د بلخ مرکز مزارشریف ښار کې د «خدیجهالکبرا» په نوم د ښځو دویم ځانګړي مارکېټ کې هټۍوالې وايي چې کاروبار یې پیکه او پېرودونکي نهلري.
دغه مارکېټ چې ټولې هټۍوالې یې ښځې دي، د مزارشریف ښار څخه په واټن کې جوړ شوی دی. هټۍوالې شکایت کوي چې له ښار څخه د دغه بازار د لرېوالې له امله خرڅلاو نهلري او نه هم څوک د پېر لپاره ورځي.
د جوزجان د احصایې او معلوماتو ریاست مسوولان وايي چې تېر کال یې د برښنايي پېژندپاڼو د وېش له درکه ۲۷ میلیونه افغانۍ عواید ټول کړي دي.
د کاپیسا امنیتي مسوولان وايي چې دغه ولایت کې د یوې ټرافیکي پېښې له امله شپږ کسان مړه او نهه نور ټپیان شوي دي. د کاپیسا د امنیې قومنداني ویاند عبدالفتاح فایز سلاموطندار ته ویلي چې د الهسای ولسوالي د چایخېل کلي په اشپيدره کې یو مازدا ډوله موټر له سړک یوې کندې ته لوېدلی چې له کبله یې شپږ کسان مړه شوي او نهه ټپیان دي.
د بدخشان دراغستان ولسوالي اوسېدونکو په خپل شخصي لګښت دغه ولسوالي کې د دوه میلیونه افغانیو په لګښت د یوه سړک د رغولو چارې پیل کړي دي.
د بدخشان د اطلاعاتو او فرهنګ ریاست اړوند د اطلاعاتو امر حکمتالله محمدي سلاموطندار ته ویلي، دغه سړک چې د یادې ولسوالي «بېکادر» سیمې څخه «بازار زیرکي» ته غځېدلی او ۱۵ کیلومټره اوږدوالی لري، د سیمو د خلکو په شخصي لګښت جوړېږي.
د جوزجان د امنیې قومنداني مسوولان وايي چې د یاد ولایت مرکز او ولسوالیو کې یې پر نشهيي توکو د روږدو کسانو د ټولولو کمپاین پیل کړی دی.
د جوزجان د امنیې قومنداني د نشهيي توکو پر وړاندې د مبارزې مدیر محمدیونس اخندزاده وايي، دغه روږدي کسان یې د درملنې لپاره ولایتي روغتون او یاد ولایت کې د روږدو کسانو د درملنې خصوصي کمپونو ته ورپېژندلي دي.
هرات کې د افغان ښځو د ملاتړ موسسې د ښځینه صنعتکارانو د هڅونې په موخه د «نمای هریوا» په نوم نندارتون جوړ کړی دی.
د ملګروملتونو د خوړو نړیوال پروګرام او د خوړو او کرنې نړیوالې ادارې په یوه ګډ راپور کې د افغانستان په ګډون د نړۍ د ۲۲ هېوادونو په ۱۸ سیمو کې د لوږې زیاتېدو په اړه اندېښنه ښودلې ده. بلخوا د اقتصاد وزارت هم تاییدوي چې دامهال هېواد کې د لوږې کچه د تېرو کلونو په پرتله لوړه شوې ده.
د افغانټوور دولتي شرکت رییس محمد نبي بهار سلاموطندار ته وايي چې د تېرو نږدې دوو کلونو په ترڅ کې څه باندې ۴۰۰۰ بهرنیو سیلانیانو د افغانستان له طبیعي منظرو او تاریخي ځایونو څخه لیدنه کړې ده. همدا ډول لرغونپوه او فرهنګپال غلام حیدر کشککي وايي، د ویجاړو شویو تاریخي ځایونو رغول د سیلانیانو را جلبولو په برخه کې مهم رول لري.
بدخشان کې یوشمېر ناروغ لرونکي وايي چې د دغه ولایت ولایتي روغتون کې د وینې کمښت له اړ دي چې د خپل اړتیا وړ وینه له نورو ځایونو ترلاسه کړي.
د لوګر چارواکي وایي چې د پرون ورځې (دوشنبه، غبرګولي اتمه) اوښتونو له امله په مرکز پلعلم کې سېلابونه راوتلي چې خلکو ته یې درانه مالي زیانونه اړولي دي.
د پنجشېر د اطلاعاتو او فرهنګ ریاست مسوولان وايي چې دغه ولایت کې یې د کتاب ورځې په مناسبت د سړک غاړې د کتابونو دوه ورځنی نندارتون جوړ کړی دی.
د پنجشېر د اطلاعاتو او فرهنګ رییس نصرالله ملکزاده نن سهشنبه د غبرګولي نهمه سلاموطندار ته ویلي چې د مطالعې فرهنګ باید د یوې اړتیا په توګه دود شي، څو خلک د کتاب لوستلو او مطالعې ته مخه کړي.
د لوګر امنیتي مسوولان وايي چې د دغه ولایت په اړوند سیمه کې د یوې چاودنې له کبله یو کس وژل شوی دی.
د لوګر د امنیې قومنداني چارواکو سلاموطندار ته ویلي چې پېښه پرون دوشنبه د غبرګولي اتمه د دغه ولایت د محمداغې ولسوالي «دهنو» سیمه کې رامنځته شوې ده.
پښتو ژبه چې مخینه یې زرګونو کلونو ته رسېږي، اوس د نړۍ د ۵۰ لومړنیو ژبو په نوملړ کې ځای لري او نږدې ۸۰ میلیونه وګړي پرې خبرې کوي. که څه هم مخکې به دا ورځ د حکومت او ځینو نورو علمي او کلتوري ټولنو له لوري په شاندارو مراسمو نمانځل کېده، خو سږ کال د ټولو هېره شوې وه او په اړه یې هېڅ ډول غونډه، سیمینار یا هم خبري غونډه نه وو جوړ شوي.
یونېسف روان کال د هېواد په ننګرهار ولایت کې د ماشومانو د ګوزڼ یا پولیو د درېوو مثبتو پېښو له ثبت وروسته د پولیو پېښو زیاتېدو په اړه اندېښنه ښودلې ده.
هېواد کې د وزګارتیا او کاري فرصتونو نشتون له کبله ګڼشمېر لوستي ځوانان د کار او مزدورۍ لپاره هره ورځ د بهرنیو هېوادونو په ځانګړې توګه د ایران پر لوري روانېږي.
افغانستان کې امنیتي ګواښونو څخه د اندېښنو په دوام د تاجکستان ولسمشر امامعلي رحمان پرون یکشنبه د غبرګولي اتمه افغانستان سره پولې ته نږدې د ختلان ولایت «توس» سیمه کې دوه امنیتي پوستې جوړې کړي دي. د ټولییز امنیت تړون غړیو هېوادونو د دفاع وزیرانو هم افغانستان کې له ترهګریزو فعالیتونو اندېښنه څرګنده کړې ده.
