ارګ په تازهګۍ سره یوې اعلامیه کې د ولسمشرۍ ماڼۍ د «حقوقي واحد» رامنځته کولو خبر ورکړی او په راس کې يې کبير عيساخېل ګمارلی دی.
ولسمشرۍ ماڼۍ ويلي، ټولې دولتي ادارې مکلفې دي چې هېوادونو، نړیوالو سازمانونو او بهرنیو شرکتونو سره د افغان دولت د ټولو هوکړهلیکونو، معاهداتو او سوداګریزو او اقتصادي قراردادونو مسوده دې، دغې ادارې سره په همغږۍ طی مراحل کړي.
کابل کې د امریکا سفارت شارژدافیر راس وېلسن نن پر خپله ټوېټرپاڼه ليکلي، افغانستان کې د لنډمهاله حکومت پلوي نهکوي او د افغان سولې خبرې او پایلې یې په افغانانو پورې اړه لري.
داسې حال کې چې کابل ته د افغان سولې لپاره د امریکا د بهرنيو چارو وزارت ځانګړي استازي زلمي خلیلزاد له وروستي سفر او یو شمېر افغان سیاستوالو سره تر لیدنو وروسته داسې راپورونه…
د عامې روغتیا وزارت وايي، کورونا په تېره يوه شپه او ورځ کې ۶ کسان مړه کړي او ۸۴ نور پرې اخته شوي دي. دغه وزارت نن په خپل ورځني راپور کې ویلي، دومره موده کې يې د ۲ زره او ۱۰۹ شکمنو کسانو نمونې کتلي.
د کډوالو او بېرته را ستنېدونکو چارو وزارت مسوولان وايي چې په هرات کې یې د کورنیو بېځایه شویو د ستونزو د حل لپاره یوه ګډه کاري ډله جوړه کړې ده.
د ولسي جرګې رییس وايي چې د دولتي کارکوونکو د معاشونو یوشانوالی د دې جرګې لپاره سره کرښه ده او تر هغه چې حکومت د مامورینو، اجیرانو، ښوونکو، ټیټپوړو کارکوونکو، سرتېرو او افسرانو د معاشونو یوشانوالي په اړه د هغوی غوښتنې په پام کې ونه نیسي، د ۱۴۰۰ مالي کال بودجه به تصویب نه کړي.
د بدخشان امنیتي مسوولان وايي چې د دغه ولایت د ولایتي شورا یوه پخواني غړي او په ارګو ولسوالي کې د ولسي پاڅونوالو د یوه قوماندان ترمنځ نښته کې دوه کسان وژل شوي دي.
مالیې وزارت د ۱۴۰۰ مالي کال د بودجې پر سر د ارګ او ولسي جرګې ترمنځ د ناندریو په دوام، په یاده بودجه کې د ۲۰ میلیارډه افغانیو ډېروالی کابینې ته وړاندې کړه. کابینې هم د مالیې وزارت طرحه تایید او ټاکل شوې نن یو ځل بیا ولسي جرګې ته ولېږل شي.
د سوداګرۍ او صنایعو خونې ویلي چې کندوز کې د سپینزر په نوم د غوړیو د تولید کارخونې له ۲۵ کلن ځنډ وروسته بیا خپل فعالیت پیل کړ.
د خوست ولايت يوشمېر مدني فعالانو، ځوانانو او مشرانو نن په دغه ولایت کې د ضیا ودان د ترور په غبرګون کې اعتراض وکړ او د خوست ولایت د مقام دروازې په ګډون یې د دغه ولایت ټولې دولتي ادارې وتړلې.
د ولسي جرګې د مالي او بودیجې کمیسیون مشر میر افغان صافي له مالیې وزارت سره ددغه کمیسیون په ګډه غونډه کې ويلي، که څه هم د ولسي جرګې مالي او بودیجې کمیسیون په کراتو او د رسمي مکتوبونو په لېږلو سره له مالیې وزارت څخه د ۹۱یم کوډ د پیسو د لګښت د څرنګوالي په اړه پوښتلي، خو دغه وزارت په بېلابېلو پلمو سره د دوی غوښتنو ته ځواب نه ورکوي.
سره له دې چې د یوه نوي قانون له مخې افغانستان نه د نورو امریکایي ځواکونو وتل بند شوي؛ خو د امریکا د دفاع وزارت یا پنټاګون پرته له دې چې د ځواکونو د ايستو مسلې خطرونه او ناوړه پایلې کانګرس سره شریکې کړي، د امریکایي ځواکونو د ايستو بهیر ته دوام…
د لوګر ولایت د کار او ټولنیزو چارو رييس شامحمد ولي زوی سلاموطندار ته وايي، په روان کال کې د افغان حکومت او وسلهوالو طالبانو ترمنځ د جکړو له کبله يوازې د دې ولايت په مرکز پلعلم کې ۳۷۱ ماشومان درنو او شاقه کارونو ته اړ شوي دي.
وليزوی وايي، په لوګر کې ډېری کورنۍ او لسګونه ماشومان په هېواد کې د جکړو له کبله زیانمن شوي چې د روانې جکړې په ترڅ کې ۷۲ ماشومان ټپیان شوي او ۳۳ نور وژل شوي هم دي.
د عامې روغتیا وزارت وايي، کورونا په تېره يوه شپه او ورځ کې ۷ کسان مړه کړي او ۱۰۶ نور پرې اخته شوي دي. دغه وزارت نن په خپل ورځني راپور کې ویلي، دومره موده کې يې د ۱۲۰۲ شکمنو کسانو نمونې کتلي.
د ياد وزارت په راپور کې راغلي، په همدې موده کې له کورونا ۴۷۲ کسان بېرته ښه شوي هم دي. د راپور پربسټ، تازه پېښې په ۱۲ ولايتونو کې ثبت شوې دي.
د هرات امنیتي مسوولان وايي چې انسان تښتوونکو د دغه ولایت د کرنې رییس ۱۲ کلن زوی تښتولی دی.
د هرات د امنیې قومانداني ویاند عبدالاحد وليزاده وايي چې انسان تښتوونکو یاد ماشوم بېګاه ماښام د هرات د اتمې ناحیې اړوند له «قولاردو» سیمې تښتولی دی.
بلخ ولايت کې د ملي اردو سرتېرو پر لېږدوونکي رنجر موټر د ناپېژاندو موټرسايکل سپرو وسلهوالو بريد کې ۲ سرتېرې وژل شوي او ۳ نور کسان ټپيان دي.
د ۲۰۹ شاهين قول اردو وياند محمدحنیف رضايي د ياد خبر په تاييد سره وايي، دغه پېښه نن سهار د مزارشريف ښار پنځمې ناحيې اړوند سيمه کې هغه مهال شوې کله چې د سرتېرو موټر قول اردو ته پر لاره و.
په قطر کې د افغانستان سولې خبرو د دويم پړاو له پيله او د حکومت او طالب پلاويو د کاري کمېټو ترمنځ له څو غونډو جوړېدو سره هم مهاله داسې راپورونه خپاره شوي چې د طالبانو سياسي مرستيال ملا عبدالغني برادر، د طالبانو د پلاوي رييس عبدالحکیم حقاني او د دې ډلې يو شمېر نور غړي له پاکستانه قطر ته نه دي تللي.
