا یوناما د تازه راپور په خپرولو سره ویلي چې په قطر کې د افغان دولت او طالب استازيو ترمنځ د سولې خبرو پيلېدل نه دی لامل شوی چې د ملکي وګړيو مرګژوبله کمه شي.
د هلمند لښکرګاه ښار کې له جګړې بېځایه شوې کورنۍ د ياد ولایت مقام مخې ته راټولې شوي او خپلې کډې يې دلته پر عام سړک اچولې دي چې په دې سړو شپو کې یې ماشومان او ښځې له سخت حالت سره مخ دي.
د بادغيس ولايت د ښځو چارو رياست مسوولان سلاموطندار ته وايي، «جوند» ولسوالۍ کې يوې نوې ناوې د موږک د وژلو درمل خوړلي او ځان يې وژلی دی.
د ياد رياست رييسه راحله نادري وايي، دغې ناوې ۲۴کاله عمر درلود او يوه نیمه مياشت وړاندې يې واده کړی و.
جوزجان ولايت کې د «پېروزي» په نوم د بنسټ مسوولان وايي، د ياد ولايت د پوهنې رياست په مرسته يې د يوې سروې پر بنسټ په دې ولايت کې جوګي ماشومانو لپاره د درس يو ټولګی جوړ کړی دی.
د اکتوبر ۱۵مه هغه چې د ړندو د نړیوالې ورځې په نوم، نومول شوې. د کندوز یو شمېر ړانده په همدې ورځ د سیمهيیزو چارواکيو له بې مهرۍ او نهپاملرنې شکایت کوي. د کندوز ښار اوسېدونکی ۲۵ کلن حسیب الله سالم زاده شپږ کاله وړاندې خپلې دواړه سترګې په یوه ټرافیکي پېښه کې له لاسه ورکړې؛ خو په قوي ارادې پوهنتون ته لاړ او د نابینايي له ستونزو سره سره له پوهنتون نه اول نمره فارغ شو.
د افغانستان د بشر د حقونو خپلواک کميسيون له هغه څېړنيز راپور نه دوه ورځې وروسته چې د ښځې او صلاحيت لرونکې محکمې له حکم پرته يې د بکارت د پردې معاينات ترسره کېږي، اوس د بشر د حقونو د څار بنسټ هم غوښتي چې په افغانستان کې دې د بکارت پردې معاينات بند شي ځکه چې په خبره يې دا کار شرموونکی او سپکوونکی دی.
د افغانستان د بشر د حقونو خپلواک کميسيون د يوه څېړنيز راپور په خپرولو سره د «نسايي اجباري معايناتو»
په اړه ويلي دي چې له ۱۲۹ مېرمنو چې دوی ترې پوښتنې کړي يوازې يوې يې ويلي چې د دې د بکارت معاينات د صلاحيت لرونکې محکمې د حکم پر بنسټ شوي دي. د دې څېړنې موندنې ښيي چې ۹۲.۳ سلنه معاينات د ښځې او صلاحيت لرونکې محکمې له حکم پرته تر سره شوي دي. ۹ نورو مېرمنو بيا ويلي چي د خپل رضايت له مخې په داوطلبانه توګه دغو معايناتو ته حاضرې شوې دي. دوی ويلي چې په داوطلبانه توګه د عدلي طب د منلو دليل يې له هغه تورونو خلاصون و چې په دوی باندې په ناروا توګه لګول شوي وو.
د نوبل د سولې جایزه سږکال «۲۰۲۰» د خوړو نړیوال سازمان یا (WFP) ته ورکړل شوه. ياد سازمان وايي، دوی هیله لري د يادې جايزې د ترلاسه کولو سره د نړيوالو پام هغو ميليونونو کسانو ته واړوي چې د لوږې له ګواښ سره مخ دي.
د سلاموطندار په اړه
نشراتي سیاست او مسلکي اصول
د خصوصي حریم سیاست
له موږ سره اړیکه
کارموندنه
د معلوماتو او سندونو لېږل
له موږ سره د همکارۍ شرایط
شکایت
راډیويي خپرونې
فلم او تصویر
آر اس اس
په خبرپاڼه کې ګډون
