د فاریاب امنیتي مسوولان وايي چې دغه ولایت کې یوه ځوان ځانوژنه کړې ده. دغه پېښه پرون جمعه د لیندۍ ۲۵مه د فاریاب قیصار ولسوالي اړوند «میدانک» کلي کې رامنځته شوې ده.
د فاریاب د امنیې قومنداني ویاند حمیدالله بتشکن سلاموطندار ته وايي، دغه ځوان عبدالله نومېده چې ځان یې زندۍ کړی او ژوند ته یې د پای ټکی اېښی دی.
د بتشکن په وینا، دغه ځوان د کورني تاوتریخوالي له کبله ځانوژنه کړې ده.
سلاموطندار پر ټویټر هم وڅارئ
دا په داسې مهال دی چې دې وروستیو کې فاریاب کې د ځانوژنې پېښې زیاتې شوې دي. د یادو پېښو لاملونه بېوزلي او کورنی تاوتریخوالی ښودل شوی دی.
