د زابل د یوشمېر لرو پرتو ولسوالیو اوسېدونکي د یاد ولایت مرکز ته د خپلو ولسوالیو د غځېدلو لویو لارو د خرابوالي له امله شکایت کوي.
د زابل په سوېل کې پرتې شمولزۍ، شینکۍ، نوبهار او اټغر ولسوالیو اوسېدونکي سلاموطندار ته وايي چې مرکز قلات ته غځېدلې لارې یې خرابي دي او په وینا یې، له بېلابېلو ستونزو سره لاس او ګرېوان دي.
پر نشهيي توکو د روږدو کسانو د کورنیو یوشمېر غړي کابل کې د «فینکس» په نوم د روږدو د درملنې روغتون د مسوولانو له ناسم چلند څخه شکایت کوي.
د روږدو کسانو د کورنیو دغه غړي سلاموطندار ته وايي چې د یاد دولتي روغتون مسوولان پر نشهيي توکو د روږدو کسانو د کورنیو غړیو سره ناسم چلند کوي او په نشهيي توکو د روږدو د تشخیص لپاره هم ځانګړی سېسټم نهلري.
د ملګروملتونو امنیت شورا غړیو هېوادونو کابل کې د بهرنیو چارو وزارت مخې ته شوي ځانمرګي برید ته په غبرګون کې کې ویلي چې افغانستان او نړۍ کې ترهګري د سولې او امنیت لپاره تر ټولو جدي او ستر ګواښ دی.
د ملګروملتونو د امنیت شورا غړيو دغه څرګندونې په خپره کړې یوې ګډه ویناپاڼه کې کړي دي.
د مطیعالله ویسا ورور عطاالله ویسا پر ټویټر خپره کړې ویډیو کې ویلي چې د اسلامي امارت ځواکونه یې نن کور ته ورغلي او نه یوازې یې پلټلی او د مطیعالله ویسا کمپیوټر او ټیلیفونونه یې له ځان سره وړي، بلکې د ده دوه نور ورونه یې هم د لنډې مودې لپاره نیولي وو او د کورنۍ غړیو ته سپکې سپورې ویلې دي.
پېښو ته د رسېدو په چارو کې د دولت وزارت مسوولان وايي چې د تېرې یوې میاشت پرمهال له جګړو څخه د پاتې ناچاودو توکو د چاودنې له امله ۳۰ کسان وژل شوي چې ډېری یې ماشومان دي.
د کورنیو چارو وزارت پر خپله ټوېټرپاڼه لیکلي چې د کابل د دویمې امنیتي حوزې اړوند ملک اضغر څلور لارې کې د پولیسو چکپواینټ ته نږدې موخې ته له رسېدو مخکې د امنیتي ځواکونو له لوري په نښه شوی او وژل شوی دی.
پېښه نن دوشنبه د وري اوومه له غرمې وروسته رامنځته شوې ده. یاده سیمه د بهرنیو چارو وزارت ته په څو قدمۍ کې پرته ده.
د دایکندي امنیتي مسوولان وايي، دغه ولایت کې د یوې ټرافیکي پېښې پرمهال دوه کسان مړه او اته نور ټپیان شوي دي.
د دایکندي د امنیې قومنداني د رسنیو دفتر نن دوشنبه د وري اوومه په یوې خبرپاڼه کې ویلي، د دغه ولایت د شهرستان ولسوالي په «غاسور» کې د یوه ټونس ډوله موټر چپهکېدو له امله د ښځې په ګډون دوه کسان مړه او اته نور ټپیان شوي دي.
هېواد کې د ښځو او نجونو د کار او زدهکړو ځنډېډو څخه وروسته ګڼشمېر مېرمنو او نجونو په خپلو کورونو کې د لاسي صنایعو او نورو توکو د تولید برخه کې ځانته بوختیا پیدا کړې ده.
کندهار هم له هغو ولایتونو دی چې ټولنه کې پر ښځو له محدودیتونو وروسته، يوشمېر مېرمنو خپلو کورونو کې د لاسي صنایعو تولید ته مخه کړې ده.
د کابل یوشمېر اوسېدونکي وايي، د روژې میاشتې له پیله د پلازمېنې بازارونو کې د «سبزي» په ځانګړې توګه د پیازو بیې لوړې شوې چې خلک یې د پېرلو توان نهلري.
دوی سلاموطندار ته وايي، دا مهال د کابل بازارونو کې د یوه من پیازو بیه تر ۶۰۰ افغانیو ده چې په وینا یې، شته وزګارتیا او بېوزلۍ ته په کتو، پېر یې د بېوزلو له توان وتلې ده.
د ترکیې د کډوالۍ ادارې ویلي چې د تېرې یوې اوونۍ پر مهال یې د ۵۹۸ افغان کډوالو په ګډون له دغه هېواد څخه ۲۰۱۸ ناقانونه کډوال شړلي دي.
یادې ادارې شنبهشپه د وري پنځمه په یوې خبرپاڼه کې ویلي چې دغه کسان د وروستۍ یوې اوونۍ په ترڅ کې له یاد هېواد څخه ایستل شوي دي.
د اسلامي امارت ویاند ذبېحالله مجاهد جمعه د وري څلورمه پر خپله ټوېټرپاڼه د امریکايي چارواکو هغو ادعا ته تند غبرګون ښودلی چې ګواکې د داعش ډلې غړي افغانستان کې زیات شوي دي.
ذبېحالله مجاهد دغو ادعاوو ته په غبرګون کې لیکلي چې افغانستان کې د داعش ډلې غړي د پخوا په پرتله ځپل شوي او شمېر یې خورا کم شوی دی.
پېښو ته د رسېدو په چارو کې د دولت وزارت مسوولان وايي چې د دوو پرلهپسې ورځو پر مهال د شویو ورښتونو له کبله د هېواد په بېلابېلو سیمو کې لس کسان مړه او ټپیان شوي او څه باندې ۷۵۶ کورونه نړیدلې دي.
په بغلان کې یوې ښځینه سوداګرې د خیاطۍ کارخونې په جوړولو سره ۶۰ نورو ښځو ته د کار زمینه برابره کړې ده.
په دې کارخونه کې ښځې په دوو جلا جلا وختونو کې د څرمنې، ګلدوزۍ، مریو او خامک ګنډلو په څېر د خیاطۍ بېلابېلو برخو کې پر کار بوختې دي.
د افغانستان بانک وايي چې سبا یکشنبه د وري میاشتې په شپږمه نېټه به «۱۵» میلیونه امریکايي ډالر د لیلام په توګه بازار ته وړاندې کوي.
د افغانستان بانک نن (شنبه د ۱۴۰۲ د وري پنځمه) پر خپله ټوېټرپاڼه لیکلي چې د «افغانۍ» ارزښت ساتنې او ثبات لپاره به سبا چهارشنبه «۱۵» میلیونه امریکايي ډالر لیلام کړي. د افغانستان بانک ویلي چې د داوطلبۍ ګټونکي باید خپل ټول حسابونه د لیلام د ورځې تر پایه تصفیه کړي.
کندوز کې یوشمېر ګلپلورونکي وايي چې د پخوا په پرتله یې له تېر یوه کال راهیسې د ګلانو د پلور بازار سوړ شوی او کاروبار نهلري.
د کندوز د ګلفروشي سرای ګلپلورونکي سلاموطندار ته وايي، هېواد کې د بېوزلۍ لوړه کچه لامل شوې چې خلک د پخوا په څېر د تازه ګلانو اخیستو ته زړه ښه نهکړي. د کندوز د ګلفروشي سرای ګلپلورونکي اغامحمد احمدي وویل: «ژمي کې چې هوا سړه وه، ګلان یخ وهلي او له خرڅلاو پاتې دي.
د پروان امنیه قوماندان عزیزالله عمر چې څو ورځې وړاندې د ا.ا د مشر هبتالله اخوندزاده په غوښتنه د یوشمېر نورو ولایتونو له امنیه قوماندانانو سره کندهار ته ورغلی و، سلاموطندار ته ویلي چې مشر یې د افغان نجونو پر مخ د ښوونځیو او پوهنتونونو پر پرانېستل کېدو، اساسي قانون او د شپې لهخوا د کورونو پر نه پلټلو ټینګار کړی دی.
