د هرات محلي مسوولان وايي، په دغه ولایت کې د رغېدلیو نشهیانو او اړمنو ځوانانو لپاره د «حرفه» په نوم یې یو ښوونیز مرکز پرانېستی دی.
په دغه ښوونیز مرکز کې د ۵۸۰ ځوانانو لپاره د حرفوي زدهکړو اسانتیاوې برابرې شوې دي. د مسوولانو په وینا، دغه مرکز له حکومت سره د نورو بنسټونو د همکارۍ یوه نمونه ده.
په افغانستان کې د سرطان ناروغي د تشخیص او درملنې مرکز مسوولان د سرطان له نړیوالې ورځې سره هممهاله په افغانستان کې د متخصصو کادرونو، جلا روغتونونو، درملو، تجهیزاتو او بسترونو له نشتوالي او مالي ستونزو سر ټکوي.
د یوشمېر هغو نشهیانو له ډلې چې د مسلکي او حرفوي زدهکړو او له نشې د خلاصون په موخه د نشې پرېښودو ۵۰۰۰ بستریز مرکز ته لېږدول شوي وو، ۵۳۰ هغه یې په پنځو څانګو کې د دغه مرکز له یوې روزنیزې دورې فارغ شوي دي. دغو کسانو چې مخکې پر نشې اخته وو، څلور میاشتې د خیاطۍ، برښنا، د بیک او بوټانو ګنډلو او د کور برښنايي وسایلو د جوړولو برخه کې زدهکړې کړې دي.
په هرات کې سرچینو ځینو رسنیو ته ویلي چې هرات کې د وروستیو ورځو پر مهال پر نشهيي توکو شاوخوا ۷۰ اخته کسانو د سختې یخنۍ له کبله ژوند له لاسه ورکړی دی.
خوست کې په موسمي ناروغیو په ځانګړې توګه پر تنفسي ناروغۍ د اخته کسانو شمېر ډېر شوی دی. د خوست اوسېدونکي وايي چې د هوا په سړېدو سره د ماشومانو په ګډون ګڼشمېر خلک پر تنفسي ناروغۍ اخته شوي چې وېره لري، کورونا ویروس نه وي.
په هلمند کې محلي چارواکي وايي چې دغه ولایت کې پر کولرا یا شدید نسناستي ناروغۍ د اخته کسانو شمېر ډېر شوی دی.
د زابل روغتیايي مسوولان وايي چې له تېرو څو میاشتو راهیسې په دغه ولایت کې پر یوې ناپېژنده ناروغۍ سلګونه کسان اخته شوي دي.
د اسلامي امارت د روغتیا وزارت نن له سرطان ناروغۍ سره د مبارزې نړیوالې ورځې په تړاو د «له سرطاني ناروغانو د ساتنې تشه ډکه کړئ» تر نوم لاندې غونډه جوړه کړې وه. د عامې روغتیا وزارت مسوولانو په دغه غونډه کې وویل چې هر کال افغانستان کې شاوخوا ۴۰۰۰۰ کسان پر سرطان ناروغۍ اخته کېږي او له دې ډلې له ۱۶ تر ۲۰۰۰۰ ناروغان مړه کېږي.
محمدعلي د یوه ۲۶ کلن ځوان مستعار نوم دی چې په بادغېس کې اوسېږي او له څو کلونو راهیسې پر نشهيي توکو روږدی شوی دی. هغه وايي، پوډر او ښيښه څښوي او لومړی ځل هم په ایران کې د ملګرو په هڅونه پرې اخته شوی دی.
محمدعلي زیاتوي، ایراني ملګرو سره به یې په ګډه پوډر څښول او هغوی به هم په دې کار ستایل چې بالاخره پرې اخته شو.
د عامې روغتیا وزارت وايي، هېواد کې په بریا سره د کورونا ويروس د لومړۍ او دویمې څپې له تېرېدو وروسته، اوس بیا هم د دغه ويروس خپرېدل مخ په پراخېدو دي.
د عامې روغتیا وزارت وايي چې کورونا په تېره یوه شپه او ورځ کې ۳ کسان مړه کړي او ۱۳۷ نور پرې اخته شوي دي.
د دغه وزارت په وینا، په تېرو څلېرویشت ساعتونو کې یې د ۲۰۹۷ کسانو نمونې چې د کورونا شک پرې کېده، کتلې دي.
د عامې روغتیا وزارت وايي چې کورونا په تېره یوه شپه او ورځ کې ۱۲ کسان مړه کړي او ۸۴ نور پرې اخته شوي دي.
د دغه وزارت په وینا، په تېرو څلېرویشت ساعتونو کې یې د ۱۰۰۳ کسانو نمونې چې د کورونا شک پرې کېده، کتلې دي.
د سلاموطندار په اړه
نشراتي سیاست او مسلکي اصول
د خصوصي حریم سیاست
له موږ سره اړیکه
کارموندنه
د معلوماتو او سندونو لېږل
له موږ سره د همکارۍ شرایط
شکایت
راډیويي خپرونې
فلم او تصویر
آر اس اس
په خبرپاڼه کې ګډون
