نن سهار شاوخوا ۱:۳۰ دقیقې د افغانستان یوشمېر ولایتونه د یوې زورورې زلزلې شاهد وو. خوست او پکتیکا ولایتونه د دې زلزلې له امله سخت ځپل شوي او خلکو ته یې درانه مالي او ځاني زیانونه اړولي دي.
هېواد کې د وچکالۍ ناورین د ژورېدو په اړه د اندېښنو په لړ کې د میدانوردک ځايي چارواکي دغه ولایت کې د وچکالۍ له امله د مېوو د حاصلاتو کمېدو څخه خبر ورکوي.
د افغانستان د درملي خدمتونو ټولنې چارواکي وايي چې د خوړو او درملو ملي ادارې د دوی وارد شوي درمل د هېواد په بېلابېلو ګمرکونو کې درولي او که اجازه ورنهکړل شي، کیفیت ته به یې زیان ورسېږي.
په روزګان کې د افغان نور موتکي شرکت د فعالیت په اړه د سلاموطندار د راپور له خپرېدو وروسته د دغه ولایت امنیتي چارواکو یاد شرکت وتاړه او مسوولان یې نیولې دي.
که څه هم هلمند کې د نورو ولایتونو په پرتله رسټورانټونه کم دي، خو مالکان یې وايي، د توکو د لوړو بیو له امله اړ شوي چې خپل رسټورانټونه وتړي.
افغان نورموتکي شرکت نږدې دوه میاشتې کېږي چې په روزګان کې فعالیت کړی او ځوانانو ته د سوداګرۍ په برخه کې د کاري فرصتونو د برابرولو په موخه فعالیت کوي چې تراوسه ورسره څه باندې ۳۰۰ کسانو نوملیکنه کړې ده.
نن په کابل کې د ریاستالوزرا د لومړي مرستیال ملا عبدالغني برادر په ګډون د یوشمېر حکومتي چارواکو له لوري د ۲۵۰ میلیونه ډالرو په ارزښت د افغان انوېسټ «افغان پانګونې» په نوم د یوه ستر شرکت د جوړېدو پرانسته وشوه. په ورته مهال د سوداګرۍوزیر له افغان پانګوالو غوښتنه وکړه چې هېواد کې دننه پانګونه وکړي.
د کندهار هوايي ډګر ۳۵ کارکوونکو د خپلو معاشونو د نه ورکړې له امله له دندو استعفاوې کړې دي. دغو کارکوونکو له تېرو اتو میاشتو راهیسې معاشونه نه دي ترلاسه کړي.
د بُست دغه تدریسي روغتون د هلمند په مرکز لښکرګاه ښار کې په خصوصي ډو ل فعالیت کوي. د دغه روغتون مسوولان وايې چې په دغه روغتون کې له درملو پرته نور ټول روغتیايې خدمات ۲۴ ساعته په وړیا توګه وړاندې کېږي.
کرنه او مالداري د هلمند تر ټولو مهمه عایداتي سرچینه بلل کېږي، له همدې امله په دغه ولايت کې د شیدو د توليد په موخه د غواګانو د روزنې فارمونه زيات شوي دي.
د کډوالو په چارو کې د ملګرو ملتونو عالي کمشنرۍ ویلي، دغه بنسټ توانېدلی چې په ۲۰۲۲ کال کې افغان کډوالو، بېځایه شویو او بېرته راستنېدونکو ته د خدماتو وړاندې کولو لپاره ۳۴۰ میلیونه ډالر راټول کړي.
د روزګان ولایت یوشمېر ځوانان شکایت کوي او وایي چې په تېرو شلو کلونو کې په دغه ولایت کې هيڅ دولتي او خصوصي پوهنتون نه دیجوړ شوی.
د سره صلیب او سرې میاشتې ټولنو نړیوال فدراسیون وايي، ۷۰ سلنه افغان کورنۍ نهشي کولای خواړه او خپلې نورې لومړنۍ اړتیاووې برابرې کړي.
دغه فدراسیون نن جمعه په یوې خبرپاڼه کې ویلي، د وچکالۍ په دوام سره افغانستان کې بېوزلي او لوږه زیاته شوې او اړتیا ده چې د مهارولو لپاره یې نړیوال خپل ملاتړ پراخ کړي.
نورستان کې یوې محلي سرچینې سلاموطندار ته ویلي، د دغه ولایت د تیتن درې ځنګل کې لګېدلی اور په بشپړه توګه نه دی مهار شوی. تر دې وړاندې د نورستان د والي وياند سيفالدین لټون هم دغه پېښه تایید کړې وه او ويلي و چې د اور د مهار لپاره جدي هڅې روانې دي، خو تازه د اور د اوسني وضعیت په اړه د نورستان ولايتي چارواکو څه نه دي ویلي.
وال سټریټ ژورنال ورځپاڼې په خپل تازه راپور کې ویلي چې یو شمېر پخواني افغان چارواکي په بهر کې د میلیونونه ډالرو په ارزښت کورونه جوړ کړي او له خپلو کورنیو سره یوځای ژوند کوي.
د سوداګرۍ او صنایعو خونې مسوولانو ویلي، پاکستان سره یې په داسې طرحه کار کړی چې پر بنسټ به یې د دواړو هېوادونو ترمنځ سوداګرۍ په بارتر سېسټم یا توکي په توکي ترسره کېږي.
خو د اقتصادي چارو یوشمېر کارپوهان بیا دا ډول سوداګري د افغانستان په زیان بولي.
