وروسته له هغې چې طالبانو د پنجشېر ولایت د نیولو ادعا وکړه، د ملي مقاومت جبهې قومندان احمد مسعود په یوه غږیز پیغام کې له خلکو غوښتنه کړې چې د طالبانو پر وړاندې دې «عمومي پاڅون» پیل کړي. وموړي همداراز په خپل ټویټرپاڼه کې لیکلي چې پنجشېر کې دی او مقاومت یې دوام لري.
کابل ته د پاکستان د استخباراتو یا ایاېسای د رییس فیض حمید راتګ پر ټولنیزو رسنیو د افغانان ګڼ غبرګونونه راوپارول. نن هم ځینو رسنیو داسې راپورونه خپاره کړي چې پر بنسټ یې، پاکستاني ځواکونو بېګاه د نوموړي له سفر وروسته پر پنجشېر د طالبانو په ملاتړ بریدونه کړي دي.
د مقاومت جبهې ویاند فهیم دشتي او د احمد مسعود سکرټر عبدالودود ذره بېګاه د طالبانو په برید کې ووژل شول. په همدې حال کې سرچینې پر پنجشېر د پاکستان د بېپیلوټه الوتکو د بمبار خبر ورکوي. شنونکي بیا باور لري چې د پاکستان د استخباراتو رییس د پنجشېر جګړې په مدیریت کې رول درلود او د پاکستاني ځواکونو موجودیت د جګړې لوری بدل کړ.
په پنجشېر کې د طالبانو ضد د مقاومت جبهې ویاند او د افغانستان د خبریالانو د ټولنې رییس فهیم دشتي بېګاه شپه پر پنجشېر د طالبانو په یوه برید کې وژل شوی دی.
د پنجشېر د مقاومت جبهې ویاند فهیم دشتي وايي، له څلورو ورځو راهیسې د دغه ولایت په دوو جبهو کې جګړه پیل شوې چې له کبله یې له ۳۵۰ ډېر طالبان وژل شوي دي.
د نوموړي په وینا، په یادو نښتو کې ۲۸۷ طالبان ټپیان شوي او ۳۵ نور یې د دوی لاس ته ورغلي دي.
د طالبانو د رهبرۍ غړی امیرخان متقي نن په یوه خپور کړي غږیز پیغام کې ویلي چې پنجشېر کې د مقاومت جبهې مشرانو سره خبرې بېپایلې پای ته رسېدلي دي.
د پنجشېر ولایت په مقاومت جبهه کې ځينې سرچینې وایي چې پر دغه ولایت د طالبانو برید پر شا تمبول شوی او د دغې ډلې برید کوونکو ته مرګژوبله هم اوښتې ده.
طالبانو او په بنجشېر ولایت کې د دغې ډلې پر وړاندې د جوړې شوې مقاومت جبهې په سولهییز حل لار ټينګار کړی او ویلي یې دي چې د دواړو پلاویو ترمنځ خبرې روانې دي.
د پنجشېر د عنابه ولسوالي د تاواخ سیمې اوسېدونکو سلاموطندار ته ویلي چې د نامسووله وسلهوالو د یوې ډلې مشر حمید خراساني بېګاه په یاده سیمه کې د ولسي پاڅونوالو پر پوسته برید کړی دی.
دوی وايي، حمید خراساني داسې مهال پر ولسي پاڅونوالو برید کړی چې د طالبانو بیرغ ورسره و.
وروسته له هغې چې تېره اوونۍ د پنجشېر ولایت اړوند د حصه اول ولسوالي په «پیشغور» کلي کې پراخ سېلابونه راووتل، یوې سرچینې دغه سېلابونه د طبیعي یخچالونو له امله یاد کړل، اوس د اوبو د چارو تنظیم ملي ادارې د «پیشغور» کلي لوړو څوکو ته د څېړنې لپاره یو ټیم استولی دی.
یوشمېر جهادي مشران په هېواد کې د طالبانو له بریدونو زیاتېدو او د یوشمېر ولسوالیو له لاسه وتلو سره سم له طالبانو سره د مبارزې په موخه د خلکو د درېدو غوښتنه کړې او په تړاو یې په پروان کې له درې ورځو راهیسې پرلهپسې غونډې شوې دي.
د پنجشېر ولایت محلي چارواکي وایي، په هېواد کې د کورونا د درېیمې څپې له پراخېدو سره هممهاله دغه ولایت ته د خلکو پر تګ یې بندیز لګولی دی. د پنجشېر د والي ویاند محمد منصور عنابي سلاموطندار ته ویلي چې دغه تصمیم یې د پنجشېر ولایت د نظامي شورا د پرېکړې پر اساس نیولی، څو په دغه ولایت کې د کورونا د پراخېدو مخ ونیول شي.
د سلاموطندار په اړه
نشراتي سیاست او مسلکي اصول
د خصوصي حریم سیاست
له موږ سره اړیکه
کارموندنه
د معلوماتو او سندونو لېږل
له موږ سره د همکارۍ شرایط
شکایت
راډیويي خپرونې
فلم او تصویر
آر اس اس
په خبرپاڼه کې ګډون
