د پاکستان، نیوزیلنډ او بنګلدېش کرېکټ لوبډلو ترمنځ د پیل شوې درې اړخیزې لوبلړۍ په لړ کې نن کوربه نیوزیلنډ لوبډله بریالۍ شوه چې بنګلدېش ته د ۴۸ منډو په توپیر ماته ورکړي.
په دغه سیالي کې نیوزیلنډ لوبډلې لومړی توپوهنه وکړه او په ټاکل شویو شلو اورونو کې یې د پنځو لوبغاړو په سوځېدو بنګلدېش ته د ۲۰۹ منډو هدف وټاکه.
د نیوزیلنډ لپاره ډېویډ کانوې ۶۴ او ګلېن فلېپ چټکې ۶۰ منډې وکړې.
بنګلدېشۍ لوبډلې که څه هم د هدف ترلاسه کولو لپاره ښه لوبه پیل کړه، خو په ټاکل شویو شلو اورونو کې یې د اوو لوبغاړو په سوځېدو ۱۶۰ منډې جوړې کړې او د ۴۸ منډو په توپیر یې له کوربه لوبډلې ماته ومنله.
سبا به د یادې درې اړخیزې لوبلړۍ په ترڅ کې پاکستان له بنګلدېش لوبډلې سره سیالي وکړي. د شل اووره سیالیو د دغې درې اړخیزې لوبلړۍ په جدول کې نیوزیلنډ لومړی، پاکستان دوی او بنګلدېش درېیم ځای خپل کړی دی.
