فاکسنیوز ټلوېزیوني شبکې په یوه خپور کړي راپور کې ویلي چې یوشمېر امریکايي سناتوران غواړي چې پر ا.ا د نورو بندیزونو لګولو لپاره د دغه هېواد کانګرېس ته یوه نوې لایحه وړاندې کړي.
دغه لایحه چې ټاکل شوې کانګرېس ته د تصویب لپاره وړاندې شي، پهکې د امریکا له حکومت غوښتنه شوې چې د ا.ا غړیو سره هر راز معامله او ویزې پرې بندې کړي.
د سلاموطندار پښتو فېسبوکپاڼه وڅارئ
خو د ا.ا مسوولانو دغه راپور ته په غبرګون کې ویلي چې پر سرپرست حکومت هر راز فشار به پایلې ونهلري او اړتیا ده چې امریکا د فشار پر ځای د تعامل لاره خپله کړي.
د ا.ا د ویاند مرستیال بلال کریمي سلاموطندار ته وویل: «نړۍ او امریکا باید دا ومني چې د فشار وخته تېر شوي او تېرو شلو کلونو کې د دوی په بېلابېلو برخو کې له فشار کار واخیست، خو پایله یې ورنهکړه، نو باید د ډيپلوماسۍ لاره خپله کړي، څو د ستونزو حل ته ورسېږو او ا.ا پرې باورمند دی.»
د فاکس نیوز د راپور پر بنسټ، د جمهوري غوښتونکو سناتورانو له ا.ا غوښتنه کړې چې د تحریمونو د تصویب مخنیوی لپاره باید د ترهګرو او بشرحقونو ډلو پر وړاندې خپلو تګلارو او سیاستونو کې بدلون راولي.
خو د ا.ا د ویاند مرستیال بلال کریمي بیا وايي چې ا.ا د خپلو کورنیو سیاستونو په اړه د هېڅ هېواد فرمایشونه او غوښتنې نهشي منلی.
هغه وویل: «د افغانستان کورني مسایل د افغانانو مربوط دي او په خپله توګه یې په اړه پرېکړه نیول کېږي او هېڅ بهرنی فرمایش دې برخه کې نه منل کېږي، خو ا.ا ډاډ ورکوي چې د افغانستان خاوره به د نورو هېوادونو پر ضد ونه کارول شي.»
بلخوا یوشمېر سیاسي کارپوهان وايي چې امریکا د نویو بندیزونو په لګولو سره غواړي چې ا.ا سره دوهګونې لوبه ولوبوي او عامه افکار تغییر کړي.
د سیاسي چارو کارپوه سرور جعفري وویل: «امریکا او دغه هېواد کې مېشت بنسټونه چې فعالیت لري، د امریکا بهرنی سیاست او تګلاره مخته وړي چې د دوی ملي امنیت او پایښت لپاره تعریف شوي دي. د دغه نظر پر بنسټ امریکا ا.ا سره د دوهګونې لوبې په لټه کې ده.»
د امریکا یادو جمهوري غوښتونکو سناتورانو له کانګرېس غوښتنه کړې چې د یادې لایحې له وړاندې کولو وروسته نوموړې ژر تر ژره تصویب کړي.
دا په داسې مهال دی چې ا.ا په وار وار ټينګار کړی چې ګاونډیو او د نړۍ هېوادونو سره د ښو اړیکو پر بنسټ د تعامل غوښتونکي دي.