د پاکستان د امنیتي ځواکونو له لوري د مخکیني لومړي وزیر عمرانخان تر نیولو وروسته د نوموړي پلویانو پراخو اعتراضونو ته مخه کړې چې له کبله یې دغه هېواد له یوه کړکېچن وضعیت سره مخ شوی دی. د دوی په وینا، که پاکستان کې پوځي حکومت اعلان شي، د دې امکان شته چې پولیس کډوال ونیسي او بندیان یې کړي.
د تخار امنیتي مسوولان وايي چې د دغه ولایت اړوند سیمه کې د ټرافیکي پېښې له کبله یوې ښځې خپل ژوند له لاسه ورکړی دی.
د تخار د امنیې قومنداني ویاند عبدالمبین ساپي سلاموطندار ته ویلي چې پېښه پرون چهارشنبه د غويي ۲۰مه د دغه ولایت د درقد ولسوالي اړوند «قغني» کلي کې رامنځته شوې ده.
پکتیا چې د جلغوزیو پراخ ځنګلونو لري او ډېری اوسېدونکي یې له همدې لارې خپلې اړتیاوې پوره کوي، د دغه ولایت یوشمېر اوسېدونکي او د کرنې برخې کارپوهان نیوکه کوي چې لاهم د جلغوزیو د معیاري پروسس لپاره کار نه دی شوی. نوموړي زیاته کړه چې د پلور پر مهال دوی سوداګر ته د ځنګل یوه ټاکلې اندازه د جلغوزیو ونې ورښايي او په معلوم قیمت یې پرې پلوري.
بلخ چې د خټکیو کښت لپاره مناسب اقلیم، خاوره او اوبه لري، خو دغه ولایت کې کروندګر له مضرو حشراتو پوزې ته راغلې دي.
ویل کېږي، له وروستیو څلور کالونو راهیسې د دغه ولایت په شمالي سیمو کې دغه مضر حشرات پیدا شوي چې د کروندګرو کرنیزو فصلونو باندې حملې کوي او په ځانګړي ډول د خټکیو حاصلات له ۶۰ تر ۸۰سلنې لهمنځه وړي.
له افغانستان سره د نړیوالې ټولنې د نغدي مرستو په لړ کې له نږدې اوږده ځنډ وروسته نن چهارشنبه د ۴۰ میلیونه ډالرو یوه کڅوره کابل ته راورسېده.
ا.ا له واکمنېدو راهیسې هېواد کې د مالیې ټولولو برخه کې جدي اقدامات کړي او د کورنیو عوایدو یوه لویه برخه هم له همدې لارې ترلاسه کېږي.
خو یوشمېر مالیه ورکوونکي د مالیې ټولولو برخه کې د ا.ا له تګلارې شکایت کوي. دوی نیوکه کوي چې اړوند بنسټونه دوی ته د مالیې تحویلو لپاره ډېر وخت نه ورکوي او په ځنډ د مالیې تحویلو له کبله یې هټۍ مهرو او لاک کوي.
د لوړو زدهکړو وزارت له لوري د «علياباد» تدریسي روغتون کې نن چهارشنبه د غويي ۲۰مه د داخلي ناروغیو د درملنې او سرطان جراحي نوی مرکز پرانېستل شو.
د علياباد تدریسي روغتون رییس عبدالمطب شینواري په دې اړه جوړو شویو مراسمو ته د وینا پر مهال وویل چې دغه روغتیايي مرکز د روغتیا نړیوال سازمان، د سره صلیب کمېټې او لوړو زدهکړو وزارت لهخوا جوړ شوی دی.
د جمهوریت له پرځېدو، د بشردوستانه مرستو د کمېدو او د اقتصادي پروژو له ځنډېدو وروسته هېواد کې د بېوزلي لمن پراخه شوې او د مرستندویه بنسټونو د معلوماتو له مخې، دغه هېواد کې ۳۵میلیونه وګړي بشردوستانه مرستو ته اړتیا لري.
د پکتیکا محلي مسوولان وايي چې د دغه ولایت په شپږو ولسوالیو کې د طبیعي پېښو له کبله زیانمنو شویو سلګونه کورنیو سره ۳۲ میلیونه افغانۍ نغدي مرسته شوې ده.
د پکتیکا د طبیعي پېښو پر وړاندې د مبارزې رییس مولوي مطېعالله منصور سلاموطندار ته ویلي چې دغه نغدي مرسته پرون سهشنبه د غويي ۱۹مه د ناروې کمېټې له لوري پر زیانمنو شویو کورنیو وېشل شوي دي.
د دایکندي په بېلابېلو سیمو کې د ټرافیکي او امنیتي پېښو له کبله درېوو کسانو خپل ژوند له لاسه ورکړی دی.
یادې ټرافیکي پېښې د دغه ولایت په شهرستان، پاتو او میرامور ولسوالیو کې رامنځته شوي دي.
د غزني امنیتي مسوولان وايي چې د دغه ولایت اړوند سیمه کې یوه ځوان له خپل پلار سره تر لفظي شخړې وروسته ځانوژنه کړې ده.
پېښه پرون سهشنبه د غويي ۱۹مه د دغه ولایت د ګېلان ولسوالي اړوند «حسن» کلي کې رامنځته شوې ده. دغه کس یوې ونې پورې ځان زړولی او وژلی یې دی.
هېواد کې له شپږم ټولګي پورته د نجونو زدهکوونکو د ښوونځيو له تړلکېدو نن ۶۰۰ ورځې پوره شوې، خو د ا.ا مسوولان لاهم ټينګار کوي چې د نجونو ښوونځیو تړلي پاتېکېدل لنډمهاله دي.
متقي د پاکستان د ستراتیژیکو مطالعاتو مرکز کې دوشنبه د غويي ۱۸مه ویلي، افغانستان کې نجونې زدهکوونکې تر امرثاني پورې نهشي کولای، ښوونځیو ته لاړې شي.
په اسلاماباد کې د چین او پاکستان د بهرنیو چارو وزیران او د اسلامي امارت د بهرنیو چارو وزارت سرپرست ترمنځ د درې اړخیزې ناستې وروسته په یوې خبرپاڼه کې چې دوه ورځې په ځنډ خپره شوې، راغلي چې د پاکستان-چین اقتصادي دهلیز کې د افغانستان د شاملېدو په اړه هم خبرې شوي دي.
هرات کې د «مهربانه یار» په نوم د کتاب نندارتون جوړونکي وايي، دغه نندارتون کې د بېلابېلو برخو سلګونه ټوکه کتابونه نندارې ته کېښودل شوي او څلور ورځې به دوام وکړي.
د یاد نندارتون یوه مسوول عبدالله مومني سلاموطندار ته وویل، دغه نندارتون کې دیني، د کیسو، ارواح پوهنې، تاریخ او د ادبیاتو برخې کتابونه نندارې ته وړاندې شوي دي.
د کورنیو چارو وزارت او د ټرافیک عمومي ریاست مسوولانو نن سهشنبه د غويي ۱۹مه کابل کې د یوې خبري ناستې پر مهال د هېواد په کچه ښاري او اطرافي ټکسي موټرو لپاره نوي رنګونه وټاکل.
له دې مخکې هېواد کې د ټکسي موټرو رنګونه زېړ او سپین و چې د ټرافیکو عمومي ریاست د نوي طرزالعمل له مخې، دغه رنګونه اوس بدل شوي دي.
د بهرنیو چارو وزارت سرپرست امیرخان متقي ویلي، ا.ا هلمند سیند څخه د ایران حقابه په رسمیت پېژني او تمه لري چې سږکال ډېر باران واوري، څو د اوبه ډېرې او د دواړو هېوادونو اړتیا تامین کړي. ایرنا د متقي له قوله لیکلي: «هیله لرم چې سږکال ډېر ورښتونه وشي او دغه خیر او برکت د اوبو زېرمو د ډېروالي لامل شي او د دواړو هېوادونو اړتیاوې پوره کړي.»
