Asset 1SWN

د کرونا دويمه څپه؛ روغتونونو ته د مراجعه کوونکيو شمېر کې ۱۰ سلنه زیاتوالی راغلی

115547048__111697884_3e7855a0-5443-4d4f-99e9-0fd7312b51cb-oylj13tl4cichve7p3w9iiy74w5nrzredca54egck4

 

د عامې روغتیا نوماند وزیر احمد جواد عثماني نن په کابل کې د خبري ناستې پرمهال د کرونا ویروس اړوند تازه معلومات خپاره کړل او ويې ویل، هېواد کې د کرونا ویروس دویمه څپه خپره شوې او له کبله یې روغتونونو ته د مراجعه کوونکيو کسانو شمېر کې ۱۰ سلنه زیاتوالی راغلی دی.

د نوموړي په وينا، په دولتي او خصوصي روغتونو کې د کرونا د مثبتو پېښو شمېر هم ۵ سلنه لوړ شوی دی.

د عثماني په خبره، د افغان دولت کابینې پرېکړه کړې چې د واده هوټلونه د لیندۍ میاشتې تر پایه وتړل شي. نوموړي د خپلو خبرو په دوام دغه راز وویل چې د کرونا ویروس د مثبتو پېښو شمېر چې له دې وړاندې ۱۰ تر ۱۵ سلنو وو، اوسمهال ۲۹ سلنو ته پورته شوی دی.

د عامې روغتیا سرپرست دغه راز وویل چې که څه هم ښايي ښارونه په بشپړه توګه قرنطین نه‌شي؛ خو پرېکړه شوې چې د ګرځبندیز، ماسک اغوستلو او بېرو بار ځایونو ته د ورتګ منع کولو په شان یو شمېر محدودیتونه ولګول شي.

د احمد جواد عثماني په خبره، د کرونا ویروس واکسین به د ۲۰۲۱ کل په نیمايي کې هېواد ته وارد شي او د همدې کال تر پایه به د هېواد ۲۰ سلنه خلکو ته واکسین ورکړل شي.

دا په داسې حال کې ده چې د هوا له سړېدو راهیسې د کرونا ویروس د مثبتو پېښو شمېر په لوړېدو دی. د دې وزارت د وياند مرستیال نورالله تره‌کی وايي، په تېرو ۲۴ ساعتونو کې ۱۲۰۰ کسانو د کرونا ویروس په شک معاینه شوي چې له ډلې یې د ۲۴۳ کسانو پایلې مثبتې راوتلې دي.

د عامې روغتیا وزارت له معلوماتو ښکاري چې د کرونا دغه مثبتې پېښې کابل، کندهار، بلخ، ننګرهار، بغلان، پروان، نیمروز، لوګر، هلمند او جوزجان ولایتونو کې ثبت شوې دي. له دې مثبتو پېښو سره هېواد کې په کرونا ویروس د اخته کسانو شمېر ۴۳ زره او ۹۲۴ ته ورسېد.

مرتبط با این خبر:

به اشتراک بگذارید:
به اشتراک گذاری بر روی facebook
به اشتراک گذاری بر روی twitter
به اشتراک گذاری بر روی telegram
به اشتراک گذاری بر روی whatsapp
به اشتراک گذاری بر روی email
به اشتراک گذاری بر روی print
اخبار و تحلیل‌های مرتبط

اخبار و گزارش‌های سلام وطن‌دار را از شبکه‌های اجتماعی دنبال کنید:

فیسبوک

توییتر

تلگرام