د امریکا د بهرنیو چارو وزارت په یوې خبرپاڼه کې ویلي چې د افغانستان لپاره د دغه هېواد ځانګړی استازی توماس وېسټ پاکستان، المان او سویس ته سفر کوي.
د امریکا د بهرنیو چارو وزارت په خبرپاڼه کې راغلي چې دغه سفر د جنورۍ ۲۹مې نېټې څخه پیل شوی او د فبرورۍ تر څلورمې به دوام ولري.
د سلاموطندار پښتو فېسبوکپاڼه وڅارئ
په ورته مهال خبرپاڼه کې ویل شوي چې د افغانستان لپاره د امریکا ځانګړی استازی به دې سفیر کې خپلو شریکانو، افغانانو او مرستندویه سازمانونو سره د ګډو ګټو په اړه خبرې او مشورې وکړي.
په خبرپاڼه کې راغلي: «د اسلامي امارت وروستیو پرېکړو نړیواله ټولنه له ننګونو سره مخ کړې ده، ځکه موږ د افغانانو څخه د ملاتړ او خپلو ګټو د خوندیتوب په لټه کې یوو.»
سلاموطندار پر ټوېټرپاڼه هم وڅارئ
بلخوا د خبرپاڼې پر بنسټ، د افغانستان لپاره د امریکا ځانګړی استازی به د افغان نجونو او مېرمنو د حقونو ورکړې برخه کې خپلو حیاتي مرستو ته دوام ورکړي.
