په تورخم ښارګوټي کې لسګونه لارۍ چې تازه مېوې او ترکاري په کې بار دي، چلوونکي یې شکایت کوي چې پاکستان هغې غاړې د موټرو وراوښتو پروسه ځنډنه پر مخ بیایي چې له همدې امله دوی مجبورېږي، د تورخم له دروازې دې غاړه په ورځو ـ ورځو انتظار وکړي.
د پکتیا په مرکز ګردېز ښار کې دوه اوونۍ وړاندې د ۱۲ کرېکټ لوبډلو ترمنځ سيالۍ پیل او نن د سادات لوبډلې په ګټه پای ته ورسېدې.
د دغو سياليو جوړوونکي وايي، دا لوبې د خپلواکۍ جام تر سرليک لاندې جوړې شوې وې او موخه یې د کرېکټ په برخه کې د نويو ځوانانو روزل و.
له څه باندې یوې نیمې میاشتې راهیسې کله چې اسلامي امارت واک ته ورسېد، طالبانو د لومړي ځل لپاره د اساسي قانون په اړه خپل دریځ روښانه کړ او ویلي یې دي چې د اوس لپاره به په لنډمهالي توګه د ظاهر شاه د دورې اساسي قانون نافذوي.
تېره ورځ یو کس چې ادعا یې کوله د اسلامي امارت د کورنیو چارو وزارت د ښاري استخباراتو د څانګې کارکوونکی دی، د سلاموطندار راډیو دفتر ته ننوځي. نوموړي کس غوښتل په زور او د سلاموطندار راډیو د امنیتي برخې له همغږۍ پرته دفتر ته دننه شي. هغه خپل ځان عبدالمالک صافی معرفي کړ او یوه بل ځوان یې هم ملتیا کوله.
وروسته له هغې چې د برېټانیې «ډیليمېل» ورځپاڼې د امریکا د ډیپلوماټیکو او استخباراتي ادارو د معلوماتو پربنسټ په یوه راپور کې د پاکستان او امریکا ترمنځ د افغانستان مسلې په اړه له رامنځ ته کېدونکو احتمالي ستونزو په اړه خبر ورکړ، یوشمېر افغان شنونکي هم د پاکستان پر وړاندې د امریکا ودرېدل تاییدوي.
د ترکیې اناتولي خبري اژانس خبر ورکړی چې د ترکي ژبې ویونکو هېوادونو د همکارۍ شورا د غړیو هېوادونو د بهرنیو چارو وزیرانو د افغانستان په اړه فوقالعاده غونډه وکړه. د ترکیې د بهرنیو چارو وزیر مولود چاووش اوغلو په دې غونډه کې ویلي چې افغانستان کې وروستیو بدلونونو پر نړۍ، په تېره د یادې شورا پر غړیو هېوادونو اغېز کړی دی.
پر هېواد د طالبانو له واکمنېدو سره سم د بهرنیو وګړو ترڅنګ، د خبریالانو په ګډون له ګواښ سره د مخ کسانو د اېستلو بهیر پیل شو او ورسره هممهاله یوشمېر هېوادونو د خبریالانو د منلو ټټر وواهه. که څه هم اوس د خبریالانو د اېستلو بهیر پای ته رسېدلی، خو داسې راپورونه خپاره شوي چې ښيي یوشمېر کسان د خبریالۍ په جعلۍ سندونو له هېواده وتلي دي.
د ترکیې ولسمشر رجب طیب اردوغان وایي، هېواد یې تمه لري چې د کابل نړیوال هوايي ډګر د مدیریت په اړه له هوکړې وړاندې باید په افغانستان کې د طالبانو له لوري ټولګډونه حکومت اعلان شي. اردوغان ویلي، تر هغه به افغانستان ته خپل ځواکونه ونه لېږدوي چې دغه هېواد کې ټولګډونه حکومت نه وي، جوړ شوی.
د لوګر مرکز پلعلم ښار یوشمېر اوسېدونکي سلاموطندار ته وايي، د مخکیني حکومت له سقوط وروسته د وزګارتیا کچه د پام وړ زیاته شوې او ډیری لوستي او نالوستي ځوانان له هېواد څخه د تېښتې په حال کې دي او له پراخو اقتصادي ستونزو کړېږي.
د غور روغتیايي مسوولان وايي، دغو ماشومانو د کورنیو د بېوزلۍ او روغتیايي اسانتیاوو نه موجودیت له کبله خپل ژوند بایللی او سلګونه نور ماشومان هم پر خوارځواکۍ اخته دي.
د دوی په وینا، هره ورځ لسګونه ماشومان د غور ولایتي روغتون ته ور وړل کېږي، خو د ماشومانو درملنې او پیاوړتیا لپاره هېڅ مواد او درملنه نشته.
د روسیې تاس خبري اژانس د یاد هېواد د بهرنیو چارو د وزیر د مرستیال سرګي ورشینین له قوله راپور ورکړی چې تمه ده تر راتلونکو دوو ورځو پورې «جي ۲۰» هېوادونه د افغانستان په اړه غونډه وکړي. د روسیې د بهرنیو چارو د وزیر مرستیال ویلي چې په دغه ناسته کې د ګډون لپاره باید دوی ته بلنلیک راواستول شي.
په غور کې د اسلامي امارت مسوولان وایي چې دغه پېښه بېګاه شپه د یاد ولایت په مرکز فیروزکوه ښار کې رامنځ ته شوې ده. غور کې د اسلامي امارت د ملي امنیت مرستیال محمدصادق رصاص وایي، انسان تښتوونکو چې کله هزاره قوم پورې اړوند دوه کسان ووژل، پر طالبانو یې هم ډزې وکړې چې د نښتې په پایله کې دوه انسان تښتونکي ووژل شول او یوشمېر یې وتښتېدل.
یو طالب چارواکي شهابالدین دلاور نن د عامې روغتیا وزارت د سرپرست پېژندلو په غونډه کې وویل چې نړۍ په افغانستان کې ټولشموله حکومت غواړي، خو د نړۍ د خوښې وړ حکومت فسادشمول، غاصبشمول او اختطاف شمول دی. هغه ټینګار کوي چې اسلامي امارت ټولشموله دی.
له تېرو څو ورځو راهیسې په پرلهپسې توګه د جلالاباد ښار په بېلابیلو سیمو کې چاودنې او د ناڅرګندو وسلهوالو له لوري د یوشمېر کسانو وژل کېدو اندېښنې زیاتې کړې دي.
همدا نن سهار د جلالاباد ښار د لومړۍ ناحیې اړوند «پښتونستان واټ» ته نږدې په يوه ګلدان کې ځای پرځای شوی ماین هغه مهال چاودلی چې طالبان له سیمې تېرېدل.
د پاکستان لومړي وزیر عمران خان د ملګرو ملتونو ۷۶یمې کلنۍ ناستې ته په یوه ویډیويي پیغام کې لیکلي، که څه هم نړۍ نه غواړي چې طالبان په رسمیت وپېژني، خو په افغانستان کې د انساني ناورین د مخنیوي لپاره دې د اسلامي امارت ملاتړ وکړي. عمران خان وايي، په افغانستان کې بشري ناورین را روان دی او دغه وضعیت به د ترهګرو پر ځالې د دغه هېواد د بدلېدو ګواښ نور هم ډېر کړي.
رویټرز خبري اژانس د ملګرو ملتونو سرمنشي د ویاند سټفان دوجاریک له قوله لیکلي چې د پخواني ولسمشر محمداشرف غني استازی غلاممحمد اسحاقزی به د دغه سازمان په عمومي غونډه کې د افغانستان په استازولۍ خبرې وکړي. رویټرز لیکي چې ملګرو ملتونو پرېکړه کړې چې غلاممحمد اسحاقزی به د دوشنبې په ورځ د ملګرو ملتونو عمومي غونډې ته وینا کوي.
