د اسلامي امارت لهخوا پر ښځو د بندیزونو د لګېدو او د نجونو پر مخ له شپږم ټولګي پورته د ښوونځیو بندېدو سره هم مهاله د بشري حقونو د څار سازمان له نړیوالې ټولنې غوښتي چې د اسلامي امارت د دغه اقداماتو په غبرګون کې پر هغوی هم بندیزونه ولګوي.
د قوش تيپې کانال د هېواد د تر ټولو سترو کانالونو له ډلې يو دى چې د بلخ ولايت په کلدار ولسوالي کې له آمو سيند نه پيل شوى او د حيرتان له دښتو، د بلخ له دولت اباد او د جوزجان له اقچې ولسوالیو نه په تېرېدو د فاریاب په اندخوى ولسوالي کې پاى ته رسېږي. دغه کانال ٢٨٥ کيلومتره اوږدوالى، سل متره سور او ٨٥ متره غوچوالى لري.
د افغانستان د ژورنالستانو او رسنیزو بنسټونو فدراسیون مارچ میاشت کې د خبریالانو وضعیت په اړه خپل یو میاشتنی رپوټ خپور کړ. دغه رپوټ کې ویل شوي، چې مارچ میاشت کې د خبریالانو پر وړاندې تاوتریخوالی څه باندې دوه برابره زیات شوی دی.
د خوړو نړیوال پروګرام يا ډبلیو اېف پي وايي چې په افغانستان کې د خوړو د خوندیتوب بحران د ژوريدو په حال کې دی. د خوړو نړيوال پروګرام يوې څېړنې ښودلې چې دا مهال د افغانستان ۲۳ ملیونه وګړي د خوړو خونديتوب نه لري او دا شمېرې د لوړيدو په حال کې دي.
د اسلامي امارت د بهرنیو چارو وزارت د ویاند مرستیال حافظ ضیا احمد نن په ټویټر کې لیکلي چې د افغانستان د بهرنیو چارو وزارت سرپرست امیرخان متقي د افغانستان د ګاونډیو هیوادونو د بهرنیو چارو د وزیرانو په درېمه غونډه کې د ګډون په موخه د چین پلازمېنې بیجینګ ته ورسېد.
ننګرهار کې د بزګر ورځې نمانځنې سره هممهاله د حکومتي ادارو او خصوصي سکتور په همکارۍ د کورنیو تولیداتو دوه ورځنی نندراتون پرانستل شو. د کورنیو تولیداتو دغه نندراتون کې د هېواد بېلا بېلو سیمو کې لسګونه تولید شوي توکي لسګونو غرفو کې نندارې او خرڅلاو ته کېښودل شوي.
رویټرز خبري اژانس یوه رپوټ کې ویلي چې نړیوال بانک د نجونو د منځنۍ او لېسې دورې د ښوونځیو تړلي پاتې کېدو په غبرګون کې، افغانستان کې د څلورو سترو پروژو پلي کول ځنډولي دي. د دې پروژو ارزښت شاوخوا ۶۰۰ میلیونو ډالرو ته رسیږي.
د انسان پیژندنې امریکایي ټولنه وایي ټاکل شوې وه د “هغه وخت او اوسنی افغانستان: د پخواني ولسمشر اشرف غني سره خبرې اترې” تر عنوان لاندې غونډه د مارچ په ۳۱مه جوړه شي. خو د دې ټولنې مسوولانو ویلي، د هغه وضعیت له امله چې د دوی په کنټرول کې نه و یاده غونډه لغو شوه.
د ملګرو ملتونو د پراختیایي پروګرام (UNDP) مشر اخیم شټاینر د سهشنبې په ورځ کابل کې په یوه خبري غونډه کې د اسلامي امارت له مشرانو څخه وغوښتل چې د نجونو ( له شپږم پورته نجونو زدهکوونکو) د متوسطه او عالي لېسو د پیل په اړه پر خپلې پرېکړې بیا کتنه وکړي.
د افغانستان د پانګوالو د تجارتي شرکتونو ټولنه نن کابل کې د يو لړ مراسمو په ترڅ کې په رسمي توګه خپل فعاليت پيل کړ. د دې ټولنې مسوولان وايي، دا ټولنه د افغانستان د پانګوالو ترمنځ د يووالي رامنځته کولو په موخه جوړه شوې ده.
د اسلامي امارت د امر بالمعروف او نهې عنالمنکر وزارت سلاموطندار ته تایید کړه چې یوه میاشت وړاندې یې ټولو دولتي ادارو ته یو مکتوب استولی او پهکې له دولتي کارکوونکو غوښتنه شوې چې «ږیره» پرېږدي او «خولۍ» هم په سر کړي.
د چین د بهرنیو چار وزارت ویلي چې هېواد به یې سبا چهارشنبه د افغانستان د ګاونډیو هېوادونو د بهرنیو چارو وزیرانو د دوه ورځنۍ ناستې کوربه وي.
که څه هم د اسلامي امارت چارواکو ویلي، تر اوسه د یادې غونډې له اجنډا څخه ډېر معلومات نهلري، خو زیاتوي چې پر اقتصادي او ورته مسایلو به پهکې خبرې وشي.
په هلمند ولایت کې له لوږې سره د مبارزې نړیوالې موسسې مسوولان سلاموطندار ته وايي چې په دغه ولایت کې پر خوارځواکۍ د اخته ماشومانو شمېر ورځ تر بلې د ډېرېدو په حال کې دی.
د روزګان ولایت چارواکي وايي چې د دغه ولايت اړوند په دهراوود ولسوالي کې داسې نښه موندل شوي چې د دغې ولسوالي په ځینو سیمو کې د ځمکې لاندې د طبیعي ګازو زېرمې موجودې دي.
د امریکا د بهرنیو چارو وزارت د اسلامي امارت له لوري په افغانستان کې د نړیوالو رسنیو پر نشراتو د بندیز لګولو په اړه اندېښنه ښودلې او له سرپرست حکومت څخه یې غوښتنه کړې چې د افغانانو پر حقونو برید ودروي.
باختر خبري اژانس په یوه ټویټر پیغام کې د اسلامي امارت د امر بالمعروف او نهې عنالمنکر وزارت د ویاند محمدصادق عاکف له خولې لیکلي چې یاد وزارت په دولتي ادارو کې د هغو کسانو د ممنوعیت په اړه کومه طرحه نه ده جوړه کړې چې «ږیره» او یا هم «خولۍ» ونه لري.
