په هېواد کې د صرافانو د کاربندیز په لړ کې یوه سرچینه سلاموطندار ته وايي چې د اسلامي امارت ځواکونو د کابل شهزاده سرای دروازه په «زور» پرانیستلې ده.
د شهزاده سرای د صرافانو ټولنې ویاند عبدالرحمان زیرک سلاموطندار ته تایید کړې چې دغه سرای نن سهار د اسلامي امارت د ځواکونو له لوري په «زور» پرانستل شوی دی.
د روسیې ولسمشر ولادیمیر پوتین له خپل فنلنډي سیال سره په یوې ټیلیفوني اړیکه کې له ناټو سره د یوځای کېدو په اړه د دغه هېواد له پرېکړې ناخوښي څرګنده کړې او دا یې یوه «تېروتنه» بللې ده.
د کندهار محلي مسوولان وايي چې پرون ناوخته د کندهار ښار د «یوولسمې حوزې» اړوند په «عينو مينې» ښارګوټي کې د ناپېژنده وسلهوالو له لوري د افغان ترک خصوصي لېسې د مدیر مرستیال وژل شوی دی. د کندهار امنيې قومنداني وياند محمداصف حکيمي سلاموطندار ته ویلي چې د نوموړي د قاتلانو د نیولو په موخه یې هڅې پیل کړي دي.
هلمند کې د شته روانو اوبو سربېره، د دغه ولایت زرګونه هکتاره ځمکې، د کیندل شویو ژورو څاهګانو پرمټ اوبه کېږي. که څه هم تراوسه د دغو ژورو څاهګانو کره شمېر نه دی معلوم، خو د دغه ولایت کروندګر وايي، اړ دي چې پر هر لس جریبه ځمکه له ۴۵ متره څخه تر ۱۲۰مترو پورې ژورې څاهګانې وباسي، څو خپلې ځمکې پرې خړوبې کړي.
یوشمېر ښاریان او صرافان د هېواد په بازارونو کې د زړو افغاني بانکنوټونو له زیاتوالي څخه شکایت کوي.
د کابل ښار یوشمېر اوسېدونکي په دغه ښار او یوشمېر ولایتونو کې د برښنا پرچاوۍ څخه د اندېښنې په څرګندولو سره وايي چې د ا.ا سرپرست حکومت د برښنا پایو د امنیت خوندیتوب په برخه کې پاتې راغلی دی.
مالیې وزارت نن شنبه په یوې خبرپاڼه کې ویلي چې د ۱۴۰۱ مالي کال بودیجه یې د وزیرانو شورا د مصوبې پر بنسټ او د ا.ا د مشرتابه له تایید وروسته، ترتیب او اعلان کړې ده.
د دغه وزارت د خبرپاڼې له مخې، د سږ کال ملي بودیجه ۲۳۱ میلیارده افغانۍ ټاکل شوې ده. د یاد وزارت د خبرپاڼې پر بنسټ، له دې بودیجې څخه ۲۰۳ میلیارده افغانۍ یې عادي او ۲۷.۹ میلیارده افغانۍ یې پراختیايي بودیجه ده چې له کورنیو عوایدو څخه ترتیب شوې ده.
د بامیان ولایت محلي مسوولان وايي، پرون د شکیلا په نوم یوې پېغلې د دغه ولایت د ورس ولسوالي د «خاک بابه» په کلي کې د خپل کور په اشپزخانه کې ځان ځندۍ کړی دی. په ورته مهال د دایکندي محلي رسنیو راپور ورکړی چې دوه ورځې وړاندې د دغه ولایت د سنګتخت او بندر ولسوالي د «دهن غارک» کلي کې یوه ۲۰کلنه نجلۍ وژل شوې ده.
په لوګر ولایت کې ولسي سرچینې سلاموطندار ته وايي چې بېګاه شپه د دغه ولایت د مرکز پل علم ښار په دوو جلا سیمو کې ناپېژنده وسلهوالو دوه کسان په ډزو وژلي دي.
د بامیان محلي مسوولان وایي چې د بامیان د یکهولنګ نمبر۱ ولسوالي ولسوال مختار احمدي چې شاوخوا ۲۰ ورځې مخکې تښتول شوی و، له بند څخه خوشې شو.
د نړۍ د اوو سترو اقتصادي هېوادونو د بهرنیو چارو وزیرانو د یوې اعلامیې په خپرولو سره د افغان ښځو او نجونو پر حقونو او ازادیو باندې د اسلامي امارت له زیاتیدونکي محدودیت سره په کلکه مخالفت کړی دی.
د ملګرو ملتونو امنیت شورا پرون شپه د افغانستان د بشري وضعیت او په تېره بیا د افغان ښځو پر وړاندې د اسلامي امارت د محدودیتونو د زیاتېدو په هکله غونډه جوړه کړه. په دې غونډه کې د بشري حقونو وضعیت، د افغان ښځو او نجونو د ازادۍ او پر هغوی د نوي سرپرست حکومت لهخوا د تازه لګول شویو محدودیتونو په اړه بحثونه شوي دي.
افغانستان لپاره د ملګرو ملتونو د سرمنشي ځانګړې استازې ډیبورا لاینز د اسلامي امارت له یوشمېر چارواکو سره په خپله کتنه کې په افغانستان کې د ښځو او نجونو د اساسي حقونو د تضمین غوښتنه کړې.
د نیمروز د اطلاعاتو او فرهنګ ریاست مسوولان وايي چې د دغه ولایت د ګمرک عواید لوړ شوي دي.
د امریکا د پوځ لوی درستیز جنرال مارک ميلي پرون د دغه هېواد د استازیو جرګې غونډې ته د خبرو پر مهال په افغانستان کې د ترهګرۍ منسجم کېدو څخه اندېښنه څرګنده کړې ده. نوموړي ویلي چې افغانستان تر خپل څار لاندې لري او که چېرته له دغه هېواد څخه د امریکا پر ضد د ګواښ احساس وکړي، د شنډولو لپاره یې د بریدونو بشپړه وړتیا لري.
د پکتیکا ولایت اوسېدونکي د دغه ولایت په مرکز او یوشمېر ولسوالیو کې د روغتیايي خدمتونو له نشتون څخه شکایت کوي او وايي، دې ولایت کې روغتیايي خدمات په نشت حساب دي.
د مرکز ښرنې، وازېخوا، خوشامند، وړممۍ او ګومل ولسوالیو یوشمېر اوسېدونکو سلاموطندار ته وايي، د روغتیا په برخه کې له پراخو ستونزو سره لاس او ګرېوان دي.
