د سلاموطندار پښتو فېسبوکپاڼه وڅارئ
ارواپوه عبدالله حسیني سلاموطندار ته ویلي چې د ګلانو ساتنه د خوښۍ چاپېریال رامنځته کوي او د انسانانو ټول غمونه او خپګان له منځه وړي.
په ورته مهال یو بل ارواپوه عصمت هاشمي هم په دې باور دی چې د انسانانو او ګلانو د روحي حالت ترمنځ نږدې اړیکې شتون لري.
د نوموړي په وینا: «د انسان اصلیت مثبت فکر کول دي. کله چې د ګلانو په اړه غږېږو، فکر مې مثبت کېږي. انسانان خپله له طبیعت او ګلانو سره ژوره اړیکه لري.»
په همدې حال کې د کابل ښار اوسېدونکي داوود شاه مل د انسان او ګلانو د ژورو اړیکو په اړه وايي، کله چې یو انسان خپه وي، یوشمېر ګلان هم د انسان د خپګان پر وړاندې عکسالعمل ښيي.
دا په داسې حال کې ده چې یوشمېر ګل پلورونکي د ګلانو د پېر او پلور بازار څخه شکایت کوي او وايي چې د نوي حکومت په راتلو سره د ګلانو کاروبار کمه رنګه شوی دی.
د ګل پلورونکو په وینا، د خراب اقتصاد له امله خلک د خوراکي توکو او نورو اړتیاوو برابرولو په فکر کې دي او د ګلانو د پېرلو توان نه لري.
سلاموطندار پر ټویټر هم وڅارئ
که څه هم افغانستان کې د ګل نړیوالې ورځې نمانځنه دود نه ده، خو د نړۍ په یوشمېر هېوادونو کې د ګلانو د نندارتونونو په جوړولو سره دغه ورځ نمانځي.
