د ملګروملتونو د بشري مرستو د همغږۍ اداره (اوچا) وايي چې افغانستان د نړۍ په کچه له سخت ناورین سره مخ دی.
اوچا نن جمعه د کب ۱۹مه پر خپله ټوېټرپاڼه لیکلي چې د افغانستان ۲۸.۳ میلیونه وګړي روان ۲۰۲۳ کال کې اړینو بشري مرستو ته اړتیا لري. دغې ادارې همداراز د افغانستان اقتصادي وضعیت په اړه هم اندېښنه ښودلې ده.
داعش د بلخ د والي محمدداوود مزمل پر دفتر برید چې پهکې نوموړی له دوو نورو کسانو سره یوځای ووژل شو، پر غاړه اخیستی دی. داعش پورې اړوند اعماق خبري اژانس ویلي، د بلخ د والي پر دفتر ځانمرګی برید دوی کړی دی. داعش ویلي، بریدګر عبدالحق الخراساني نومېده او په امنیتي پوستو کې له تلاشۍ وروسته یې ځان د والي دفتر ته رسولی و.
د پروان امنیتي مسوولان وايي چې د دغه ولایت په جبلالسراج ولسوالي کې ناپېژنده وسلهوالو یو کس وژلی دی.
د پروان د امنیې قومنداني ویاند محمدکامران حبیبي د یاد خبر د تایید ترڅنګ سلاموطندار ته ویلي، بېګاه شپه ۸:۳۰ د جبلالسراج ولسوالي اړوند ګلبهار کلي کې د ناپېژنده وسلهوالو لهخوا یو کس وژل شوی دی.
د پکتیکا روغتیايي مسوولان او اوسېدونکي وايي چې د تېرو شلو کلنو پر مهال دغه ولایت له پامه غورځول شوی او د روغتیا، بیارغونې، ښوونې او روزنې او نورو بېلابېلو برخو کې ورته پام نه دی شوی.
د ښځو د پیوستون له نړۍوالې ورځې سره هممهاله د سیمې او نړۍ د ۲۳ هېوادونو او اروپايي ټولنې د بهرنیو چارو وزیرانو په یوه ګډه خبرپاڼه کې چې د امریکا د بهرنیو چارو وزارت له لوري خپره شوې، له ا.ا څخه پهکې غوښتنه شوې چې افغانستان کې پر ښځو لګېدلي بندیزونه پای ته ورسوي.
د بلخ امنیتي مسوولان وايي چې نن پنجشنبه د کب ۱۸مه د یوه ځانمرګي برید پر مهال د یاد ولایت والي «محمدداوود مزمل» وژل شوی دی.
د بلخ د امنیې قومنداني ویاند محمداصف وزیري وايي، چاودنه نن له غرمې مخکې د ولایت مقام کې دننه رامنځته شوې او د یاد ولایت والي وژل شوی دی. تراوسه کوم چا یا ډلې د یادې چاودنې مسوولیت نه دی منلی.
د افغانستان بانک وايي، راتلونکې شنبه د کب ۲۰مه «۱۵» میلیونه ډالر د لیلام په توګه بازار ته وړاندې کوي.
دغه بانک نن پنجشنبه د کب ۱۸مه پر خپله ټوېټرپاڼه لیکلي، د «افغانۍ» ارزښت ساتنې او ثبات لپاره به راتلونکې شنبه «۱۵» میلیونه ډالر لیلام کړي. د افغانستان بانک ویلي، د داوطلبۍ ګټونکي باید خپل حسابونه د لیلام د ورځې تر پایه تصفیه کړي.
که څه هم افغان ښځو په تېر یوه کال کې له محدودیتونو کړېدې، خو یوشمېر ښځو بیا هم د هوټلونو، خیاطیو او وطني تولیداتو او لاسي صنایعو د نندارتونونو په جوړولو سره هڅه وکړه چې هم ځان او هم نورو ښځو ته د کاروبار اسانتیاوې برابرې کړي.
په افغانستان کې د ملګرو ملتونو ځانګړې استازولۍ یا یوناما د مارچ اتمې په مناسبت یوه پیغام کې له ا.ا څخه غوښتي چې ژرترژره پر افغان نجونو او ښځو لګېدلي محدودیتونه لرې کړي.
سږ کال د ښځو د پیوستون نړیواله ورځ داسې مهال راورسېده چې افغان ښځې د زدهکړو او کار په ګډون، خپلو بنسټیزو حقونو ته چې نړیواله ټولنه یې د اسلامي امارت په رسمیت پېژندو لپاره مهم شرطونه بولي، لاسرسی نهلري.
پر افغانستان د اسلامي امارت له بیا ځل واکمنۍ سره هېواد کې له شپږم ټولګي د پورته نجونو پر زدهکړو بندیز ولګېد او پوهنې وزارت د روان هجري لمریز کال د وري میاشتې په درېیمه اعلان وکړ چې تر بل امر دې نجونې ښوونځیو ته نه ځي.
له افغانستان سره د نړیوالې ټولنې د نغدي مرستو په لړ کې نن چهارشنبه د ۴۰ میلیونه ډالرو یوه بله کڅوره کابل ته راورسېده.
په کابل ښار کې یوشمېر هغه سوالګرې چې د حکومت له لوري څو میاشتې وړاندې ثبت او بایومټریک شوي، سلاموطندار ته وايي چې تراوسه ورسره مرسته نه ده شوې.
د مارچ اتمه د ښځو د یووالي نړیوالې ورځې له رسېدو سره هممهاله لا هم هېواد کې مېرمنې او نجونې له خپلو لومړنیو حقوقو په ځانګړې توګه له زدهکړو او کار محرومې دي.
واک ته د اسلامي امارت تر رسېدو وروسته له شپږم ټولګي پورته د نجونو پر مخ ښوونځي تړل شوي، خو د یونیم کال په تېرېدو یې دروازې هماغسې بندې دي.
د افغانستان کرېکټ بورډ نن په یوې خبري ناسته کې د پاکستان د کرېکټ ملي لوبډلې پر وړاندې لوبېدو ته د چمتووالي په موخه د ملي لوبډلې د تمریناتي کمپ د لوبغاړو نوملړ اعلان کړ.
د افغانستان کرېکټ بورډ نن چهارشنبه د کب ۱۷مه پر خپله فېسبوکپاڼه د بنګلدېش او سریلانکا د ۱۹کلونو کرېکټ ملي لوبډلو پر وړاندې د لوبو لپاره د ۱۹کلنې ملي لوبډلې د لوبغاړو نوملړ اعلان کړ.
