د کورنيو چارو وزارت وايي چې غور ولايت کې موټربم چاودنې ۱۲ کسان وژلي او ۱۰۰ نور يې ټپيان کړي.
د ياد وزارت وياند طارق ارین وايي، دغه چاودنه نن مخکې له غرمې شاوخوا ۱۱:۰۰ بجې د غور ولايت د ښځو چارو رياست او شهيدانو او معلولانو چارو رياست مخکې، د امنيې قومندانۍ قراول سره نږدې شوې ده.
د نوموړي په وينا، په دې پېښه کې ۱۲ ملکيان وژل شوي او ۱۰۰ نور ټپيان دي.
د غور ولايت د عامې روغتیا سرپرست عبدالطیف رحیمي سلامطندار ته وايي، تر اوسه پورې د چاودنې له سيمې ۱۳ جسدونه او ۱۰۵ ټپيان ور وړل شوي. د رحيمي په وينا، په قربانيانو کې ښځې او ماشومان هم شامل دي.
د غور د عامې روغتیا سرپرست زياتوي، ښايي د مرګژوبلې شمېرو کې بدلون راشي.
تر اوسه پورې د بريد مسووليت کومې وسلهوالې ډلې پر غاړه نه دی اخيستی.
