یو طالب چارواکي شهابالدین دلاور نن د عامې روغتیا وزارت د سرپرست پېژندلو په غونډه کې وویل چې نړۍ په افغانستان کې ټولشموله حکومت غواړي، خو د نړۍ د خوښې وړ حکومت فسادشمول، غاصبشمول او اختطاف شمول دی. هغه ټینګار کوي چې اسلامي امارت ټولشموله دی.
دلاور وايي، امریکا شل کاله مخکې د ترهګرۍ پر وړاندې مبارزې په پلمه افغانستان ته راغله، خو اوس پوښتنه دا ده چې امریکایانو کوم مجرم او ترهګر نیولی یا یې وژلی دی.
د نوموړي په وینا، اسلامي امارت له امریکا او نورو هېوادونو سره ښې اړیکې غواړي.
دغه لوړپوړی طالب چارواکی داسې مهال د ټولشمولیت خبرې کوي چې له نږدې دوو میاشتو راهیسې پر افغانستان واکمن دي، خو لا هم هېڅ هېواد په رسمیت نه دي پېژندلي.