باختر دولتي خبري اژانس د نيمروز د امنيې قومنداني د امنيت امر له قوله راپور ورکړی چې نن مازديګر دغه ولايت کې یوه کس د خپلې کورنۍ نهه غړي په مرموز ډول وژلي دي. په راپور کې راغلي چې دغه کس «ويس» نومېږي او د فراه ولايت د قلعه کاه ولسوالي اوسېدونکی دی.
د بېپولې خبریالانو نړیوال سازمان نن د یوې اعلامیې په خپرولو سره ویلي چې افغانستان کې د خبریالانو خپلسري نیول زیات شوي. د بېپولې خبریالانو سازمان خبرپاڼه کې ویل شوي، تراوسه د هېڅ خبریال دوسیه چې د بېلابېلو تورونو له امله نیول شوي، د رسنیو د سرغړونې کمېسیون له لورې نهده ارزول شوې چې دغه اقدام د رسنیو د قانون خلاف دی.
د معلوماتو له مخې په افغانستان کې له وروستي سیاسي بدلون راپدېخوا چې د خلکو اقتصادي وضعیت مخ په خرابېدو ښودل شوی او ګڼشمېر کسانو د خپل ژوند او راتلونکې په اړه ناهیلې شوي، د لاسي صنایعو یوه شرکت کابل کې څه باندې سلو نجونو او هلکانو ته د کار او زدهکړو زمینه برابره کړې ده.
د کډوالو په چارو کې د ملګرو ملتونو د عالي کمېنشري مرستیاله کلي ټي کلمنټز نن له غرمې وروسته په یوه نااعلان شوي سفر کابل ته راغلې ده.نوموړې په دې سفر کې د هغو ټولنیزو ستونزو د هواري ډاډ ورکړی چې دا مهال افغانان ورسره مخ دي.
د علامه فیضاني فرهنګي مرکز نن کابل کې د سړک پر سر د کتابونو نندارتون جوړ کړ. د دغه نندارتون جوړونکي وايي چې بېلابېل ډول کتابونه یې نندارې ته وړاندې کړي او موخه یې په هېواد کې د مطالعې فرهنګ دودل دي.
د لوګر ولایت یوشمېر اوسېدونکو او موټرچلوونکو سلاموطندار ته ویلي چې د کابل – لوګر پر لویه لاره هره ورځ د ډبرو سکرو سلګونه موټر پاکستان ته روان وي چې د موټرو د ډېر وزن او نهکنټرول له امله، د دغې لویې لارې د دویم لین سړک ځینې برخې خرابې شوي او د ویجاړېدو له ګواښ سره مخ دی.
په فاریاب کې محلي سرچینو سلاموطندار ته ویلي چې د دغه ولایت په بلچراغ ولسوالي کې پرون د یوه ۱۱ کلن هلک جسد موندل شوی دی.
په روزګان ولایت کې د دوو کورنیو ترمنځ د شخصي دښمنۍ له امله درې کسان وژل شوي دي.
د کندوز يو شمېر کروندګر په دغه ولايت کې د هندواڼو له ټيټې بيې څخه شکايت کوي او وايي چې د بهرنيو هېوادونو د هندواڼو د واردولو له امله دغه مېوه په ټيټه بيه پلوري. دوی له حکومت څخه غواړي چې په دغه ولایت کې د هندواڼو بیې کنټرول کړي.
افغانستان کې نن د لومړي ځل لپاره د سارک خبریالانو د ټولنې څانګه پرانېستل شوه. دې ټولنې په نورو غړیو هېوادونو کې هم خپلې څانګې جوړې کړي او افغانستان کې هم خپل فعالیت پیل کړ.
د رویسې جمهوررییس ولادیمیر پوتین پرون له خپل ترکمنستاني سیال سردار بردي محمداُف سره په کتنه کې ویلي چې مسکو او شریکان یې لکه چین، هند، امریکا، ایران او پاکستان د افغانستان د زیربناوو بیارغونې ته چمتو دي.
د مخکیني حکومت د ملي مصالحې عالي شورا مشر عبدالله عبدالله هند ته له ۴۳ ورځني سفر وروسته نن سهار بېرته هېواد ته راستون شو. ښاغلی عبدالله داسې مهال هېواد ته راستنېږي چې په دې وروستیو کې له افغان شخصیتونو سره د تماس کمېسیون په هڅو د مخکیني حکومت یوشمېر سیاسي څېرې او چارواکي بېرته هېواد ته راستون شوي دي.
د پکتیا د مستوفیت مسوولان وایي چې د تېر کال په پرتله د دغه ولایت د مستوفیت عواید ۳۰ سلنه لوړ شوي چې یوازې په تېرو درېیو میاشتو کې یې شاوخوا ۳۰ میلیونه افغانۍ عواید راټول کړي دي.
د افغانستان لپاره د اروپايي ټولنې د غړو هېوادونو ځانګړو استازو بروکسل کې د غونډې پرمهال ویلي، اسلامي امارت د بشري حقونو د وضعیت ښهوالي لپاره پر خپلو ژمنو عمل نهدی کړی. دوی د اسلامي امارت پر حکومت نیوکه کړې چې د منسجمو سیاستونو په غوره کولو کې پاتې راغلی دی.
د مخکیني حکومت د ملي مصالحې عالي شورا مشر عبدالله عبدالله هند ته له ۴۳ ورځني سفر وروسته بېرته هېواد ته راستون شو.
د هغه ښه راغلاست لپاره نن (شنبه، د جوزا ۲۱) د کابل هوايي ډګر ته د مشرانو جرګې پخوانی مشر فضلهادي مسلمیار او د اسلامي امارت یوشمېر مشران ورغلي وو.
د هېواد د لوېديځې حوزې د ښځو د سوداګرۍ او صنايعو خونې مسوولان نن د هرات ښار په «٥٠-٥٠» تفريحي پارک کې د «جمعه بازار» په نوم د ښځو د لاسي صنايعو نندارتون پرانستنه وکړه.
