د شپږیزې کرېکټ لیګ سیالیو په لړ کې نن بُست ساتونکي بریالي شو چې د هندوکُش ستوري د ۵۲ منډو په توپیر له ماتې سره مخ کړي.
د شپږیزې کرېکټ لیګ د روانو سیالیو په ۱۱ لوبه کې بُست ساتونکو لوبډلې د حسن عیسیخېل د ۷۶ منډو پرمټ په ټاکل شویو شلو اورونو کې د هندوکش ستورو ته د ۱۷۴ منډو هدف وټاکه.
د سلاموطندار پښتو فېسبوکپاڼه وڅارئ
په ځواب کې د هندوکُش ستورو لوبډله د یاد هدف ترلاسه کولو کې پاتې راغله او ټوله لوبډله د وروستي اوور په ۴ توپ په ۱۲۱ وسوځېده او دغه لوبه یې د ۵۲ منډو په توپیر بُست ساتونکو ته وبایلله.
د نن ورځې په دویمه لوبه کې به امو نهنګان د بندامیر ښامارانو پروړاندې لوبه وکړي.
سلاموطندار پر ټویټر هم وڅارئ
د شپږیزې کرېکټ لیګ په جدول کې بُست ساتونکي په درېوو بریاو سره په لومړي، سپینغر پړانګان هم د درېوو بریاو سره په دویم او کابل بازان د دوو بریاو او یوې ماتې سره درېیم ځای کې دي.
