د اسلامي امارت سرپرست حکومت په دې وروستیو کې د یوه مکتوب په ترڅ کې د بشري حقونو خپلواک کمېسیون، د اساسي قانون پر تطبیق د څار کمېسیون، د ملي مصالحې عالي شورا، د ملي امنیت شورا، د ولسي جرګې او مشرانو جرګې د دارالانشا ریاستونه منحل کړي دي.
واک ته د اسلامي امارت تر رسېدو وروسته، ګنشمېر هېوادوالو کډوالۍ ته مخه کړه او د پاکستان، ایران او ترکیې پر لوري وغوځېدل.
دغو هېوادونو ته له تلو وروسته، اوس افغان کډوال له ګڼو ننګونو او ستونزو سره لاس او ګرېوان دي. افغان کډوال په دغو هېوادونو کې د توکو له لوړې بیې او د کار په بدل کې د لږو پیسو د ورکړې سربېره، د پولیسو له ناوړه چلن څخه شکایت کوي.
د امر بالمعروف او نهې عنالمنکر وزارت په کابل کې د یوناما له کارکوونکو څخه غوښتي چې حجاب مراعت کړي. د بشري حقونو څار سازمان د ښځو د برخې استازې هیدر بار پر خپله ټویټرپاڼه، د دغه سازمان یوه خبرپاڼه خپره کړې چې پهکې د یاد سازمان کارکوونکو ته د اسلامي امارت امر په اړه لیکل شوي دي.
د بامیان د امنیې قومنداني د رسنیو دفتر له لوري په یوې خبرپاڼه کې ویل شوي چې پرون دوشنبه د بندامیر ملي پارک په «ذوالفقار» جهیل کې د یوه سپین ږیري کس جسد موندل شوی چې د ژمي جامې یې اغوستي دي.
د ټولیز امنیت تړون سازمان د غړیو هېوادونو د مشرانو ناسته پرون د روسیې په پلازمېنه مسکو کې جوړه شوه.
د روسیې تاس خبري اژانس راپور ورکړی چې د ټولیز امنیت تړون سازمان د غړیو هېوادونو مشرانو له افغانستان سره د پولو د امنیت په تړاو اندېښنه څرګنده کړې او خپلو پولو کې یې د امنیت پر پیاوړتیا ټينګار کړی دی.
په بدخشان کې محلي سرچینې سلاموطندار ته وايي چې په دغه ولایت کې د غره ښویېدنې له امله څلور کسان مړه شوي دي.
د سرچینې په وینا، دغه پېښه پرون د یاد ولایت د یاوان ولسوالي په «شولر پایان» کلي کې رامنځته شوې ده.
د زابل محلي مسوولان وايي چې د دغه ولایت په «سیوري» ولسوالي کې په یوه څمڅه کې لرغوني ښار ته ورته یو ښار موندلی چې لرغوني تاریخي ودانۍ پهکې لیدل کېږي.
ملګروملتونو په دې وروستیو کې ویلي چې افغانانو سره یې په بشري مرستو کې ۳۰ سلنه کموالی راغلی دی. سره له دې چې دغه سازمان وايي، ۳۸ میلیونه افغانانو سره مرسته کوي، خو د بودیجې کمېدو له امله به دغه کچه ۸ سلنې ته راکمه شي.
په کونړ ولایت کې امنیتي سرچینې وايي چې پاکستاني ملېشو د ډیورنډ فرضي کرښې له هغې غاړې د کونړ پر ناړۍ ولسوالي له تېرو دوو شپو راهیسې سخت راکېټي بریدونه کړي چې د ګڼو مالي زیانونو ترڅنګ یې ځاني زیان هم اړولی دی.
پخواني ولسمشر حامد کرزي ته نږدې سرچینو ځینو رسنیو ته منلې چې کرزي پلان درلود متحده عربی اماراتو ته سفر وکړي او د دغه هېواد د ولسمشر شیخ خلیفه بنزاید ال نهیان په جنازه کې کډون وکړي او د هغه کورنۍ ته د خواخوږۍ مراتب وړاندې کړي، خو ویل کېږي چې د اسلامی امارت چارواکو نوموړي ته له هېواد څخه د وتلواجازه نه ده ورکړې.
په غزني کې د روغتیایي علومو د نیمه لوړو زدهکړو د مرکزونو زدهکړیالان وايي، دغه مرکزونه ډېری شمېر خیالي زدهکړیالان لري چې ټولګیو ته له راتګ پرته هم د فراغت سند ترلاسه کوي.
دغه ١٦ کلنه نجلۍ چې اوس هلک شوی، سلاموطندار ته وايي، کله چې نجلۍ وه، نوم یې شهناز و او د نجونو په ښوونځي کې یې تر دولسم ټولګي پورې زدهکړې کړې دي.
د افغانستان پخواني ولسمشر حامد کرزي ته نیږدې سرچینو یوشمېر رسنیو ته تایید کړې چې د اسلامي امارت چارواکو متحده عربي اماراتو ته د ښاغلي کرزي د سفر مخه نیولې او هغه یې د کابل هوایي ډګر څخه بېرته راګرځولی دی.
نن د مې ۱۵مه د کورنۍ نړیواله ورځ ده. دا ورځ داسې مهال په افغانستان کې لمانځل کېږي چې په هېواد کې د کورنیو وضعیت ورځ تر بلې مخ په خرابېدو دی.
نن یکشنبه د غويي میاشتې ۲۵مه د قابلې له نړیوالې ورځې سره برابره ده. د عامې روغتیا وزارت د دغې ورځې په مناسبت کابل کې یوه خبري ناسته جوړه کړې وه.
په روزګان کې یوشمېر هغه کورنۍ چې د تېرو ناامنیو پرمهال د خپلو سیمو پرېښودو ته اړ شوي او کورونه یې د جګړو په سنګرونو بدل شوي وو، اوس وايي چې له جګړو د پاتې شویو ماینونو د وېرې له امله خپلو مېنو او کورونو ته بېرته نهشي ګرځېدلی.
