د ولسمشر لومړی مرستيال امرالله صالح وايي، د ميدان وردکو په بهسود ولسوالۍ کې د چورلکې غورځېدو پېښه کې د ۵ امنیتي ځواکونو او د پیلوټ په ګډون د ۴ کارکوونکيو وژل يو ښکاره جنايت دی او د دغه جنايت عاملانو ته بايد سزا ورکړل شي.
صالح وايي، په هغه شپه بهسود ولسوالۍ کې د هېڅ چا پروړاندې عملیات نه وو پلان شوي چې د نامسووله وسلهوال د عليپور د ملېشو له لوري چورلکه وويشتل…
د بهرنیو چارو وزارت وايي، محمد حنيف اتمر نن د افغان سولې لپاره د سیمهییزې او نړیوالې اجماع پياوړي کولو په موخه هند ته لاړ.
له ياد وزارته په خپره شوې خبرپاڼه کې راغلي، دغه سفر کې به د افغان سولې په اړه او همداراز د دوه اړخیزو اړیکو او له ترهګرۍ سره د ګډې مبارزې د همکاریو د پراختیا په موخه هم خبرې وشي.
د کورنیو چارو وزارت وايي چې طالبانو د ۱۳۹۹ کال په اوږدو کې نږدې ۲ زره ملکیان وژلي او ۴ زره او ۱۷۴ نور یې ټپیان کړي دي.
د کورنیو چارو وزارت ویاند طارق ارین پر خپل ټویټر لیکلي چې یاد شمېر ملکیان د طالبانو په ۹۲ ځانمرګو بریدونو، ۲ زره او ۱۷۴ ماین چاودنو او له ۵۰۰ په ډېرو هدفي ترورونو کې وژل شوي او ټپیان دي.
د ملي امنیت عمومي رییس احمد ضیا سراج نن په يوه خبري ناسته کې د خبرو پر مهال د طالبانو له لوري د بريدونو د نوې کړنلارې خبر ورکړ. نوموړي وويل، طالبانو دا ګام وروسته له هغه اخيستی چې په دې وروستيو کې يې ګڼ شمېر کسان چې د هدفي وژنو عاملان و، ونيول شول.
ولسمشر محمد اشرف غني وايي، د میدان وردګو ولایت په بهسودو ولسوالۍ کې د وروستۍ پېښې د قربانیانو غچ به له عاملانو اخلي. دغه څرګندونې درې ورځې وروسته له هغه وشوې چې یوه پوځي الوتکه د میدان وردګو ولایت په بهسودو ولسوالۍ کې رانسکوره شوه.
له ارګه په خپره شوې خبرپاڼه کې راغلي، ولسمشر غني نن شنبه د یادې پېښې د قربانیانو له وارثینو…
طالبانو تر خپلو کنټرول لاندې سيمو کې هغو قراردادي روغتيايي بنسټونو ته خبرداری ورکړی، که چېرې خپل مسووليتونه په سمه توګه ترسره نهکړي، فعاليتونه به يې وځنډوي.
وسلهوالو طالبانو په يوه خپره شوې اعلاميه کې ويلي، سره له دې چې يو شمېر قراردادي روغتيايي بنسټونه له اړوندو بنسټونو پوره بوديجه ترلاسه کړې؛ خو له کاره يې اوږې سپکې کړي او د مسووليتونو په ترسره کولو کې يې ناغېړي کړې.
یوه امنیتي سرچینه چې نه غواړي نوم یې خپور شي سلاموطندار ته وايي، شاوخوا ۱۱ سوه امنیتي ځواکونه، چې د پولیسو ځانګړې قطعه، کومانډو، د پوځ سرتیري او پولیس په کې دي، بامیانو کې د ولسي مقاومت قومندان عبدالغني عليپور ځپلو لپاره د چمتوالي په حال کې دي.
د ملي مصالحې عالي شورا مشر عبدالله عبدالله کورنیو چارو وزارت څخه د مسعود انداربي ګوښه کېدو سره مخالفت کړی او دغه پریکړه یې عجولانه بللې.
د ملي مصالحې عالي شورا د شنبې په ورځ (حوت یا کب میاشتې په ۳۰مه) یوه اعلامیه کې ویلي، مسعود اندرابي له مشورې او موجه دلایلو پرته او د سیاسي هوکړې خلاف له دندې ګوښه شوی.
د هېواد د بهرنیو چارو وزارت د مسکو له ناستې خپره شوې اعلامیه د سولې مذاکراتو پر لور د جدي ګام بللی او هرکلی يې کړی دی.
مسکو کې د امریکا، روسیې، چین او پاکستان په ګډون د ترویکا ناستې له اعلامیې چې په کې د اسلامي امارت له راتګ سره مخالفت شوی، هرکلی کړی دی او له طالبانو يې غوښتي چې پسرلنۍ جګړې پيل نهکړي.
د ملي امنيت شورا دفتر وايي، د جمهور ریس محمد اشرف غني د بېلابېلو حكمونو پر بنسټ د کندهار پخوانی والي حیات الله حیات د کورنیو چارو وزارت سرپرست او د سيمهييزو ارګانونو د خپلواکې ادارې مرستيال ايوب سالنګي د ياد وزارت د لومړي مرستيال په توګه ټاکلي دي.
له ملي امنيت شورا په خپره شوې خبرپاڼه کې راغلي، دغه ګومارنې د امنیتي…
فارياب کې محلي سرچينې وايي، طالبانو گرزیوان ولسوالۍ کې تېره شپه د يوې مور او لور او د دوه وروڼو په ګډون ۵ کسان وژلي دي.
يوه سرچينه چې نه غواړي نوم يې خپور شي سلاموطندار ته وايي، طالبانو د پنجشنبې په شپه د ګرزيوان ولسوالۍ «سرچکان» سيمه کې دوه وروڼه چې ملکيان دي، په يوه باغ کې وژلي دي.
نړیوال بانک وايي، له کورونا ويروس سره د مبارزې او روغتیايي خدمتونو ته د خلکو د چټک او مساوي لاس رسي برخه کې له افغانستان سره د ۱۱۳ میلیونه ډالرو مرسته کوي چې له مخې به يې د افغانستان تر ۱۷ سلنه زیات خلک د کورونا واکسین ترلاسه کړي.
له نړيوال بانکه په خپره شوې خبرپاڼه کې راغلي چې نن د نړیوال بانک مدیره هيات د نړیوالې پراختیایي ادارې…
د ملي دفاع وزارت په یوه خبرپاڼه کې لیکلي چې د هوايي ځواک د ۷۷۷ لوا اړوند یوه مې-۱۷ ډوله چورلکه بېګاه د میدان وردګ ولایت په بهسود ولسوالي کې لوېدلې ده.
د کابل امنیه قومانداني وايي چې کابل ښار کې د ملکي کارکوونکو پر یوه کاسټر موټر شوې چاودنه کې ۴ کسان وژل شوي او ۱۱ نور ټپیان دي.
دا چاودنه سهار شاوخوا ۷:۲۰ دقیقې د ۱۷مې امنیتي حوزې اړوند د خیرخانې کوتل په سیمه کې شوې ده.
په افغانستان کې مېشت امریکايي ځواکونه وايي چې په تېرو ۴۸ ساعتونو کې یې د افغان امنیتي او دفاعي ځواکونو په ملاتړ په کندهار کې د طالبانو سنګرونه په نښه کړي دي.
په افغانستان کې د امریکايي ځواکونو ویاند ساني لګېټ نن په یوه ټویټ کې لیکلي چې ځواکونو یې دغه بریدونه د کندهار ښار تر څنګ، په ژېړۍ او سپین بولدک ولسوالیو کې کړي دي.
په بغلان کې باوري امنیتي سرچینو سلاموطندار ته ویلي چې طالبانو د بغلان ښار د دویمې امنیتي حوزې اړوند په «جلازيي» سیمه کې د بغلان پوهنتون د کرنې پوهنځي د استادانو او زدهکړیالانو پر موټر برید کړی دی.
د سرچینو په وینا، په دغه برید کې موټرچلوونکی وژل شوی او ۴ استادان ټپیان شوي دي. خو د بغلان ولایتي روغتون ډاکټران وايي چې د موټرچلوونکي او یوه زدهکړیال جسدونه ور وړل شوي دي.
د سلاموطندار په اړه
نشراتي سیاست او مسلکي اصول
د خصوصي حریم سیاست
له موږ سره اړیکه
کارموندنه
د معلوماتو او سندونو لېږل
له موږ سره د همکارۍ شرایط
شکایت
راډیويي خپرونې
فلم او تصویر
آر اس اس
په خبرپاڼه کې ګډون
