د کاپیسا په مرکز محمودراقي ښار کې یوې ټرافیکي پېښې د یوه کس ژوند اخیستی او څلور نور یې ژوبل کړي دي. د کاپیسا د امنیې قومانداني ویاند عبدالفتاح فایز وايي، یاده پېښه نن سهار (د تلې ۱۳مه، جمعه) د محمودراقي ښار اړوند په شوخي سیمه کې د دوو سراچه ډوله موټرو د ټکر له امله شوې ده.
د غزني امنیتي مسوولان وايي چې په دغه ولایت کې یوې ټرافیکي پېښې د دوو کسانو ژوند اخیستی دی. دا پېښه پرون (د وږي پنځلسمه، پنجشنبه) د غزني د مرکز اړوند د روضې کوتل سره شوې ده. د غزني د امنیې قومانداني ویاند خالد سرحدي سلاموطندار ته ویلي چې یو کرولا ډوله موټر پرون ماسپښین له یوې نظامي رېنجرې سره ټکر کړی او له کبله یې د ا.ا یو غړی او یو بل کس مړه شوي دي.
په بغلان کې امنیتي مسوولان وايي چې په دغه ولایت کې یوې ټرافیکي پېښې د ۱۷ کسانو ژوند اخیستی او ۳۴ نور یې ټپیان کړي دي.
د بغلان د امنیې قومانداني ویاند شېراحمد برهاني وايي، نن سهار (د چنګاښ ۲۶مه، د سهشنبې ورځ) یو ۵۸۰ ډوله موټر چې مسافر یې لېږدول، د خنجان ولسوالي اړوند د شمالي سالنګ په تختهسنګ کې له سړک څخه ښي لوري ته اوښتی او رغړېدلی دی.
د جوزجان-فاریاب پر لویې لارې شوې ټرافیکي پېښې د څلورو ماشومانو په ګډون، د یوې کورنۍ د اتو غړیو ژوند اخیستی دی.
د جوزجان د امنیې قومانداني د ټرافیکو مدیر شېراحمد سعیدي وايي، یوه رونېکس ډوله موټر پرون (د چنګاښ اووهلسمه، د یکشنبې ورځ) د خواجهدوکوه ولسوالي په اړوند سیمه کې له یوه ټانکر سره ټکر کړی دی.
د غزني د امنیې قومانداني ویاند خالد سرحدي سلاموطندار ته ویلي چې په دغه ولایت کې یوې ټرافیکي پېښې ۳۸ کسانو ته مرګژوبله اړولې ده.
د نوموړي په وینا، دا پېښه بېګاه شاوخوا اتهنیمې بجې د غزني د اندړو ولسوالي په ناني سیمه کې د یوه ۴۰۴ ډوله او یوه باروړونکي موټر د ټکر له امله شوې ده.
د میدان وردګ د امنیې قومانداني مسوولانو سلاموطندار ته په یوه لېږلې خبرپاڼه کې لیکلي چې د دغه ولایت اړوند د کابل-کندهار پر لویې لارې ټرافیکي پېښه شوې چې له کبله یې درې کسان مړه او درې نور ټپیان شوي دي.
د زابل امنیتي مسوولان وايي چې د دغه ولایت په شهرصفا ولسوالي کې یو ۴۰۴ ډوله موټر چپه شوی او له کبله یې ۱۹ کسانو ته مرګژوبله اوښتې ده.
د بغلان امنیتي مسوولان وايي چې په دغه ولایت کې د دوو موټرو ترمنځ په شوي ټکر کې دوه کسان مړه شوي او ۲۱ نور ټپیان دي.
د بغلان د امنیې قومانداني ویاند شېراحمد برهاني سلاموطندار ته ویلي چې دا پېښه نن (د چنګاښ دویمه، د جمعې ورځ) سهار څلور بجې شوې ده.
د لغمان د امنیې قومانداني مسوولان وايي چې په دغه ولایت کې د یوې ټرافیکي پېښې له امله یو کس مړ شوی او پنځه نور ټپیان دي.
د لغمان د امنیې قومانداني د ټرافیکو مدیر حبیبالله مبارز سلاموطندار ته ویلي چې دا پېښه نن (د غبرګولي شپاړلسمه، د سهشنبې ورځ) د کابل-جلالاباد پر لویې لارې شوې ده. د نوموړي په وینا، په دې پېښه کې یوې کرولا له مازدا ډوله موټر سره تکړ دی.
د کاپیسا امنیتي مسوولان وايي چې دغه ولایت کې د یوې ټرافیکي پېښې له امله شپږ کسان مړه او نهه نور ټپیان شوي دي. د کاپیسا د امنیې قومنداني ویاند عبدالفتاح فایز سلاموطندار ته ویلي چې د الهسای ولسوالي د چایخېل کلي په اشپيدره کې یو مازدا ډوله موټر له سړک یوې کندې ته لوېدلی چې له کبله یې شپږ کسان مړه شوي او نهه ټپیان دي.
د بغلان د ټرافیکو مدیریت مسوولان وايي چې د دغه ولایت کې د یوې ټرافیکي پېښې پر مهال څلور کسان مړه شوي او یو بل کس ټپي دی.
د بغلان د ټرافیکو مدیریت د پېښو امر صفيالله عمري سلاموطندار ته ویلي چې پېښه پرون پنجشنبه د غويي ۲۸مه د «نصرت امین» سیمه کې هغه مهال رامنځته شوه چې یو موټر له سړک واوښت او د «ګوهرګان» سیند پرېوت.
غزني کې ټرافیکي پېښې د درېوو کسانو ژوند اخیستی دی. دا پېښه پرون ماښام د غزني د مرکز اړوند د «روضې کنډو» سیمه کې د ۴۰۴ ډوله موټر او موټرسایکل د ټکر له امله شوې ده.
د لوګر ولايت د امنیې قومانداني وياند احمدالله انس سلاموطندار ته ویلي چې پرون (د غويي څوارلسمه، د پنجشنبې ورځ) مازديګر مهال د محمداغې ولسوالي په «کډي» سیمه کې یو موټر او موټرسایکل سره ټکر شوي له کبله یې يو کس وژل شوی او د يوې ميرمنې په ګډون، دوه کسان ټپيان شوي دي.
د بغلان د ټرافیکو مدیریت مسوولان وايي چې دغه ولایت کې د ټرافیکي پېښې له کبله شپږ کسان مړه شوي او یو بل کس ټپي دی.
پېښه نن سهشنبه د غويي ۱۲مه د یاد ولایت د مرکز پلخمري ښار اړوند «دشتخواجه الوان» سیمه کې د یوه کرولا ډوله او باروړونکي موټرو ترمنځ رامنځته شوې ده.
د کاپیسا محلي مسوولان وايي، دغه ولایت کې د یوې ټرافیکي پېښې پرمهال یو کس مړ شوی دی.
د کاپیسا د امنیې قومنداني ویاند عبدالفتاح فایز نن شنبه د غويي دویمه سلاموطندار ته ویلي، پېښه پرون جمعه د دغه ولایت د دویمې حصې ولسوالي اړوند «مراد خواجه» سیمه کې رامنځته شوې ده. پېښه د کرولا ډوله موټر او یوه موټرسایکل ترمنځ د ټکر له امله رامنځته شوې چې په پایله کې یې موټرسایکل چلوونکی مړ شوی دی.
د خوست امنیتي مسوولان وايي چې نن د اختر په لومړۍ ورځ په دغه ولایت کې یوې ټرافیکي پېښې یو کس مړ کړی او دوه نور یې ټپیان کړي دي. نن د افغانستان په ګډون، په ډېری هېوادونو کې د کوچني اختر لومړۍ ورځ ده.
د سلاموطندار په اړه
نشراتي سیاست او مسلکي اصول
د خصوصي حریم سیاست
له موږ سره اړیکه
کارموندنه
د معلوماتو او سندونو لېږل
له موږ سره د همکارۍ شرایط
شکایت
راډیويي خپرونې
فلم او تصویر
آر اس اس
په خبرپاڼه کې ګډون
