د ملګرو ملتونو سرمنشي انټونیو ګوټرېش ویلي چې په روان میلادي کال کې د نړۍ په بېلابېلو هېوادونو کې څه باندې ۷۰ خبریالان د خپلې دندې له امله وژل شوي دي. د ملګرو ملتونو سرمنشي لیکلي: «باید د جرمونو پر وړاندې د معافیت فرهنګ ته د پای ټکی کېښودل شي او خبریالان باید د خپلو اساسي کارونو ترسره کولو ته وهڅو.»
پاکستاني رسنیو نن سهشنبه د لړم لسمه راپور ورکړی چې د دغه هېواد د بلوچستان ایالت په اړوند سیمه کې د یوه وسلهوال برید پر مهال دوه پاکستاني سرتیري وژل شوي دي.
د امریکا د بهرنیو چارو وزارت ویاند د یوې خبري ناستې پرمهال خبریالانو ته ویلي چې امریکا تل پاکستان سره اړیکو ته ارزښت ورکړی او دغه هېواد یې د خپلو ګټو لپاره مهم ګڼلی دی.
پاکستاني رسنیو نن دوشنبه د لړم نهمه راپور ورکړی چې د دغه هېواد په ګوجرانواله کې د صدف نعیم په نوم یوه خبریاله د لاریون پرمهال د عمرانخان د لارۍ موټر لاندې شوې او مړه شوې ده.
د سوېلي کوریا ولسمشر یونسوک یوول وروسته له هغې دغه هېواد کې ملي ماتم اعلان کړ چې د یاد هېواد په پلازمېنه سېول کې د هالووین جشن پر مهال د ګڼې ګوڼې له امله ۱۵۱ کسان ووژل شول او ۸۲ نور ټپیان شول.
له هغه ورسته چې اسلامي امارت د تېر زېږدیز کال د اګېسټ په ۱۵مه واک ته ورسېد، د خبریالانو په ګډون، یوشمېر کسانو چې افغانستان کې یې ځان خوندي نه باله، له هېواده یې د وتلو هڅې پیل کړې.
فارین پالیسي یوه راپور کې ادعا کړې چې روسیې له پخوانیو افغان ځواکونو سره اړیکې نیولي او هڅه کوي چې د اوکراین جګړې لپاره یې جذب کړي.
فارین پالیسي له یوشمېر پخوانیو کومانډویانو سره چې سخت اقتصادي او امنیتي وضعیت تجربه کوي، هم خبرې کړي او په وینا یې، د دوی سخت ژوند یاده جګړه کې د هغوی ښکېلتیا ته لاره هواره کړې ده.
د ملګرو ملتونو سازمان ۷۷ کاله وړاندې له دویمې نړیوالې جګړې وروسته جوړ شو. که څه هم د دغه سازمان د جوړېدو موخه د نړیوالو شخړو حل او د نړۍ پر جیوپولیټیک وضعیت د اغېزناک رول لوبول دي، خو په افغانستان کې د دغه سازمان رول کله له هرکلي او کله هم له نیوکو سره مخ شوی دی.
هنديالاصله بریټانیایی ریشي سونک د دغه هېواد د محافظهکار ګوند لپاره په شویو ټاکنو کې وتوانېد چې د دغه ګوند مشري وګټي او په دې سره به د بریټانیا د لومړي وزیر په توګه هم خپل کار پیل کړي.
ریشي سونک چې ۴۲ کاله عمر لري، لومړنی تورپوستی او په خټه د اسیا دی چې د بریټانیا د لومړي وزیر په توګه ټاکل کېږي. هغه به د بریټانیا اووهپنځوسم او د دغه هېواد په معاصر تاریخ کې تر ټولو ځوان لومړی وزیر هم وي.
د بریټانیا لومړۍ وزیرې او د محافظهکار ګوند مشرې لیز ټراس په کورنیو ټاکنو کې له بریا ۴۵ ورځې وروسته له خپلې دندې استعفا وکړه. هغې ویلي چې د محافظهکار ګوند د مشر تر ټاکلو پورې به خپلې دندې ته دوام ورکړي.
د کرېکټ شل اووره نړیوال جام لومړي پړاو سیالیو له «بې» ګروپ څخه ایرلنډ لوبډلې د کارټېس کمفر د ښکلې لوبې پرمټ وکولای شوای چې سکاټلنډ ته په یوې په زړه پورې سیالي کې په شپږو وېکټو ماته ورکړي.
پاکستان کې د ترهګریزو بریدونو او وسلهوالو ډلو د فعالیتونو په لړ کې امریکا نن یکشنبه د تلې ۱۷مه خپلو وګړو ته خبرداری ورکړی چې د دغه هېواد یوشمېر سیمو ته له سفر کولو ډډه وکړي.
د هند په لوېدیځ مهاراشترا ایالت کې پولیس وايي چې د دغه ایالت په ناشک ښار کې په یوه بس موټر کې د اورلګېدنې له امله ۱۲ کسان مړه شوي او څه باندې ۳۰ کسان ټپیان دي.
د کاناډا حکومت وايي چې دغه هېواد ته یې د سپاهپاسداران د غړیو په ګډون، د څه باندې ۱۰زرو ایراني چارواکو پر ورتګ بندیز لګولی او په وینا یې، تر دې وروسته به یادو کسانو ته اجازه ور نه کړي چې کاناډا ته دننه شي.
په ټایلنډ کې رسنۍ وايي، د دغه هېواد په پلازمېنه بنګاک کې یوه وسلهوال کس د ماشومانو د ساتنې پر یوه مرکز برید کړی او د ماشومانو او لویانو په ګډون یې ۳۴ کسان وژلي دي.
د افغانستان لپاره د امریکا شارژدافیرې کرن ډېکر ویلي چې امریکا به په راتلونکې کې هېڅکله په افغانستان کې له پوځي لارې مداخله ونهکړي او په وینا یې، څوک د داسې پرېکړې تمه نهلري.
کرن ډېکر یوې انلاین غونډې ته د وینا پرمهال ویلي، د افغانستان له اوسني سرپرست حکومت سره ډيپلوماټيکه راشه درشه اغېزمنه ده.
