د ننګرهار چارواکي وايي، نن غرمه شل باندې دولس بجې د دغه ولایت د شینوارو ولسوالي د مقام مخې ته موټربم برید شوی چې تر اوسه پهکې د ۱۵ کسانو د وژل کېدو او ۳۲ نورو د ټپي کېدو خبر ورکړل شوی دی.
د ننګرهار د والي ویاند عطاالله خوږیاڼي سلاموطندار ته وویل، د موټربم تر څنګ، یوشمېر بریدګرو هم غوښتل چې د یادې ولسوالي ودانۍ ته ننوځي، خو په وینا یې، ټول د امنیتي ځواکونو له لوري وژل شوي دي.
د نوموړي په وینا، د برید له کبله د اوښتې مرګژوبلې شمېرې ښايي بدلون وکړي.
د سیمې یوه اوسېدونکي حبیبالدین سلاموطندار ته ویلي، له موټربم برید وروسته ګڼشمېر ټپيان او جسدونه ځایي روغتون ته وړل شوي دي.
تر اوسه د دغه برید مسوولیت کومې وسلهوالې ډلې نه دی منلی.