د غور محلي مسوولان وايي چې یاد ولایت کې یې د یوه کس جسد پیدا کړی دی. د یاد ولایت د محلي مسوولانو په وینا، د امنیې قومنداني استخباراتي او امنیتي ځواکونو د «ظفرخان» په نوم د یوه کس جسد موندلی دی.
ویل کېږي چې یاد کس د پکتیکا ولایت د «مټيخان» ولسوالي اصلي اوسېدونکی دی او د غور په دولتیار ولسوالي کې یې جسد پیدا شوی.
د غور محلي مسوولانو تراوسه د یادې پېښې د څرنګوالي او انګېزې په تړاو څه نه دي ویلي.
ا.ا د روسیې د علومو اکاډمۍ علمي، تحلیلي او اطلاعاتي مرکز رییس نیکولای پلوتنیکف وروستیو څرګندونو ته په غبرګون کې ویلي چې د ا.ا حکومت له کوم هېواد سره شخړه نه غواړي او د اړتیا له مخې د هېواد امنیت ټينګښت لپاره کار کوي.
د بادغیس امنیتي مسوولان وايي چې دغه ولایت کې یوه ۱۹کلن ځوان له خپل پلار سره تر لفظي شخړې وروسته ځانوژنه کړې ده.
پېښه پرون دوشنبه د غويي ۲۵مه د یاد ولایت د جوند ولسوالي اړوند «ګزستان» کلي کې رامنځته شوې ده.
د خوست امنیتي مسوولان وايي چې د دغه ولایت په اړوند سیمه کې د یوه ملا امام په کور کې دننه د چاودنې له کبله دوه نجونې وژل شوي او دوه نور ماشومان یې ټپیان شوي دي.
د کندهار محلي مسوولان وايي چې د دغه ولایت د سپینبولدک له لارې له پاکستان څخه په تېرو درېوو ورځو کې ۱۴۲ کورنۍ بېرته هېواد ته راستنې شوې دي.
د کندهار د والي ویاند حاجي عزیز سلاموطندار ته ویلي چې د روانې غويي میاشتې په ۲۳مه، ۲۴وه او ۲۵مه ۱۴۲ کورنۍ چې ټول ۸۶۰ کسان کېږي، بېرته هېواد ته راستانه شوي دي.
د ترکیې وګړي نن یکشنبه سهار اته بجې د رایې ورکولو صندوقونو ته ولاړل او د خپل هېواد د راتلونکي برخلیک ټاکلو لپاره یې د ولسمشري ټاکنو کې چې د ترکیې په معاصر تاریخ کې تر ټولو مهمې ټاکنې بلل کېږي، برخه واخیسته.
ګرمسېر، د هلمند د سوېلي ولسوالیو له ډلې یوه ده. د دې ولسوالي اوسېدونکي وايي، په دې ولسوالي کې ټوله راکړه ورکړه د تېرو شاوخوا دېرشو کلونو راهیسې په پاکستانۍ کلدارو کېږي. د دوی په وینا، ټولې وړې او لويي سوداګریزې راکړې ورکړې یوازې په کلدارې کیږي او په ځینو سیمو کې که هټۍوالو ته افغانۍ هم ورکړې، په افغانیو بدلوي.
د سیاسي چارو شنونکي کندهار ته د قطر د لوړپوړي پلاوي سفر او هلته د اسلامي امارت له لوړپوړو چارواکو سره یې د لیدنې په اړه وايي، دغه سفر د نړیوالې ټولنې د هغه پیغام رسولو په موخه و چې په دوحه کې د ملګرو ملتونو په وروستۍ غونډه کې یاد شوی و. دغه پلاوي په کندهار کې له رییسالوزرا محمدحسن اخوند په ګډون، له یوشمېر چارواکو خبرې کړې دي.
په پاکستان کې د روانو تاوتريخجنو اعتراضونو په لړ کې، د افغانستان د بهرنیو چارو وزارت نن د غويي شلمه، د چهارشنبې ورځ د يوې خبرپاڼې په خپرولو سره په دغه هېواد کې پر ښکېلو لوریو غږ کړی چې له زغم څخه کار واخلي او د تفاهم لاره غوره کړي. د بهرنیو چارو وزارت په پاکستان کې د روان کړکېچن وضعیت په اړه خواشیني هم ښودلې ده.
د لوړو زدهکړو وزارت له لوري د «علياباد» تدریسي روغتون کې نن چهارشنبه د غويي ۲۰مه د داخلي ناروغیو د درملنې او سرطان جراحي نوی مرکز پرانېستل شو.
د علياباد تدریسي روغتون رییس عبدالمطب شینواري په دې اړه جوړو شویو مراسمو ته د وینا پر مهال وویل چې دغه روغتیايي مرکز د روغتیا نړیوال سازمان، د سره صلیب کمېټې او لوړو زدهکړو وزارت لهخوا جوړ شوی دی.
د جمهوریت له پرځېدو، د بشردوستانه مرستو د کمېدو او د اقتصادي پروژو له ځنډېدو وروسته هېواد کې د بېوزلي لمن پراخه شوې او د مرستندویه بنسټونو د معلوماتو له مخې، دغه هېواد کې ۳۵میلیونه وګړي بشردوستانه مرستو ته اړتیا لري.
هېواد کې له شپږم ټولګي پورته د نجونو زدهکوونکو د ښوونځيو له تړلکېدو نن ۶۰۰ ورځې پوره شوې، خو د ا.ا مسوولان لاهم ټينګار کوي چې د نجونو ښوونځیو تړلي پاتېکېدل لنډمهاله دي.
متقي د پاکستان د ستراتیژیکو مطالعاتو مرکز کې دوشنبه د غويي ۱۸مه ویلي، افغانستان کې نجونې زدهکوونکې تر امرثاني پورې نهشي کولای، ښوونځیو ته لاړې شي.
د بهرنیو چارو وزارت سرپرست امیرخان متقي ویلي، ا.ا هلمند سیند څخه د ایران حقابه په رسمیت پېژني او تمه لري چې سږکال ډېر باران واوري، څو د اوبه ډېرې او د دواړو هېوادونو اړتیا تامین کړي. ایرنا د متقي له قوله لیکلي: «هیله لرم چې سږکال ډېر ورښتونه وشي او دغه خیر او برکت د اوبو زېرمو د ډېروالي لامل شي او د دواړو هېوادونو اړتیاوې پوره کړي.»
د افغانستان بانک وايي چې سبا سهشنبه د غويي ۱۹نېټه به «۱۴» میلیونه امریکايي ډالر د لیلام په توګه بازار ته وړاندې کړي.
د افغانستان بانک نن (دوشنبه د ۱۴۰۲ د غويي ۱۸) پر خپله ټوېټرپاڼه لیکلي چې د «افغانۍ» ارزښت ساتنې او ثبات لپاره به سبا سهشنبه «۱۴» میلیونه امریکايي ډالر لیلام کړي.
د افغانستان لپاره د ملګروملتونو د بشري مرستو د همغږۍ اداره «اوچا» وايي چې دغه هېواد کې مرستندویه ادارې په خورا ننګونکي عملیاتي چاپېریال کې هڅه کوي، څو میلیونونو افغانانو ته مرستې ورسوي. اوچا دغه څرګندونې پرون یکشنبه د غويي ۱۷مه پر خپله ټوېټرپاڼه کړي دي.
د پروان امنیتي مسوولان وايي چې د دغه ولایت په اړوند سیمه کې ناپېژنده وسلهوالو یو ۳۵کلن کس وژلی دی. پېښه نن دوشنبه د غويي ۱۸مه د پروان د جبلالسراج ولسوالي په «شېرباقيخېل» کلي کې رامنځته شوې ده.
د پروان د امنیې قومنداني ویاند محمدکامران حبیبي سلاموطندار ته ویلي چې نن سهار شاوخوا ۴:۳۰ بجې ناپېژنده وسلهوالو د سلیمان په نوم یو کس وژلی دی.
