نن د فبرورۍ ۲۱مه ټوله نړۍ کې د مورنۍ ژبې د نړیوالې ورځ په نوم نمانځل کېږي. له دې سره هممهال یوشمېر هېوادوال شکایت کوي چې په خپلې مورنۍ ژبې ورته د زدهکړو زمینه نه ده برابره شوې او وېره لري چې ژبه یې د ورکېدو له ګواښ سره مخ ده.
کابل ښاروالي نن د کابل ښار په کچه د نیالګیو کېنولو یو میاشتنی کمپاین پیل کړ چې پر مټ به د پلازمېنې په بېلابېلو سیمو کې مثمر او غیر مثمر نیالګي کېنول شي.
د ختیځو ولایتونو یوشمېر اوسېدونکي دغه ولایتونو کې د بېکیفیته درملو د پلور په اړه د اندېښنو په څرګندولو سره وايي چې درمل خوري، خو بېاغېزې دي.
د ننګرهار ولایتي روغتون ته يوشمېر راغلي ناروغان وايي، د دغه ولایت په درملتونو کې د درملو کيفیت کم او نرخونه يې خورا لوړ دي.
له افغانستان سره د نړیوالې ټولنې د نغدي مرستو په لړ کې نن سهشنبه د ۴۰ میلیونه ډالرو یوه بله کڅوره کابل ته راورسېده.
د افغانستان بانک نن سهشنبه د کب دویمه پر خپله ټوېټرپاڼه لیکلي چې دغه نغدي مرسته یې یوه خصوصي بانک ته سپارلې ده.
د افغانستان بانک وايي چې سبا چهارشنبه د کب درېیمه، ۱۶میلیونه امریکايي ډالر د لیلام په توګه بازار ته وړاندې کوي.
د افغانستان بانک نن سهشنبه د کب دویمه پر خپله ټوېټرپاڼه لیکلي چې د «افغانۍ» ارزښت ساتنې او ثبات لپاره سبا چهارشنبه «۱۶» میلیونه ډالر لیلام ته وړاندې کوي. د افغانستان بانک ویلي چې د داوطلبۍ ګټونکي باید خپل ټول حسابونه د لیلام د ورځې تر پایه تصفیه کړي.
د مالیې وزارت نن په یوه خبرپاڼه کې لیکلي چې د ۱۴۰۱ مالي کال په یوولس میاشتو کې یې له ګمرکونو ۱۰۰ میلیارډه افغانۍ عواید را ټول کړي دي.
د دغه وزارت په وینا، دا پیسې د افغانستان د ګمرکونو په تاریخ کې بېمخینه دي.
د کابل ښار اړوند د «ګلسرخ» څلور لارې کې د تجوا په نوم کمپ کې یوشمېر بېوزله کورنۍ له خپل ناوړه وضعیت څخه شکایت کوي.
دغه کورنۍ چې شمېر نږدې ۱۵ ته رسېږي، په داسې کورونو کې ژوند کوي چې کوټې یې دروازې او کړکۍ نهلري او نمکناکې دي.
د غزني اوسېدونکي دغه ولایت کې د جنايي پېښو له زیاتېدو شکایت کوي او اسلامي امارت څخه د امنیت د ټینګښت غوښتنه کوي.
بریالی چې د غزني اوسېدونکی دی، سلاموطندار ته وايي چې نږدې یوه میاشت مخکې وسلهوالو غلو یې زوی وژلی دی. نوموړی زیاتوي چې غلو یې د زوی جسد د غزني ښار څخه لرې یوې سیمه کې غورځولی و.
د ماشومانو لپاره د ملګروملتونو ملاتړې ادارې «یونېسف» نن د هېواد په ختیځو ولایتونو، ننګرهار، لغمان، نورستان او کونړ کې د پولیو یا ګوزڼ ضد واکسین درې ورځنی کمپاین پیل کړ. په ورته وخت کې د ختیځو ولایتونو اوسېدونکي خوښ دي چې ماشومانو ته یې د پولیو یا ګوزڼ ضد واکسین ورکول کېږي.
د پاکستان د پنجاب په چکوال ښار کې د یوه واده د ورا موټر د چپهکېدو له امله د ښځو او ماشومانو په ګډون ۱۴ کسان مړه شوي او ۶۴ نور ټپیان دي.
د تورخم کمیسار محمدصدیق خالد وايي چې دغه لاره یکشنبه شپه د سلواغې ۳۰مه د مسافرو او ټرانزیټ پر مخ تړل شوې او پاکستاني لوري سره خبرې روانې دي. د نوموړي په وینا، پاکستاني لوري پر خپلو کړیو ژمنو عمل نه دی کړی او یاده لاره یې د اسلامي امارت د چارواکو له لارښوونو سره سم تړلې ده.
یوشمېر کابل ښاریان ګیله کوي چې بشري مرستې ورته نه رسېږي او پهکار ده چې د دغو مرستو پر ځای، دوی ته د کار اسانتیاوې برابرې شي. د کابل اوسېدونکی نثاراحمد سلاموطندار ته ویلي چې له دوو کلونو راهیسې له وزګارتیا کړېږي او بشري مرستې هم ورته نهدي رسېدلي.
بغلان کې یوې سوداګرې مېرمنې د دغه ولایت په مرکز پلخمري ښار کې هوټل جوړ کړی او له زدهکړو پاتې ۱۰ نجونو ته یې د کار اسانتیاوې برابرې کړې دي.
د هند او انګلستان د کرېکټ ملي لوبډلو په ټسټ لوبو کې خپلو سیالانو ته سختې ماتې ورکړې. هند په خپل کوربهتوب اسټرالیا او انګلستان بیا کوربه نیوزیلنډ له سختې ماتې سره مخ کړ.
لسګونه هغه خبریالان چې د جمهوريت له سقوط وروسته نورو هېوادونو ته د رسېدو لپاره په لنډمهالي توګه ایران کې اوسېږي، له خپل بد وضعیت څخه شکایت کوي. دغه خبریالان چې تېر یوه کال راهیسې ایران کې ژوند کوي وايي، د خبریالانو او د رسنیو هغه ملاتړي بنسټونه چې دوی یې ایران ته د تلو لپاره هڅولي وو، د دوی دوسیو ته رسېدنه نه کوي.
د روزګان مسوولان وايي، تېرو څو ورځو راهیسې يې مرکز ترينکوټ ښار کې لسګونه هغه کسان نيولي چې په پاکستانۍ کلدارې يې راکړه ورکړه کوله.
