په غور کې سرچینې وايي چې ناپېژنده وسلهوالو له یوې اوونۍ راهیسې د دغه ولایت په مرکز فېروزکوه کې او د لعلوسرجنګل-فېروزکوه پر لویې لارې درې کسان چې هزاره وو، وژلي دي.
په دغو کسانو کې یو هم خادمحسین و د لعلوسرجنګل ولسوالي د ګرماب سیمې اوسېدونکی دی او پرون مازدیګر په «پشته ګاومورک» سیمه کې کور ته د تلو پر مهال وژل شوی دی. خادمحسین ځوان و او یو کال مخکې یې واده کړی و.
د سلاموطندار پښتو فېسبوکپاڼه وڅارئ
دوه شپې وړاندې پر همدې لاره یو کس چې د میدان وردګ ولایت د بهسودو ولسوالي اوسېدونکی و، د ناپېژنده کسانو له لوري وژل شوی دی.
ناپېژنده وسلهوالو له دې پېښې شاوخوا درې ورځې وړاندې یو بل هزاره هم په فېروزکوه ښار کې وژلی دی. دغه کس د ډبرو سکاره او لیلامي پلورل. په غور کې د اسلامي امارت مسوولان دا پېښې په داعش ډلې پورې تړي.
تر اوسه د دغو پېښو مسوولیت کوم چا یا ډلې پر غاړه نه دی اخیستی.
