جوزجان کې د نجونو او هلکانو لپاره د وړیا زدهکړو لومړنی ښوونیز مرکز نن د یو لړ مراسمو په ترڅ کې پرانستل شو. دغه ښوونیز مرکز چې ۲۵۰۰۰ ټوکه کتابونه لري، په بېلابېلو ټایمونو کې ۱۰۰۰ نجونو او هلکانو ته پهکې زدهکړې ورکول کېږي.
د جوزجان د پوهنې رییس محمدطاهر جواد د یاد ولایت د اطلاعاتو او فرهنګ ریاست له لوري د دې مرکز له پرانستلو هرکلی کوي او وايي چې د دغه ښوونیز مرکز په پرانستل کېدو سره، ګڼشمېر تنکي ځوانان او ځوانان زدهکړه وویني.
سلاموطندار پر ټویټر هم وڅارئ
د جوزجان د پوهنې رییس په وینا، له دې وړاندې د یاد ولایت ځوانان د مالي امکاناتو د نهشتون له امله له زدهکړو بېبرخې وو او د دې ښوونیز مرکز په پرانستلو سره اوس د ځوانانو دا ستونزه حل او ناهیلي یې له منځه تللی شي.
په همدې حال کې د جوزجان ولایت د مقام اداري او مالي رییس ذبیحالله حسیني ټینګار کوي چې اسلامي امارت د هېواد ځوانانو د روزنې او دوی ته د ښوونیزو فرصتونو برابرولو لپاره مهمې طرحې او پلانونه لري چې یو په بل پسې یې پلي کوي.
یوشمېر هغه ځوانان چې دغه ښوونیز مرکز ته د نوملیکنې لپاره راغلي، وايي چې له دې وړاندې یې ښوونیز مرکزونو کې د زدهکړو لپاره مالي توان نه درلود او د یاد مرکز پرانستلو دوی بېرته دې ته هڅولي چې د نوي علوم زدهکړي.
د سلاموطندار پښتو فېسبوکپاڼه وڅارئ
په ورته مهال دغه ځوانان د یاد ښوونیز مرکز له پرانستل کېدو هرکلی کوي او هغه د خپلې راتلونکي لپاره مهم او اغېزمن ګام بولي.
