د روسیې او اوکراین تاریخي تړاو
که څه هم شوروي اتحاد په ۱۹۹۱ کې ونړېد، خو د روس او اوکراین تر منځ چې کومې کلتوري، ژبني او اهلي اړیکې وې، د اتحاد نړېدل د هغو د شلېدلو په مانا نه و، بلکې اوس هم په ډېرو مشترکاتو له یو بل سره تړلي دي. د بېلګې په توګه؛ د روسیې له پولې سره د اوکراین اکثره وګړي روسي ژبه وایي او له روسیې سره پراخو اړیکو ته لېوالتیا ښیي.
د امریکا او کاناډا د بهرنیو چارو وزارتونو اوکراین کې شته ګواښونو ته په پام له خپلو وګړو غوښتي چې ژر تر ژره دې له دغه هېواد څخه ووځي.
په جرمني کې دوه افغان ورونه د خپلې خور د وژنې په تور چې هغه یو ناموسي قتل بللی شوی، د برلیین ښار څارنوالۍ پرون په رسمي توګه تورن پېژندلي دي.
هیل ورځپاڼې په یوه رپوټ کې ویلي چې د امریکا د مارېسټ پول څېړنیز بنسټ له لوري د شوې ټولپوښتنې پر بنسټ، د امریکا ولسمشر جو بایډن په کمساري توګه د دغه هېواد د وګړو ترمنځ خپل شهرت له لاسه ورکړی او دغه کچه ۴۲سلنې ته رسېږي.
د اروپا پارلمان پرون په یوه پرېکړهلیک کې د اروپايي اتحادیې له غړیو هېوادونو وغوښتل چې د رد شویو غوښتنلیکونو په ګډون، د افغان کډوالو ټول غوښتنلیکونه وارزوي.
دغه پرېکړهلیک کې د یادې اتحادیې له غړیو هېوادونو غوښتل شوي چې افغان کډوال دې په هېڅ ډول شرایطو سره په زوره نه وباسي.
د امریکا د بهرنیو چارو وزير انټوني بلېنکن وایي چې هېواد یې له افغانستان سره په ملکي برخه کې ۳۰۰ میلیونه ډالره مرسته کوي.
انټوني بلېنکن بېګاه پر خپل ټویټر لیکلي چې پر دې مالي مرستې سربېره هغه نورې مرستې چې امریکا یې افغانستان ته ورکوي، د نړیوالې پراختیایي ادارې له لوري دغه هېواد ته ورکول کېږي.
په واشنګټن کې افغان سفارت ویلي چې د افغانستان اړوند ۳۳ تاریخي اثار ورته سپارل شوي دي.
د دغه سفارت په خبرپاڼه کې لیکل شوي چې یاد اثار پرون د امریکا د «نیویارک سیمې» د څارنوالي په دفتر کې افغان سفیرې رویا رحماني ته سپارل شوي دي.
د خبرپاڼې له مخې، د دغو تاریخي اثارو مخینه له دویمې تر اتمې پېړۍ پورې رسېږي او د افغانستان د بډایه کلتور او تاریخ ښکارندويي کوي.
د امریکا د بهرنیو چارو وزیر انټوني بلېنکن د افغان سولې لپاره د دغه وزارت له ځانګړي استازي زلمي خلیلزاد سره لیدلي دي.
بلېنکن په یوه ټویټ کې لیکلي چې له خلیلزاد سره یې په یاده لیدنه کې د ترهګرۍ پر وړاندې د امریکا د ساتنې، په افغانستان کې یوې تلپاتې او عادلانه سولې ته د رسېدو او په دغه هېواد کې د یوه بشپړ او تلپاتې اوربند په اړه خبرې کړې دي.
میانمار کې پوځ نن سهار د دغه هېواد د ولسواکۍ ملي ټولنې رهبرې انګسان سوچي پر ضد کودتا کړې ده او د نوموړې په ګډون يې د حکومت مهم لوړ پوړي چارواکي نيولي دي.
د میانمار پوځ چې مخکې یې په تېرو ټاکنو کې د پراخه ټاکنيزو درغلیو تورونو څېړلو غوښتنه کړې وه، په میانمار کې يې پر حاکم دولت کودتا کړې او د ملکي چارواکيو په نیولو سره يې په دې هېواد کې د اضطراري حالت په اعلان سره واک ترلاسه کړ.
د پوځ له لوري په يوه ويډيويي پيغام کې ويل شوي، د دغه هېواد واک د یو کال لپاره لوی درستیز مېنانګ هلاینګ ته لېږدول شوی دی.
د امریکا نوی حکومت غواړي چې له وسلهوالو طالبانو سره د دغه هېواد د پخواني ولسمشر ډونالډ ټرمپ د حکومت له لوري د سولې شوی هوکړهلیک وارزوي.
د سپینې ماڼۍ ویاندې امیلي هارون ویلي، د جو بایډن اداره به د امریکا او طالبانو ترمنځ د سولې هوکړهلیک ته د دې ډلې ژمنتیا او نه ژمنتیا وارزوي.
د ولسي جرګې غړي غلام حسین ناصري نن په کابل کې «د سولې پېچلې لاره، ننګونې او فرصتونه» سیمینار کې وویل، د امريکا او طالبانو ترمنځ د سولې له شوې هوکړې سربېره دواړو لوريو د ۹۰۰ پاڼو يوه ضمیمه هم لاسلیک کړې ده. د ناصري په وينا، دغه ضمیمه په پټه لاسلیک شوې او ولسمشر محمد اشرف غني او د ملي پخلاینې عالي شورا رییس عبدالله عبدالله يې له متنه خبر نه دي.
د کړکېچ نړېوالی ډلې د افغانستان د چارو لوړپوړي څارونکي وایي چې ښایي د افغانستان مسله د امریکا د نوي حکومت لپاره مهمه نه وي .
د دې ډلې یوه لوړپوړي چارواکي انډي وارکنېس په یوه ځانګړې مرکه کې ویلي چې د امریکا د نوي ولسمشر له نږدې همکارانو او سلاکارانو سره یې خبرې کړي او په وینا یې، افغانستان به د بایډن ادارې د بهرني سیاست په لومړیتوبونو کې نه وي.
د امریکا د بهرنیو چارو وزیر مایک پمپیو پر ایران تور لګوي چې دغه هېواد د القاعده شبکې مشرانو ته ځای ورکړی او د دې ډلې مستقیم ملاتړ کوي. هغه ادعا کړې چې القاعده شبکې ایران خپل نوی «کورنی مرکز» ګرځولی او هلته ځای پر ځای شوې ده. پمپیو دغه څرګندونې پرون ماښام د امریکا «د مطبوعاتو ملي کلوپ» کې د وینا پر مهال کړې دي.
افغانستان، کاناډا، انګلستان، اوکراین او سویډن په ایران کې د اوکرایني الوتکې د لوېدو په لومړۍ کلیزه کې د ایران له دولت نه غوښتي چې یادې پېښې په اړه بشپړ او هراړخیر راپور وړاندې کړي.
د افغانستان د بهرنیو چارو وزارت نن د پنځو هېوادونو قربانیانو ته د ځواب ویلو او همغږۍ ډلې خبرپاڼه خپره کړې ده.
د ډونالډ ټرمپ پلویانو د امریکا متحده ایالاتو پر کانګرس یرغل ور وړی او د دغه هېواد د ټاکنو د پایلو د تایید غونډه یې ګډهوډه کړې ده. معترضان توانېدلي چې د امریکا د سنا جرګې ودانۍ ته ورننوځي.
د ۲۰۱۹ کال په پای کې د معمول په څېر یوشمېر خبري او تفریحي وېبسایټونو د هغو پېښو وړاندوینه کړې وه چې ښايي په ۲۰۲۰کې وشي. نږدې دغه ټول وېبسایټونه مې وکتل، هر هغه څه چې په دغه کال یې وړاندوینه شوې وه، له کورونا پرته ټول سم وو.
کورونا په ۲۰۲۰ کال کې ټوله نړۍ وځپله. کلونه وروسته نور نسلونه چې د تاریخ په اړه خبرې کوي، له شک پرته به ۲۰۲۰ د کورونا په نوم یادوي. په دغه کال کې ټول سیاسي، اقتصادي، کلتوري او ټولنیز پروګرامونه د کورونا تر سیوري لاندې راغلل.
د سلاموطندار په اړه
نشراتي سیاست او مسلکي اصول
د خصوصي حریم سیاست
له موږ سره اړیکه
کارموندنه
د معلوماتو او سندونو لېږل
له موږ سره د همکارۍ شرایط
شکایت
راډیويي خپرونې
فلم او تصویر
آر اس اس
په خبرپاڼه کې ګډون
