د کابل-کندهار لویې لارې یوشمېر مسافر او موترچلوونکي د دغې لویې لارې د خرابوالي له امله شکایت کوي او له حکومت غوښتنه کوي چې یاده لویه لاره دې بېرته ورغوي. د کابل-کندهار لویې لارې یوشمېر مسافر او موټرچلوونکي وايي، پر یاده لاره د تګراتګ او د ناروغانو لېږد پرمهال تل له ګڼو ستونزو سره مخ وي.
د روزګان محلي مسوولان وايي چې د دغه ولایت اړوند د خاص روزګان ولسوالي کې یوه کس ځانوژنه کړې ده.
د روزګان د والي ویاند احسانالله حماس سلاموطندار ته ویلي چې پېښه پرون جمعه د غبرګولي ۱۲مه رامنځته شوې ده. نوموړي په دې اړه نور جزیات ورنهکړل.
د میدانوردګ امنیتي چارواکي وایي چې پرون جمعه د غبرګولي ۱۲مه د دغه ولایت په نرخ ولسوالي کې د ځمکې پر سر د شخړې له امله یو کس وژل شوی دی.
د میدانوردګ د امنیه قومنداني له لوري سلاموطندار ته په رالېږل شوې خبرپاڼه کې راغلي چې پېښه د نرخ ولسوالي د «چینو» په کلي کې د دوو کورنیو ترمنځ د ځمکې پرسر د شخړې له امله رامنځته شوې ده.
د کاپیسا امنیتي مسوولان وايي چې دغه ولایت کې ناپېژنده وسلهوالو یو کس وژلی دی. پېښه پرون جمعه د غبرګولي ۱۲مه د دغه ولایت مرکز کې رامنځته شوې ده.
کندهار کې د انارګل کلنۍ دودیزه مشاعره چې هر کال د انار ګل غوړېدو سره جوړېږي، دا ځل په ځنډ دغه ولایت کې جوړه شوه.
کابل کې د فرانسې طبي انسټیټیوټ او د «ماشوم روغتیا» روغتون کې یوشمېر ډاکټران وايي چې هېواد کې د انومالي ماشومانو شمېر زیات شوی دی.
د کابل د ماشوم روغتیا روغتون کې د عمومي جراحي متخصص محمدحنیف تسل وايي چې په منځنۍ کچه هره ورځ دغه روغتون کې یو ماشوم له «مقعد» پرته پیدا کېږي چې دوی یې جراحي عملیات کوي.
پکتیا کې یوشمېر مالداران اندېښنه ښيي چې پاکستان څخه واردېدونکي څاروي پر ناروغیو اخته دي او له امله یې د دوی روغ څاروي پر ناروغیو د اختهکېدو له ګواښ سره مخ کړي دي. مالداران سرحدي سیمو کې په غیرقانوني توګه د واردېدونکو څارویو د مخنیوي غوښتنه کوي.
د میدانوردګ امنیتي مسوولان وايي چې د دغه ولایت په اړوند سیمه کې د یوې ټرافیکي پېښې له کبله دوه کسان مړه شوي او اته نور ټپیان دي.
د میدانوردګ د امنیې قومنداني چارواکي وایي، پېښه پرون پنجشنبه د غبرګولي یوولسمه د دغه ولایت دویمه حصه بهسود ولسوالي اړوند د «کوتلاب» سیمه کې د مارسیډیز موټر چپهکېدو له امله رامنځته شوې ده.
د افغانانو پر وژنه تورن اسټرالیايي سرتیري نن پنجشنبه د جون لومړۍ نېټه د اسټرالیا د درېوو ورځپاڼو له لوري پر نوموړي شوې دعوه وبایلله.
هرات کې د کاپیسا شرکت له لوري د «عالي دي، افغاني دي» په نوم د کرنیزو تولیداتو او لاسي توکو درې ورځنی نندارتون پرانېستل شو.
دغه نندارتون چې نن پنجشنبه د غبرګولي یوولسمه هرات ښار کې جوړ شوی، په ۱۳۲ غرفو کې بېلابېلې دویزې جامې، ګاڼې، د انځورګرۍ تابلوګانې، زینتي لوښي د خوړو مسالې او تازه مېوې نندارې ته کېښودل شوي دي.
فاکسنیوز ټلوېزیوني شبکې په یوه خپور کړي راپور کې ویلي چې یوشمېر امریکايي سناټوران غواړي چې پر ا.ا د نورو بندیزونو لګولو لپاره د دغه هېواد کانګرېس ته یوه نوې لایحه وړاندې کړي.
دغه لایحه چې ټاکل شوې کانګرېس ته د تصویب لپاره وړاندې شي، پهکې د امریکا له حکومت غوښتنه شوې چې د ا.ا غړیو سره هر راز معامله او ویزې پرې بندې شي.
بغلان کې یوشمېر ګیلم اوبدونکي وايي، دغه ولایت کې د یاد صنعت د تولید کمرنګه بازار ناهیلي کړي او په وینا یې، که یاد وضعیت همداسې دوام وکړي، لرې نه ده چې بغلان کې د ګیلم اوبدلو صنعت لهمنځه لاړ شي.
د غور یوشمېر کروندګر او بڼوال وايي چې د نباتي ناروغیو او افتونو د لهمنځه وړلو لپاره له دودیزو لارو چارو کار اخلي او د نویو مېتودونو په اړه په څه نه پوهېږي.
د تخار ینګيقلعه کې یوې کورنۍ سلاموطندار ته د تصویرونو په استولو سره ویلي، ۱۵کلن زوی یې له تېر یوه کال راهیسې د ایران فارس ولایت کې اوسېده چې په مرموز ډول وژل شوی دی.
دغه هلک رامین نومېده او د کورنۍ په وینا یې، د روانې غبرګولي میاشتې په اوومه د ایران د فارس ولایت مرودشت سیمه کې د ناپېژنده کسانو له لوري وژل شوی دی.
د افغانستان بانک نن چهارشنبه د غبرګولي لسمه پر خپله ټوېټرپاڼه لیکلي چې په ورځنۍ راکړه ورکړه د هېوادوالو د اسانتیاو په موخه نوي بانکنوټه بازار ته وړاندې کوي.
نن د مې ۳۱مه د تنباکو نه کارولو نړیوالې ورځې سره برابره ده. دغه ورځ د عامې روغتیا وزارت له لوري نن چهارشنبه د غبرګولي لسمه کابل کې د یوې غونډې په ترڅ کې ونمانځل شوه.
د عامې روغتیا وزارت مسوولانو په دې غونډې کې وویل چې ۲۷سلنه افغانان په منظم ډول له تنباکو څخه استفاده کوي چې له ډلې یې ۲.۶ سلنه ښځې دي.
