د ولسمشر لومړي مرستیال امرالله صالح نن چهارشنبه پر خپله ټوېټرپاڼه ليکلي، په پخواني خبریال یما سیاوش د برید په تړاو کابل کې یوه ۱۱ کسیزه ډله نیول شوې ده.
صالح لیکلي، د کابل پولیسو د دغې ډلې د ماینونو یوه زېرمه هم کشف کړې او نیول شوي کسان د طالبانو غړي دي چې مخامخ د یما سیاوش په وژلو کې ښکېل دي.
د نوموړي په وینا، دغې ۱۱ کسیزې ډلې کابل ښار کې زیات بریدونه پلان او ترسره کړي.
۱/۲: It all started with a tip from an informant & enabled Kabul Police Dpt to identify, locate & apprehend an 11 member Talib terror cell responsible for numerous bombings including murder of iconic Yama Siawash on Nov 7. Dozens of sticky bombs & IED found in their caches. pic.twitter.com/5KIWrAzopL
— Amrullah Saleh (@AmrullahSaleh2) April 7, 2021
امرالله صالح د رسنیو، بشري حقونو سازمانونو، مدني ټولنې او د خبریالانو د دفاع بنسټونو له استازو غوښتي چې نیول شوو کسانو سره مخامخ مرکې وکړي او خلک د طالبانو له پلانونو خبر کړي.
طالبانو تر دې وړاندې هدفي وژنو په ځانګړي ډول پر خبریالانو بریدونو کې لاس لرل رد کړي.
د ټلویزیوني خپرونو پر پخواني وړاندې کوونکي یما سیاوش د ۲۰۲۰ کال د نومبر په اوومه کابل ښار کې دفتر ته د تللو پر مهال له خپل یو همکار او موټرچلوونکي سره ماین چاودنه کې ووژل شو.
