د تېر جمهوري نظام د یوه عسکر بوره مور په ژړغوني غږ وايي چې ناپېژنده وسلهوالو یې څه موده مخکې زوی په ډزو وژلی دی.
د دغې مور په خبره، تر اوسه هېچا دا ورته روښانه نه کړه چې زوی یې چا او ولې وواژه؟ خو زیاتوي چې د اسلامي امارت ځواکونه یې څو ځله د هغه د وسلې او موټرسایکل ترلاسه کولو په موخه کور ته ورغلي دي.
د بلخ د امنیې قومانداني ویاند محمداصف وزیري وايي، ناپېژنده وسلهوالو نن مازدیګر شپږ بجې د مزار شریف ښار د اوومې امنیتي حوزې اړوند په «کارته صلح» کې ډاکټر اسدالله شارق وژلی دی.
د جوزجان د اطلاعاتو او کلتور ریاست مسوولان وايي، ناپېژنده وسلهوالو د دغه ولایت د فیضاباد ولسوالي د پوهنې مخکینی امر عبدالمتین له خپل زوی سره یوځای وژلی دی.
د فاریاب د اطلاعاتو او کلتور رییس شمسالله محمدي سلاموطندار ته وویل چې ناپېژنده وسلهوالو دغه ولایت کې د عبدالصمد په نوم یو کس وژلی دی.
د فاریاب د اطلاعاتو او کلتور رییس شمسالله محمدي سلاموطندار ته ویلي چې ناپېژنده وسلهوالو د دغه ولایت د اقتصاد رییس عبدالرحمان منور کور ته پر لاره وژلی دی.
دا پېښه نن ماسپښین د دغه ولایت په قیصار ولسوالي کې شوې ده. د فاریاب د اقتصاد رییس د قیصار ولسوالي د «سپرګلیک» سیمې اوسېدونکی و.
د کورنیو چارو وزارت د یوې خبرپاڼې په خپرولو سره ویلي چې د حکومت د اطلاعاتو او رسنیو مرکز رییس دواخان مینهپال نن غرمه د کابل ښار اړوند په اوومه ناحیه کې وژل شوی دی.
د ماليې وزازت د مطبوعاتو آمر او د طلوع نیوز ټلوېزیون پخوانی ویاند نعمت روان نن په کندهار کې د ناپېژنده وسلهوالو له لوري ووژل شو.
دا پېښه نن د کندهار ښار د ۱۴مې امنیتي حوزې په اړوند سیمه کې هغه مهال وشوه چي نعمت روان له کور څخه د کوچني اختر لپاره د سودا پېرلو لپاره بازار ته روان و.
د ننګرهار د عامې روغتیا ریاست د کتلوي معافیت څانګې مسوول ډاکټر جانمحمد صاحبزاده وايي، د جلالاباد ښار په ګډون، په بهسودو او سرهرود ولسوالیو کې د ماشومانو د ګوزڼ یا پولیو واکسین کمپاین درول شوی دی.
د نوموړي په وینا، دغه کار له هغه وروسته شوی چې تېره ورځ په جلالاباد کې د ګوزڼ واکسین درې ښځینه کارکوونکې ترور شوې.
د ولسمشر لومړی مرستیال امرالله صالح وايي، طالبانو د ده د ترور پلان درلود، خو د ملي امنیت ریاست یې مخه نیولې ده.
نوموړي نن د کابل د امنیتي وضعیت په اړه پر خپلې فېسبوکپاڼې لیکلي چې د ملي امنیت عمومي ریاست هغه ۱۶ نښه شوې سیمې پېژندلي چې د طالبانو غوښتل د ده د تګراتګ لارې په اوږدو کې پر یو وخت پهکې بمونه کېږدي.
د کابل امنیه قومانداني وايي چې په کابل ښار کې د کلیو بیارغونې او پراختیا وزارت څلور کارکوونکي ترور شوي دي.
د کابل د امنیې قومانداني ویاند فردوس فرامرز وايي، نن سهار شاوخوا ۹:۲۰ دقیقې د کابل ښار پنځمې امنیتي حوزې اړوند د باغ داوود پر سړک د کلیو بیارغونې او پراختیا وزارت څلور کارکوونکي د وسلهوالو له لوري ترور شوي دي.
د کورنیو چارو وزارت ویاند طارق ارین وايي، د افغانستان د ازدو او عادلانه ټاکنو بنسټ یا د فیفا اجراييوي مشر یوسف رشید د وژنې په تور یې ۳ کسان نیولي او قضیه تر څېړنې لاندې ده.
نوموړي لیکلي، ځینې نور کسان هم دغه وژنه کې لاس لري.
د کابل امنيې قومندانۍ تاييدوي چې بغلانی مدني فعال عابد جاهد تېره ورځ ماښام د کابل ښار په اوولسمه ناحيه کې د ناپېژاندو وسلهوالو له لوري ووژل شو.
د يادې قومندانۍ وياند فردوس فرامرز وايي، عابد جاهد د يادې ناحيې «بوستان کابل» سيمه کې وژل شوی او زياتوي چې په دې اړه څېړنې پيل شوې دي.
ناپېژنده وسلهوالو نن سهار د افغانستان د ازادو او عادلانه ټاکنو بنسټ یا فیفا اجرایوي رییس محمدیوسف رشید په کابل کې وواژه. د محمدیوسف رشید ورور عبدالباقي رشید د هغه وژل کېدل تاییدوي.
د کابل د امنیې قومانداني ویاند فردوس فرامرز وايي، ناپېژنده وسلهوالو نن سهار ۸:۴۵ دقیقې د کابل ښار د اوونې امنیتي حوزې اړوند په «تڼيکوټ» سیمه کې پر رشید برید کړی چې له کبله یې یوسف رشید وژل شوی او موټر چلوونکی یې ټپي دی.
ناپېژنده وسلهوالو چې پر موټرسایکل سپاره وو، نن سهار د کندهار ښار په دویمه ناحیه کې یو څارنوال وژلی دی.
د سلاموطندار په اړه
نشراتي سیاست او مسلکي اصول
د خصوصي حریم سیاست
له موږ سره اړیکه
کارموندنه
د معلوماتو او سندونو لېږل
له موږ سره د همکارۍ شرایط
شکایت
راډیويي خپرونې
فلم او تصویر
آر اس اس
په خبرپاڼه کې ګډون
