کابل کې د روسیې سفارت نن په یوه خبرپاڼه کې لیکلي چې د کونسلۍ او د نویو ویزو د ورکړې خدمتونه یې درولي دي. د روسیې سفارت له خلکو غوښتي، څو تر بلې خبرتیا پورې د دغه سفارت د کونسلۍ څانګې ته ور نهشي.
په خبرپاڼه کې لیکل شوي: «موږ اوس د هغو ویزو د ورکړې پر غوراویو او نورو سندونو کار کوو چې تر دې مخکې منل شوي دي.»
د خبرپاڼې له مخې، د لنډ مهال لپاره هېڅ ډول غوښتنه نه مني او نه یوازې د کونسلۍ خدمتونه په ټپه ولاړ دي، بلکې نوې ویزې هم نه ورکول کېږي.
د تېرې اوونۍ د دوشنبې په سهار شاوخوا یوولس بجو کابل کې د روسیې سفارت مخې ته ځانمرګی برید وشو.
په دغه برید کې چې مسوولیت یې داعش وسلهوالې ډلې پر غاړه واخیست، د دوو روسي ډیپلوماټانو په ګډون، شپږ کسان ووژل شول او لس نور ټپیان شول.
