د میدانوردګ امنیتي چارواکي وایي چې پرون جمعه د غبرګولي ۱۲مه د دغه ولایت په نرخ ولسوالي کې د ځمکې پر سر د شخړې له امله یو کس وژل شوی دی.
د میدانوردګ د امنیه قومنداني له لوري سلاموطندار ته په رالېږل شوې خبرپاڼه کې راغلي چې پېښه د نرخ ولسوالي د «چینو» په کلي کې د دوو کورنیو ترمنځ د ځمکې پرسر د شخړې له امله رامنځته شوې ده.
د سلاموطندار پښتو فېسبوکپاڼه وڅارئ
په خبرپاڼه کې راغلي چې وژل شوی کس عتیقالله نومېده او د نرخ ولسوالي اصلي اوسېدونکی و.
په ورکړل شویو معلوماتو کې راغلي چې د یادې پېښې قاتل هم د امنتي ځواکونو له لوري نیول شوی دی. باید وویل شي چې تېره اوونۍ هم په نرخ ولسوالی کې یو کس د ځمکې پر سر د شخړې له امله وژل شوی و.
له دې وړاندې د هېواد په نورو ولایتونو کې هم ورته پېښې رامنځته شوي چې ځینې کسان پهکې وژل شوي او ټپیان شوي دي.