د ماشومانو د خوندیتوب سازمان تازه خبرداری ورکړی چې اقلیمي ناورینونو په افغانستان کې انساني وضعیت نور هم ترینګلی کړی دی.
دغه سازمان د یوې اعلامیې په خپرولو سره ویلي چې د روان زېږدیز کال له پیل راهیسې څه باندې ۳۸ زره کسان چې نیمايي یې ماشومان دي، د اقلیمي بدلونونو له کبله بېځایه شوي دي.
د بادغېس د امنیې قومانداني د رسنیو دفتر وايي، د دغه ولایت ولسوالي په بالامرغاب ولسوالي کې دوه ماشومان څاه ته لوېدلي او مړه شوي دي.
دغه دفتر په یوه خبرپاڼه کې لیکلي چې یادو ماشومانو پرون (د تلې ۲۱مه، شنبه) د بالامرغاب په پنیرک سیمه کې د یوې ژورې څاه ترڅنګ لوبې کولې چې ور لوېدلي او مړه شوي دي.
د جوګي قوم نږدې ۳۰۰ کورنۍ د افغانستان د پلازمېنې په خیرخانې کوتل کې د ژوند له لومړنیو امکاناتو پرته تر خیمو لاندې په سختو شرایطو کې ژوند کوي.
د جوګي قوم ښځې او نجونې له سختې بېوزلۍ، ټولنیز توپیري چلن، روغتیايي او د زدهکړو خدمتونو ته نه لاسرسی، په کم عمر کې ودېدو او نورو بېلابېلو ټولنیزو فشارونو سره مخامخ دي.
په ځینو ولایتونو کې یوشمېر سېلابځپلیو کورنیو سلاموطندار ته ویلي چې ماشومان یې لومړنیو خدمتونو ته لاسرسی نهلري. د دوی په وینا، د شپې او ورځې تېرولو لپاره د اوسېدو ځای نهلري او له همدې امله يې ماشومان پر بېلابېلو ناروغيو اخته کېږي.
د افغانستان د عامې روغتیا وزارت چارواکو د دوشنبې په ورځ په ۲۳ ولایتونو کې د ګوزڼ ضد واکسین ورکولو د څلورورځني کمپاین د پیل خبر ورکړ.
د دغه وزارت ویاند شرف زمان امرخېل وايي، په پام کې ده چې په دغه پړاو کې به له پنځو کلونو کمعمره اته میلیونه ماشومانو ته د ګوزڼ ضد واکسین ورکړل شي.
د کاپیسا د امنیې قومانداني ویاند عبدالفتاح فایز وایي، په دغه ولایت کې له جګړې پاتې د هاوان مرمۍ چاودنه کې یو ماشوم وژل شوی او درې نور ټپیان دي.
د غزني د ولایتي روغتون رییس نیازمحمد نوري سلاموطندار ته وايي چې د تېر یوه کال پرمهال دغه ولایت کې پر خوارځواکۍ د اخته ماشومانو شمېر د پام وړ لوړ شوی چې ستر لامل یې د کورنیو بېوزلي او د زېږون ترمنځ د واټن نهمراعتول په ګوته کوي.
په داسې حال کې چې د روغتیا نړیوال سازمان په افغانستان کې د ماشومانو د ګوزڼ ناروغي د خپرېدو ګواښ په اړه اندېښنه ښودلې، د افغانستان د عامې روغتیا وزارت د ګوزڼ له منځه وړلو د بېړني عملیاتي مرکز مسوولان وايي، دغه وزارت د خپلو نړیوالو همکارانو په همکاري د ګوزڼ ویروس د خپرېدو مخنیوي لپاره عملي اقدامات په پام کې لري او هېواد ته ټولو راستانه شویو ماشومانو ته د ګوزڼ ضد واکسین ورکړل شوی دی.
پاکستان کې سلګونه افغان بېسرپرسته مېرمنې چې دوی ته د ورپېښو امنیتي ستونزو او یو لړ محدودیتونو له امله پاکستان ته کډه شوي، دغه هېواد کې د ژوند سختې شپې او ورځې تېروي.
یادې بېسرپرسته افغان مېرمنې د پاکستان بېلابېلو سیمو کې له کړاوه ډګ ژوند کوي او له ژوند په تنګ شوې دي.
په پاکستان کې میشتې یوشمېر افغانې کورنۍ وايي چې ماشومان یې له زدهکړو پاتې دي او اجازه نه لري چې په پاکستاني دولتي ښوونځیو کې نه شاملېږي.
په افغانستان کې د ۲۰۲۱ کال د اګېسټ میاشت کې له سیاسي بدلون وروسته ګنشمېر افغانې کورنۍ د دوی ژوند ته د پېښو ګواښونو له وېرې ګاونډیو هېوادونو ته ولاړل، خو اوس هلته د ګڼو اقتصادي، امنیتي او ټولنیزو ستونزو تر څنګ، ماشومان یې هم زدهکړو ته لاسرسی نه لري.
په افغانستان کې د ملګرو ملتونو د ماشومانو د ملاتړ صندوق یا یونیسف د سهشنبې په ورځ پر خپلې اېکسپاڼې لیکلي چې په روان زېږدیز کال کې به له جګړې د پاتې ماینونو د خطرونو په اړه د ماشومانو په ګډون، د ۳،۶ میلیونه کسانو لپاره روزنیز پروګرامونه جوړ کړي.
د پنجشېر د لرې پرتو سیمو یوشمېر اوسېدونکي وايي چې ګڼشمېر ماشومان په دغه ولایت کې پر خوارځواکۍ اخته شوي او روغتیايي خدمتونو ته هم لاسرسی نه لري.
د پنجشېر د درې ولسوالي اوسېدونکې شهلا چې درې ماشومان یې پر خوارځواکۍ اخته دي، له مسوولانو غواړي چې پر دې ناروغي د ماشومانو د اخته کېدو مخه ونیسي.
د خوست د عامې روغتيا رياست مسوولان وايي، په دغه ولايت کې يې د يونيسف په مالي لګښت او د هدف موسسې په تخنيکي همکاري د اوسپنې، پوليک اسید او منرالونو د ورکړې درېورځنی کمپاين پيل کړی دی.
د خوست د عامې روغتيا رياست مرستيال عبدالرحمان زاهد وايي، ياد کمپاين پرون شنبه پيل شوی او درې ورځې به دوام وکړي.
نړیوالو رسنیو د غزې تړانګې د روغتیايي چارواکو له قوله لیکلي چې اسراییلو په غزه کې د اوربند مودې له پای ته رسېدو راهیسې بریدونه پیل کړي او له کبله یې ۱۸۴ کسان وژل شوي او شاوخوا ۵۸۹ نور ټپیان دي. د غزې د روغتیا وزارت تر دې مخکې ویلي و چې ډېری وژل شوي کسان ښځې او ماشومان دي.
یوشمېر افغان ماشومان چې په تېره یوه اوونۍ کې له خپلو کورنیو سره له پاکستان څخه په زوره را ایستل شوي، شکایت کوي چې د تلپاتې اوسېدو لپاره سرپناه نه لري او زدهکړې یې هم نېمګړې پاتې شوې دي.
د پنجشېر د عامې روغتیا ریاست مسوولان وايي چې د روان کال په لومړنیو شپږو میاشتو کې په دغه ولایت کې ۷۷ کسان د بیزوګي چیچک پر ناروغي اخته شوي دي.
د دغه ولایت د بېلابېلو سیمو یوشمېر اوسېدونکي چې ماشومان یې پر دې ناروغي اخته دي، د بیزوګي چیچک ناروغي د زیاتوالي په اړه اندېښمن دي.
د سلاموطندار په اړه
نشراتي سیاست او مسلکي اصول
د خصوصي حریم سیاست
له موږ سره اړیکه
کارموندنه
د معلوماتو او سندونو لېږل
له موږ سره د همکارۍ شرایط
شکایت
راډیويي خپرونې
فلم او تصویر
آر اس اس
په خبرپاڼه کې ګډون
