Asset 1SWN

د کرونا دويمه څپه؛ هرات کې ۱۵ ورځو کې ۸۲ کسان مړه شوي

Corona-5-ozgt0r5o3wri7brw5ehi5jssu8by06gogwxpkf3vyg

 

د عامې روغتیا وزارت ورځنۍ شمېرې ښيي چې د کرونا ویروس د دويمې څپې پرمهال د مړینې کچه ورځ په ورځ لوړېږي. د همدې شمېرو پر بنسټ په تېرو ۱۵ ورځو کې ۸۲ کسان مړه شوي دي.

د هرات د عامې روغتیا رياست ویاند محمد رفیق شېرزی د مړینې د لوړېدو په تایید سره وايي، که خلک روغتیايي لارښوونې عملي نه کړي نو له يوې خوا به د مړينې کچه ډېره شي او له بلې خوا به يې کنټرول د عامې روغتیا وزارت او ان د حکومت له واکه ووځي.

شېرزی د کرونا دويمه څپه د اولې په پرتله خطرناکه بولي او زیاتوي چې ډېری د مړینې پېښې مثبتې وي چې د کووېډ ۱۹ روغتونونو کې مړه شوي دي.

دا په داسې حال کې ده چې د عامي روغتیا وزارت په تېرو ۲۴ ساعتونو کې د ثبت شويو کرونايي پېښو په اړه ویلي چې ۱۰ کسان مړه شوي او ۲۶۰ نور په کرونا ویروس اخته شوي دي.

د عامې روغتیا وزارت د ویاند مرستیاله معصومه جعفري سلام‌وطندار ته وايي چې د یادو ۱۰ کسانو مړینې سره په هېواد کې د کرونا له کبله د ټولو مړو شويو کسانو شمېر ۱۸۷۵ ته ورسېده.

د عامې روغتیا وزارت لاهم د روغتیايي لارښوونو پر عملي کولو ټینګار کوي او زیاتوي چې د ماسک کارول او د لاسونو پرېمينځل باید حتمي وګڼل شي. ياد وزارت له خلکو غواړي چې د خپل ځان او کورنۍ لپاره یادې روغتیايي لارښوونې مراعت کړي.

مرتبط با این خبر:

به اشتراک بگذارید:
به اشتراک گذاری بر روی facebook
به اشتراک گذاری بر روی twitter
به اشتراک گذاری بر روی telegram
به اشتراک گذاری بر روی whatsapp
به اشتراک گذاری بر روی email
به اشتراک گذاری بر روی print
اخبار و تحلیل‌های مرتبط

اخبار و گزارش‌های سلام وطن‌دار را از شبکه‌های اجتماعی دنبال کنید:

فیسبوک

توییتر

تلگرام