د تخار امنیتي مسوولان وايي چې د دغه ولایت اړوند سیمه کې د ټرافیکي پېښې له کبله یوې ښځې خپل ژوند له لاسه ورکړی دی.
د تخار د امنیې قومنداني ویاند عبدالمبین ساپي سلاموطندار ته ویلي چې پېښه پرون چهارشنبه د غويي ۲۰مه د دغه ولایت د درقد ولسوالي اړوند «قغني» کلي کې رامنځته شوې ده.
د سلاموطندار پښتو فېسبوکپاڼه وڅارئ
د نوموړي په وینا، یاده سیمه کې د بيبيګل په نوم مېرمن پیکپ موټر وهلې او مړه شوې ده. د تخار د امنیې قومنداني ویاند همداراز زیاته کړې چې موټر چلوونکی د امنیتي ځواکونو لهخوا نیول شوی دی.
تخار کې تېره ورځ هم یوه ماشوم د ټرافیکي پېښې پر مهال خپل ژوند له لاسه ورکړی و.
دا په داسې مهال دی چې د وروستیو اوونیو پر مهال د هېواد په بېلابېلو سیمو کې ټرافیکي پېښې زیاتې شوي چې مسوولان یې لامل د سرکونو خرابوالی، د موټر چلوونکو بېاحتیاطي او له ټرافیکي قوانینو سره د موټر چلوونکو نه بلدتیا په ګوته کوي.